ဗြိတိန်၊ တောင်အာဖရိကနှင့် ဘရာဇီးနိုင်ငံတို့တွင် စတင်တွေ့ရှိခဲ့သည့် COVID-19 ဗီဇပြောင်းဗိုင်းရပ်စ်များကို အတည်မပြုရသေးသည့် သတင်းများအရ နယ်မြေ ၁၈ ခုတွင် ထပ်တိုးတွေ့ရှိထားကြောင်း မေ ၂၅ ရက်က ထုတ်ပြန်ခဲ့သော ကမ္ဘာ့ကျန်းမာရေးအဖွဲ့၏ COVID-19 ဆိုင်ရာ အပတ်စဉ် အစီရင်ခံစာတွင် ဖော်ပြထားကြောင်း သိရသည်။
အတည်မပြုရသေးသည့် သတင်းများအရ ဗြိတိန်နိုင်ငံတွင် စတင်တွေ့ရှိခဲ့သည့် ဗီဇပြောင်းဗိုင်းရပ်စ်ကို နယ်မြေဒေသခြောက်ခု၊ တောင်အာဖရိကနိုင်ငံတွင် စတင်တွေ့ရှိခဲ့သည့် ဗီဇပြောင်းဗိုင်းရပ်စ်ကို နယ်မြေဒေသကိုးခု၊ ဘရာဇီးနိုင်ငံတွင် စတင်တွေ့ရှိခဲ့သည့် ဗီဇပြောင်းဗိုင်းရပ်စ်ကို နယ်မြေဒေသသုံးခုတွင် တွေ့ရှိထားကြောင်း ယင်းအစီရင်ခံစာ၌ ဖော်ပြထားသည်။
ဗြိတိန်နှင့် တောင်အာဖရိကနိုင်ငံများတွင် စတင်တွေ့ရှိခဲ့သည့် ဗီဇပြောင်းဗိုင်းရပ်စ်များသည် ကမ္ဘာ့နိုင်ငံအများအပြားသို့ ဆက်လက်ပျံ့နှံ့လျက်ရှိကြောင်း ၊ ဗြိတိန်နိုင်ငံတွင် စတင်တွေ့ရှိခဲ့သည့် ဗီဇပြောင်းဗိုင်းရပ်စ်သည် လက်ရှိအချိန်တွင် ၁၄၉ နိုင်ငံနှင့် ဒေသများသို့ ကူးစက်ပျံ့နှံ့လျက်ရှိပြီး လွန်ခဲ့သော ရက်သတ္တပတ်အတွင်း ခြောက်နိုင်ငံသို့ ထပ်မံကူးစက်ပျံ့နှံ့ခဲ့ကြောင်း၊ တောင်အာဖရိကနိုင်ငံတွင် စတင်တွေ့ရှိခဲ့သည့် ဗီဇပြောင်းဗိုင်းရပ်စ်သည် လက်ရှိအချိန်တွင် ၁၀၂ နိုင်ငံနှင့် ဒေသများသို့ ကူးစက်ပျံ့နှံ့လျက်ရှိပြီး လွန်ခဲ့သောရက်သတ္တပတ်အတွင်း နိုင်ငံခြောက်နိုင်ငံသို့ ထပ်မံကူးစက်ပျံ့နှံ့ခဲ့ကြောင်း၊ ဘရာဇီးနိုင်ငံ၌စတင်တွေ့ရှိခဲ့သည့် ဗီဇပြောင်းဗိုင်းရပ်စ်သည် နိုင်ငံပေါင်း ၅၉ နိုင်ငံသို့ ကူးစက်ပျံ့နှံ့လျက်ရှိသော်လည်း လွန်ခဲ့သောရက်သတ္တပတ်အတွင်း ထပ်မံကူးစက်သည့် နိုင်ငံတစ်နိုင်ငံရှိကြောင်း သိရသည်။
ရုရှားနိုင်ငံသားများအနေဖြင့် ကိုရိုနာဗိုင်းရပ်စ်ကာကွယ်ဆေးများထိုးနှံကြရန် သမ္မတဗလာဒီမာပူတင်က မေ ၂၆ ရက်၌ တိုက်တွန်းချက်အသစ်တစ်ရပ်ထုတ်ပြန်ခဲ့သော်လည်း ကာကွယ်ဆေးကို မဖြစ်မနေထိုးနှံရန်မလိုကြောင်း ပြောကြားခဲ့သည်။
