၂၀၂၁ ခုနှစ် People’s Choice Awards ဆုပေးပွဲအတွက် အဆိုပြုခံစာရင်း ထွက်လာပြီဖြစ်ရာ F9; The Fast Saga ဇာတ်ကားနှင့် This is Us ဇာတ်လမ်းတွဲ၊ ဂီတပိုင်းတွင် ဂျက်စတင်ဘီဘာက ထိပ်ဆုံးနေရာမှ ဦးဆောင်ထားသည်။
F9: The Fast Saga ခေါ် Fast & Furious 9 က ၂၀၂၁ အကောင်းဆုံးဇာတ်ကားဆုနှင့် ၂၀၂၁ အကောင်းဆုံးအက်ရှင် ဇာတ်ကားဆုအပါအဝင် ဆုရှစ်ဆုအတွက် အဆိုပြုခံထားရကာ ရုပ်ရှင်ဇာတ်ကားကဏ္ဍ တွင် ထိပ်ဆုံးမှ ဦးဆောင်နေပြီး Black Widow နှင့် Coming 2 America ဇာတ်ကားတို့က ဆုခြောက်ဆု အဆိုပြုခံထားရသည်။
ရုပ်သံကဏ္ဍတွင် This is Us က ၂၀၂၁ အကောင်းဆုံး ဇာတ်လမ်းတွဲဆုအပါအဝင် ဆုခြောက်ဆုဖြင့် အများဆုံး အဆိုပြုခံထားရပြီး Grey’s Anatomy၊ Loki နှင့် Outer Banks စသည့် ဇာတ်လမ်းတွဲများက လေးဆုစီ အဆိုပြုခံထားရသည်။
၂၀၂၁ ဆိုရှယ်စတားဆုကိုမူ ဒွိန်းဂျွန်ဆင်က အဆိုပြုခံထားရပြီး ၎င်းဆုကိုပင် ဘရစ်တနီစပီးယား၊ ဂျက်စတင်ဘီဘာ၊ ကင်ကာဒက်ရှန်၊ ကိုင်လီဂျန်နာနှင့် လီနက်အိတ်စ်တို့က ပူးတွဲအဆိုပြုခံထားရသည်။
အဆိုပြုစာရင်းအပြည့်အစုံကို E! တရားဝင် ဝက်ဘ်ဆိုက်တွင် ဝင်ရောက်ကြည့်ရှုနိုင်ပြီး ပရိသတ်များက ၎င်းတို့အကြိုက်ဆုံး ဇာတ်ကား သို့မဟုတ် အနုပညာရှင်များကို အွန်လိုင်းမှ မဲပေးနိုင်သည်။ မဲပေးရက်ကို နိုဝင် ဘာ ၁၇ ရက်အထိ နောက်ဆုံးခွင့်ပြုထားသည်။
၂၀၂၁ ခုနှစ် People’s Choice Awards ဆုပေးပွဲကို ဒီဇင်ဘာ ၇ ရက် ည ၉ နာရီအချိန်တွင် E! နှင့် NBC တို့မှ တိုက်ရိုက်ထုတ်လွှင့်ပြသမည် ဖြစ်သည်။
အကောင်းဆုံးဇာတ်ကားဆုအတွက် အဆိုပြုစာရင်းတွင် Black Widow ၊ Coming 2 America ၊ F9: The Fast Saga၊ Dune၊ No Time To Die၊ ShangChi and the Legend of the Ten Rings နှင့် Venom: Let There Be Carnage ဇာတ်ကားတို့ ပါဝင်နေသည်။
အကောင်းဆုံးအမျိုးသား ရုပ်ရှင်သရုပ်ဆောင်ဆုတွင် No Time To Die ဖြင့် ဒန်နီယယ်ခရိတ်ဂ်၊ Jungle Cruise ဖြင့် ဒွိန်းဂျွန်ဆင်၊ F9: The Fast Saga ဖြင့် ဂျွန်ဆီနာ၊ Free Guy ဖြင့် ရိုင်ယန်ရေးနိုးစ်၊ F9: The Fast Saga ဖြင့်ပင် ဗင်ဒီဇယ်တို့က အဆိုပြုခံထားရသည်။
အကောင်းဆုံးအမျိုးသမီး ရုပ်ရှင်သရုပ်ဆောင်ဆုကိုမူ ShangChi and the Legend of the Ten Rings ဇာတ်ကားဖြင့် အော်ကွာဖီနာ၊ F9: The Fast Saga ဖြင့် ရှာလီသယ်ရန်၊ Respect ဇာတ်ကားဖြင့် ဂျနီဖာဟတ်ဆန်၊ The Suicide Squad ဖြင့် မာဂေါ့ရော့ဘီ၊ Black Widow ဖြင့် စကားလက်ဂျိုဟန်ဆန်တို့ အဆိုပြုခံ ထားရသည်။
အကောင်းဆုံးပြိုင်ပွဲဆုအတွက် အဆိုပြုခံရမှုတွင် America’ Got Talent ၊ American Idol ၊ Dancing With The Stars၊ The Masked Singers နှင့် The Voice အစီအစဉ်တို့ ပါဝင်နေသည်။
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
-
အလန်ရှီးယား ရွေးချယ်သည့် ပရီးမီးယားလိဂ်အကောင်းဆုံးအသင်းတွင် လီဗာပူးလ်ကစားသမား (၄)ဦးပါဝင်ပြီး မန်စီးတီးနှင့် အာဆင်နယ်မှ ပါဝင်ခြင်းမရှိ
