အပြည်ပြည်ဆိုင်ရာမြန်မာလေကြောင်း(MAI)က ရန်ကုန်-စင်ကာပူလေကြောင်း ခရီးစဉ်အား နေ့စဉ်နှစ်ကြိမ် ပျံသန်းနေပြီး ၁၃၆ ဒေါ်လာမှ စတင်ဝယ်ယူနိုင်မည်ဖြစ်ကြောင်း သိရသည်။
(MAI)၏ ၁၃၆ဒေါ်လာမှစတင်မည့် ရန်ကုန်-စင်ကာပူလေကြောင်း ခရီးစဉ်အတွင်း onboard meal တည်ခင်းခြင်း၊ ခရီးဆောင်အိတ်သယ်ယူခွင့် Business Class အတွက် 40 Kg, Economy Class အတွက် 30 Kg နှင့် ၇၀ ကျော်သော Sky Deals Partner ထံတွင် ၃၀ ရာခိုင်နှှုန်း လျှော့စျေးများ ရရှိနိုင်မည်ဖြစ်ကြောင်း သိရသည်။
(MAI)က ရန်ကုန်-ဆိုးလ် လေကြောင်း ခရီးစဉ်အား အပတ်စဉ်လေးကြိမ် ပျံသန်းနေပြီး ၂၈၃ ဒေါ်လာမှ စတင်ဝယ်ယူနိုင်သည်။ အပြည်ပြည်ဆိုင်ရာမြန်မာလေကြောင်း(MAI)က ရန်ကုန်မြို့မှ ဒေလီ၊ ချန်နိုင်း၊ ကာလကတ္တား မြို့များသို့ လေကြောင်းခရီးစဉ်များ ပျံသန်းနေပြီး ၁၁၂ ဒေါ်လာမှ စတင်ဝယ်ယူနိုင်မည်ဖြစ်ကြောင်း သိရသည်။
MAIက ရန်ကုန်-ဒေလီ ခရီးစဉ်အား အပတ်စဉ်သုံးကြိမ်ပျံသန်းနေပြီး ၁၇၂ ဒေါ်လာမှစ၍လည်းကောင်း၊ ရန်ကုန်-ချန်နိုင်း ခရီးစဉ်အားအပတ်စဉ် စနေနေ့တိုင်း ပျံသန်းနေပြီး ၂၃၉ ဒေါ်လာမှစ၍ လည်းကောင်း၊ ရန်ကုန်-ကာလကတ္တား ခရီးစဉ်အား အပတ်စဉ် ကြာသပတေးနှင့် တနင်္ဂနွေနေ့တိုင်းပျံသန်းနေပြီး ၁၁၂ ဒေါ်လာမှ စတင်ဝယ်ယူနိုင်မည်ဖြစ်သည်။
မြန်မာနိုင်ငံနှင့် ဒေသတွင်းရှိ အာဆီယံနိုင်ငံများအကြား လေကြောင်းခရီးစဉ်များအကြိမ်ရေတိုးမြှင့်ပျံသန်းနိုင်ရန် အပြည်ပြည် ဆိုင်ရာမြန်မာလေကြောင်း (MAI)သို့ ATR 72-600 လေယာဉ်အသစ်တစ်စီးထပ်မံရောက်ရှိလာကြောင်း သိရသည်။
အပြည် ပြည်ဆိုင်ရာမြန်မာလေကြောင်း(MAI)၏ လေယာဉ်အုပ်သို့ အဖွဲ့ဝင်သစ် အဖြစ်ပထမဆုံးသော ATR 72-600 လေယာဉ်တစ်စင်းသည် ၂၀၂၄ ခုနှစ် မတ် ၂၄ ရက် နေ့လည်က ဆိုက်ရောက်ခဲ့ပြီး ရေစင်ပက်ဖြန်းသည့်အခမ်းအနားဖြင့် ကြိုဆိုပွဲအား ရန်ကုန်အပြည်ပြည်ဆိုင်ရာ လေဆိပ်တွင် ပြုလုပ်ခဲ့သည်။
ယင်းလေယာဉ်သစ်ရောက်ရှိမှုသည်(MAI)၏ အစဉ်တစိုက် ကြိုးစားအကောင် အထည်ဖော်လျက်ရှိသော ရည်မှန်းချက် ဖြစ်သည့် ခရီးသွားပြည်သူများ၏ လိုအပ်ချက်နှင့် ကိုက်ညီစေရေးအတွက် လေယာဉ်နှင့် ဝန်ဆောင်မှုစံနှုန်းများကို တိုးမြှင့်သွားရန်ဖြစ်ကြောင်း သိရသည်။
ယခုကဲ့သို့ ATR 72-600 လေယာဉ် ထပ်မံရောက်ရှိလာခြင်းဖြင့်(MAI)၏ လေယာဉ်အုပ်သည် ယခုအခါ လေယာဉ်အစီးရေ စုစုပေါင်း ၁၂ စီးအထိ ရှိလာမည်ဖြစ်သည်။
(MAI) လေယာဉ်အုပ်စုတွင် A319 လေယာဉ်လေးစင်း၊ A 320 လေယာဉ်လေးစီး၊ E190 လေယာဉ်နှစ်စီး၊ ((ACMI basis ဖြင့် ပြေးဆွဲပေးနေသည့်) B 733-300F လေယာဉ်တစ်စီးနှင့် ယခုအသစ်ရောက်ရှိလာသည့် ATR 72-600 တို့ပါဝင်ကြောင်း သိရသည်။ လက်ရှိအချိန်တွင် မြန်မာနိုင်ငံနှင့် ပြည်ပနိုင်ငံ ၁၁ နိုင်ငံရှိ မြို့ပေါင်း ၃၀ သို့ ပျံသန်းနေပြီး ယခု ၂၀၂၄ ခုနှစ် ဒုတိယသုံးလပတ်အကုန်တွင် ပြည်ပနိုင်ငံပေါင်း ၁၄ နိုင်ငံထိ တိုးချဲ့ ပြေးဆွဲသွားရန် ရည်မှန်းထားကြောင်း သိရသည်။
-
မြန်မာနှင့် လက်ဘနွန်အသင်း၏ ခြေစမ်းပွဲလက်မှတ်များ ရောင်းချနေပြီး ရုပ်သံမှ တိုက်ရိုက်ပြသမည်
-
တက်ကျမ်းစာပေ
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
