သွားလေသူ Fast & Furious မင်းသား ပေါလ်ဝေါ်ကာ၏ တစ်ဦးတည်းသောသမီး မယ်ဒိုဝေါ်ကာက သူမလက်ထပ်ပွဲနေ့က ပုံရိပ်များကို အင်စတာဂရမ်တွင် မျှဝေခဲ့သည်။
လက်ထပ်ပွဲတွင်ဗင်ဒီဇယ်က မွေးစားသမီးမယ်ဒို၏ ဖခင်နေရာမှ ကိုယ်စားနေပေးခဲ့သည်။ ဗင်ဒီဇယ်နှင့် ပေါလ်ဝေါ်ကာတို့နှစ်ဦးသည် Fast & Furious ဇာတ်ကားမရိုက်မီကတည်းက သိကျွမ်းခဲ့ကြပြီး ပထမဆုံး Fast & Furious ကားမရိုက်မီ နှစ်နှစ်အလို ၁၉၉၈ ခုနှစ်တွင် မယ်ဒိုဝေါ်ကာ မွေးလာကတည်းက မွေးစားဖခင်ဖြစ်ခဲ့သည်။
ပေါလ်ဝေါ်ကာသည် ၂၀၁၃ ခုနှစ်တွင် ယာဉ်မတော်တဆမှုဖြင့် ကွယ်လွန်သွားခဲ့ပြီး ထိုအချိန် မယ်ဒိုအသက် ၁၅ နှစ်သာ ရှိသေးသည်။ အသက် ၂၂ နှစ်ရှိပြီဖြစ်သည့် မော်ဒယ်မယ်ဒိုဝေါ်ကာ၏ခင်ပွန်းမှာ ရုပ်ရှင်မင်းသား လူးဝစ်အယ်လန်ဖြစ်ပြီး မယ်ဒိုက သူမ၏စေ့စပ်လက်စွပ်ကို အင်စတာဂရမ်ပရိသတ်များအား သြဂုတ်တွင် ပြသခဲ့သည်။
ဖခင် ကွယ်လွန်ပြီးနောက် နှစ်နှစ်အကြာတွင် မယ်ဒိုဝေါ်ကာက ဖခင်ယာဉ်တိုက်မှုဖြစ်ခဲ့ချိန်က မောင်းနှင်ခဲ့သည့် ကားသည် ဒီဇိုင်းပိုင်း ချွတ်ယွင်းမှုရှိခဲ့သည်ဆိုကာ Porsche ဂျာမနီကားကုမ္ပဏီကို တရားစွဲခဲ့သည်။ သို့သော် ထိုအမှုသည် ၂၀၁၇ ခုနှစ်တွင် ပြီးပြတ်ခဲ့ပြီး မည်သို့ကျေအေးလိုက်သည်ကိုမူ လူသိမခံခဲ့ပေ။
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
-
အလန်ရှီးယား ရွေးချယ်သည့် ပရီးမီးယားလိဂ်အကောင်းဆုံးအသင်းတွင် လီဗာပူးလ်ကစားသမား (၄)ဦးပါဝင်ပြီး မန်စီးတီးနှင့် အာဆင်နယ်မှ ပါဝင်ခြင်းမရှိ
