သို့ဖြစ်ရာ FIGC က တင်းနစ်နှင့် ခရစ်ကတ်ကဲ့သို့ အခြားအား ကစားနည်းများတွင် ဆုံးဖြတ်ချက်ကို သဘော မတူပါက Challenge ပြုလုပ်ခွင့်ပေးသည့် စနစ် အသုံးပြုခွင့်ရရန် FIFA ထံ တောင်းဆို ထားခြင်းဖြစ်သည်။ ယင်းစနစ်အရ ကလပ် အသင်းများအနေဖြင့် ကွင်းအတွင်းရှိ ဒိုင်များ ၏ အငြင်းပွားဖွယ်ဆုံးဖြတ်ချက်ကို ကျေနပ်မှု မရှိပါက Challenge လုပ်၍ ကန့်ကွက်ခြင်း နှင့် VAR ဖြင့် ကြည့်ရှု၍ အဆုံးအဖြတ်ခံယူ ရန် တောင်းဆိုခြင်း ပြုလုပ်နိုင်မည်ဖြစ်ကြောင်း သိရသည်။
အီတလီဘောလုံးအဖွဲ့ချုပ် (FIGC) သည် ဒိုင်လူကြီး၏ ဆုံးဖြတ်ချက်ကို ကလပ် အသင်းများက ကန့်ကွက်ခြင်းနှင့် VAR ဖြင့် အဆုံးအဖြတ်ခံယူရန်အတွက် တောင်းဆို ခွင့်ပြုရန် ကမ္ဘာ့ဘောလုံးအဖွဲ့ချုပ် (FIFA) ထံ တင်ပြတောင်းဆိုထားကြောင်း သိရသည်။
စီးရီးအေပြိုင်ပွဲ၌ VAR စနစ်ကို ၂၀၁၇- ၂၀၁၈ ရာသီကတည်းက စတင်အသုံးပြုခဲ့ ခြင်းဖြစ်ပြီး ယခုအချိန်တွင် သုံးရာသီရှိပြီဖြစ်သည်။ သို့သော် ကလပ်အသင်းနည်းပြများ ၏ ဝေဖန်မှုများထွက်ပေါ်နေဆဲဖြစ်ပြီး ၎င်းတို့အနေဖြင့် ကွင်းလယ်ဒိုင်၏ အငြင်းပွားဖွယ် ဆုံးဖြတ်ချက်ကိုမကျေနပ်ပါက VAR ဖြင့် ပြန်လည်ကြည့်ရှုခွင့်ပြုရန် တောင်းဆိုခွင့်ရရှိ လိုနေကြောင်း သိရသည်။
သို့ဖြစ်ရာ FIGC က တင်းနစ်နှင့် ခရစ်ကတ်ကဲ့သို့ အခြားအား ကစားနည်းများတွင် ဆုံးဖြတ်ချက်ကို သဘော မတူပါက Challenge ပြုလုပ်ခွင့်ပေးသည့် စနစ် အသုံးပြုခွင့်ရရန် FIFA ထံ တောင်းဆို ထားခြင်းဖြစ်သည်။ ယင်းစနစ်အရ ကလပ် အသင်းများအနေဖြင့် ကွင်းအတွင်းရှိ ဒိုင်များ ၏ အငြင်းပွားဖွယ်ဆုံးဖြတ်ချက်ကို ကျေနပ်မှု မရှိပါက Challenge လုပ်၍ ကန့်ကွက်ခြင်း နှင့် VAR ဖြင့် ကြည့်ရှု၍ အဆုံးအဖြတ်ခံယူ ရန် တောင်းဆိုခြင်း ပြုလုပ်နိုင်မည်ဖြစ်ကြောင်း သိရသည်။
ယင်းကဲ့သို့ Challenge ပြုလုပ် ခွင့်ပေးရန် ကလပ်အသင်းအများစုက FIFA ထံ တောင်းဆိုထားခြင်းဖြစ်ပြီး နိုင်ငံတကာ ဘောလုံးအဖွဲ့ချုပ်များဘုတ်အဖွဲ့ (IFAB) က ပြဋ္ဌာန်းထားသည့် အချိန်သတ်မှတ်ချက် အတွင်း ဆောင်ရွက်နိုင်ရန် ပြင်ဆင်ထားကြောင်း သိရသည်။