၂၀၂၀ ပြည့်နှစ် သြဂုတ်လက ရုရှားသည် ၎င်း၏ Sputnik V ဗိုင်းရပ်စ်ကာကွယ်ဆေးကို ကမ္ဘာ့ပထမဆုံးကာကွယ်ဆေးအဖြစ် စာရင်းသွင်းခဲ့သော်လည်း မော်စကိုမြို့တော်နှင့် အခြားမြို့များတွင် ကာကွယ်ဆေးအပေါ် အယုံအကြည်ကင်းမဲ့မှုများသည် အဓိကပြဿနာတစ်ရပ်ဖြစ်နေကြောင်း သိရသည်။
မော်စကိုသည် လူအများအပြားကို ကာကွယ်ဆေးထိုးနှံပေးသည့်အစီအစဉ် စတင်လုပ်ဆောင်ခဲ့သော ကမ္ဘာ့ပထမဆုံးမြို့တော်ဖြစ်ခဲ့သည်ဟု မြို့တော်ဝန်ဆာဂေးဆို ဘရန်နီကဆိုသည်။
လူဦးရေ ၁၂ သန်းရှိသော မော်စကိုမြို့တော်တွင် ၁ ဒသမ ၃ သန်းသာ ကာကွယ်ဆေး ထိုးနှံပြီးခဲ့ပြီးဖြစ်သည်။ ပူတင်ကမူ ရုရှား၏ ကာကွယ်ဆေးအပေါ် သံသယများကိုဖယ်ရှားရန်နှင့် ရုရှားကာကွယ်ဆေးသည် အခြားကာကွယ်ဆေးများထက်ပို၍ ယုံကြည်ရကြောင်း နိုင်ငံသားများအား တိုက်တွန်းခဲ့သော်လည်း မဖြစ်မနေ ကာကွယ်ဆေး ထိုးနှံရမည်ဟူသည့် ညွှန်ကြားချက်ကို ဆန့်ကျင်ကြောင်း ပြောကြားခဲ့သည်။
-
ရာဝမ်ဒါတွင် မားဘာ့ဂျ်ဗိုင်းရပ်စ်ကူးစက်မှုကို ထိန်းချုပ်နိုင်ပြီဖြစ်ကြောင်း အာဖရိကကျန်းမာရေးအကြီးအကဲ ပြောကြား
-
မီလ်တန်ဟာရီကိန်းမုန်တိုင်းအရှိန်ကြောင့် လေဆင်နှာမောင်းများဖြစ်ပေါ်ခဲ့သဖြင့် ဖလော်ရီဒါတွင် အနည်းဆုံး ၁၁ ဦး သေဆုံး
-
ရန်ကုန်မြို့ပတ်ရထားလမ်းပိုင်း အဆင့်မြှင့်တင်ခြင်းစီမံကိန်း၏ မြို့ပြလုပ်ငန်းများအားလုံး ပြီးစီးပြီဖြစ်ပြီး ဂျပန်နိုင်ငံ အိုဒီအေချေးငွေဖြင့်ဆောင်ရွက်မည့် အချက်ပြစနစ် တပ်ဆင်ခြင်းလုပ်ငန်းများအား ဆက်လက်ဆောင်ရွက်သွားမည်
-
တစ်နှစ်အတွင်း အစားအစာအုပ်စုကုန်စျေးနှုန်း နှစ်ရာခိုင်နှုန်းကျော်၊ အိမ်လခ နှစ်ရာခိုင်နှုန်းခန့်၊ ကျန်းမာရေးကုန်ကျစရိတ် ငါးရာခိုင်နှုန်းကျော်၊ ပညာရေးကုန်ကျစရိတ် တစ်ရာခိုင်နှုန်းကျော်မြင့်တက်
-
ဧရာဝတီတိုင်းဒေသကြီးအတွင်း မြစ်ကမ်းထိန်းလုပ်ငန်းများ ဆောင်ရွက်ထားမှုကြောင့် ကမ်းပြိုမှုများ လျော့နည်းလာပြီး ဗိုလ်မြတ်ထွန်းတံတားအနီး ဖြစ်ပေါ်နေသော သောင်ပြင်အား လာမည့်နှစ်တွင် ထိန်းသိမ်းမှုပြုလုပ်မည်