Love That Will Freeze To Death အမည်ဖြင့်ရိုက်ကူးမည့် အချစ်ဒရာမာဇာတ်လမ်းတွဲသစ်တွင် Super Junior အဖွဲ့ဝင် Choi Si Won က အဓိကဇာတ်ဆောင်အဖြစ် ပါဝင်မည်ဟု ဇန်နဝါရီ၂၄ ရက်တွင် SPOTV သတင်းတစ်ရပ်က ဖော်ပြထားသည်။
ထိုသတင်းကို Choi Si Won ၏အေဂျင်စီ SM Entertainment က မတုံ့ပြန်သေးပေ။ တစ်ခါတစ်ရံအချစ်က ချိုမြိန်သလို တစ်ခါတစ်ရံ ခါးသီးသည်ကို ပုံဖော်ထားသည့် အချစ်-ဇာတ်မြူးဇာတ်လမ်းပုံစံဖြစ်ပြီး ထုတ်လွှင့်မည့်နေ့နှင့် မည်သည့်သရုပ်ဆောင်များ ပါသည်ကို အသေးစိတ်မကြေညာသေးပေ။
အကယ်၍ Choi Si Won ပါဝင်မည် သေချာပါက ထိုဇာတ်လမ်းသည် သူ့အတွက်ဒုတိယမြောက်ဇာတ်လမ်းတွဲသစ် ဖြစ်လာမည်ဖြစ်သည်။
Choi Si Won ကိုနောက်ဆုံးမြင်ထားရသည့် ဇာတ်လမ်းတွဲက TVING မှထုတ်လွှင့်သည့် Work Later, Drink Now ဖြစ်ပြီး မင်းသမီး Lee Sun Bin ၏လုပ်ဖော်ကိုင်ဖက်၊ ချစ်သူနေရာမှ တွဲဖက်သရုပ်ဆောင်ထားသည်။ ထိုဇာတ်လမ်းဖြင့် Choi ၏ သရုပ်ဆောင်စွမ်းရည်ကိုလူသိခဲ့ပြီး ပရိသတ်အကြိုက်တွေ့မှုကြောင့် နောက်ထပ် Season 2 ထပ်ရိုက်ကူးမည်ဖြစ်ကာ Choi Si Won လည်း ပြန်ပါဝင်မည်ဖြစ်သည်။
Choi onf My Fellow Citizens၊ Revolutionary Love၊ She Was Pretty၊ The King of Dramas၊ Poseidon၊ Oh: My Lady စသည့် ဇာတ်လမ်းတွဲများတွင်လည်း ပါဝင်သရုပ်ဆောင်ထားပြီး မကြာသေးခင်ကမှ ထွက်လာသည့် New Year Blues ဇာတ်ကားတွင်လည်း အထူးသရုပ်ဆောင်ထားသည်။
သရုပ်ဆောင်မင်းသားအလုပ်အပြင် Choi သည် Super Junior ယောကျ်ားလေး အဆိုတော်အဖွဲ့မှအဖွဲ့ဝင်ဖြစ်ပြီး My Little Old Boy ရုပ်သံအစီအစဉ်တွင် အဓိကပံ့ပိုးသူဖြစ်ကာ Tiktok လူမှုကွန်ရက်တွင် ရယ်စရာဟာသဗီဒီယိုများ တင်လေ့ရှိသည်။
-
တစ်လအတွင်း ထိုင်းနိုင်ငံမှ တန်ဖိုးဒေါ်လာ သုည ဒသမ ၂၈ သန်းကျော်ရှိသည့် ဆေးဝါးပစ္စည်းများ တန်ချိန် ၂၀ ကျော် တင်သွင်း
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