ပြီးခဲ့သည့်တစ်ပတ်က နာပိုလီ-လက်ချီ၊ ပါးမား-လာဇီယိုပွဲများတွင် ကွင်းလယ်ဒိုင်က ပယ်နယ်တီပေးရမည့်ဖြစ်ရပ်များကို ငြင်းပယ် ခဲ့ပြီးနောက် ဝေဖန်မှုများစွာထွက်ပေါ်လာသဖြင့် FIGC က FIFA ထံ တောင်းဆိုခဲ့ခြင်း ဖြစ်သည်။ ထို့ပြင် FIGC ဥက္ကဋ္ဌ ဂရာဗီနာ သည် ချန်ပီယံဆုတိုက်ပွဲကဲ့သို့ အရေးပါသည့် ပွဲများတွင် ကွင်းအတွင်းရှိ VAR ဖန်သားပြင် မှတစ်ဆင့် ကြည့်ရှုမှုပိုပြုလုပ်၍ ဆုံးဖြတ်ရန် အီတလီဒိုင်လူကြီးအဖွဲ့ဥက္ကဋ္ဌ ရစ်ဇိုလီထံ တောင်းဆိုထားကြောင်း သိရသည်။
ဘောလုံးဥပဒေများရေးဆွဲပြဋ္ဌာန်းသည့် နိုင်ငံတကာ ဘောလုံးအဖွဲ့ချုပ်များဘုတ်အဖွဲ့ (IFAB) ၏ နှစ်ပတ်လည်အထွေထွေအစည်းအဝေးကို ဖေဖော်ဝါရီ ၂၉ ရက်တွင် မြောက်အိုင်ယာလန်နိုင်ငံ ဘဲလ်ဖတ်စ်မြို့၌ ကျင်းပမည်ဖြစ်ပြီး VAR အပါအဝင် အခြားကိစ္စရပ်များအတွက် ဆွေးနွေးမှုပြုလုပ်မည်ဖြစ်ကြောင်း သိရ သည်။
-
မော်လမြိုင်မြို့၊ ရခိုင်ကုန်းရပ်ကွက်ရှိ ဘုန်းကြီးကျောင်းတွင် ဝါယာရှော့မှ တဆင့် မီးလောင်မှုဖြစ်ပွား
-
သီတင်းကျွတ်ကန်တော့သည့် ပစ္စည်းများ စျေးကွက်တွင် အရောင်းသွက်
-
ဟိုတယ်နှင့် ခရီးသွားလာရေးလုပ်ငန်းများတွင် ငါးနှစ်အတွင်း မြန်မာနိုင်ငံသားများ၏ရင်းနှီးမြှုပ်နှံမှု ကျပ် ၁၄၁၄ ဘီလျံကျော်ရှိပြီး လက်ရှိဘဏ္ဍာနှစ် ခြောက်လအတွင်း ကျပ် ၁၈၁ ဘီလျံအထိ မြှုပ်နှံထား
-
အရန်ရိက္ခာအစီအစဉ်အရ တစ်လခွဲအတွင်း နိုင်ငံတော်အရန်ဆန်အတွက် ပြည်ပသို့ဆန်တင်ပို့မည့် ကုမ္ပဏီ ၁၂၃ ခုထံမှ ဆန်တန်ချိန် ၃၄၀၀၀ ကျော် ဝယ်ယူလက်ခံထားပြီးဖြစ်ကြောင်း သိရ
-
ဒီးမော့ဆိုမြို့နယ်ကျေးလက်များ၌ ကရင်နီပြည်တွင် မြေလွတ်၊ မြေလပ်နှင့် မြေရိုင်း လုံးဝမရှိပါဆိုသည့် စာတန်းပါ ဗီနိုင်းများအား ကရင်နီပြည်တောင်သူလယ်သမားသမဂ္ဂက လိုက်လံကပ်ရာ ဖြုတ်ပေးရန် မြို့နယ်အထွေထွေအုပ်ချုပ်ရေးဦးစီးဌာန ညွှန်ကြား
