ကယ်လီဖိုးနီးယားပြည်နယ်ရှိ Dolby ပြဇာတ်ရုံ၌ ဖေဖော်ဝါရီ ၉ ရက်က ကျင်းပခဲ့သည့် ဟောလိဝုဒ်၏ ထိပ်တန်းရုပ်ရှင် ဆုပေးပွဲသော အော်စကာဆုပေးပွဲတွင် တောင်ကိုရီးယားဇာတ်ကား Parasite က အကောင်းဆုံး ဇာတ်ကားဆု၊ ဒါရိုက်တာဆု၊ မူရင်းဇာတ်ညွှန်းဆုနှင့် အကောင်းဆုံး နိုင်ငံခြားဘာသာ စကားပြောဇာတ်ကားဆုတို့ကို ဆွတ်ခူးခဲ့သည်။
တောင်ကိုရီးယားတွင် လူတန်းစားကွာဟချက်အကြောင်းကို သရော်ရိုက်ကူးထားသည့် ယင်းဇာတ်ကားသည် အော်စကာဆုပေးပွဲ သမိုင်းတစ်လျှောက်တွင် အကောင်းဆုံး ဇာတ်ကားဆုရရှိသည့် ပထမနိုင်ငံခြားဘာသာ စကားပြောဇာတ်ကား ဖြစ်လာခဲ့သည်။
အကောင်းဆုံးအမျိုးသား သရုပ်ဆောင်ဆုကို ဟွာကင်းဖီးနစ်က Joker ဇာတ်ကားဖြင့် ရရှိခဲ့ပြီး အကောင်းဆုံးအမျိုးသမီး သရုပ်ဆောင်ဆုကို Renee Zellweger က Judy ဇာတ်ကားဖြင့် ရရှိခဲ့သည်။
အကောင်းဆုံး အမျိုးသားဇာတ်ပို့ သရုပ်ဆောင်ဆုကို ဘရက်ပစ်က Once Upon a Time in Hollywood ဇာတ်ကားဖြင့်ရရှိခဲ့ပြီး အကောင်းဆုံးအမျိုးသမီး ဇာတ်ပို့သရုပ်ဆောင်ဆုကို Laura Dern က Marriage Story ဇာတ်ကားဖြင့် ရရှိခဲ့သည်။ အကောင်းဆုံးအန်နီမေးရှင်း ဇာတ်ကားဆုကို Toy Story 4 က ရရှိခဲ့သည်။
အကောင်းဆုံးဇာတ်ကားဆုအတွက် ရေပန်းစားခဲ့သည့် 1917 ဇာတ်ကားသည် အကောင်းဆုံးရုပ်ရှင် အတတ်ပညာရှင်ဆု၊ Best Sound Editing ဆု၊ Best Sound Mixing ဆုနှင့် Best Visual Effects ဆုတို့သာ ဆွတ်ခူးခဲ့သည်။
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
-
အလန်ရှီးယား ရွေးချယ်သည့် ပရီးမီးယားလိဂ်အကောင်းဆုံးအသင်းတွင် လီဗာပူးလ်ကစားသမား (၄)ဦးပါဝင်ပြီး မန်စီးတီးနှင့် အာဆင်နယ်မှ ပါဝင်ခြင်းမရှိ
