Top News

တေးသံရှင်ခိုင်ထူးကွယ်လွန် ခြင်း ၂ နှစ်ပြည့် အမှတ်တရအဖြစ် ဂီတဖျော်ဖြေပွဲတစ်ပွဲအား အခမဲ့ ကျင်းပသွားရန်စီစဉ်ထားကြောင်း သိရသည်။ ယင်းဂီတဖျော်ဖြေပွဲကို သြဂုတ် ၉ ရက်တွင်ညနေပိုင်းတွင် ရန်ကုန်မြို့ ယုဒသန်ခန်းမ၌ကျင်းပမည်ဖြစ်ကြောင်း သိရသည်။ တေးသံရှင်ခိုင်ထူး အမှတ်တရဂီတဖျော်ဖြေပွဲတွင် တေးသံရှင်ခိုင်ထူးသီဆိုခဲ့သည့် တေးသီချင်းများအား အမှတ်တရပြန်လည်ဖျော်ဖြေမည်ဖြစ်ကာ စိတ်ပါဝင်စားသူတိုင်း နားဆင်ခံစားနိုင်မည်ဖြစ်ကြောင်း သိရသည်။

“ဂီတကိုသံယောဇဉ်ရှိလွန်းတဲ့၊ သီချင်းတွေကိုချစ်မြတ်နိုးတဲ့ ကိုခိုင်ထူးအတွက် အမှတ်တရဂီတ ပွဲလေးကျင်းပဖို့စီစဉ်တာပါ။ ဒီဖျော်ဖြေပွဲမှာ ကိုခိုင်ထူးရဲ့သီချင်းတွေကို အမှတ်တရလွမ်းဆွတ်ခြင်းအားဖြင့် သီဆိုဖျော်ဖြေကြပါမယ်။ ကိုခိုင်ထူးကိုချစ်တဲ့သူတိုင်း၊ သူ့သီချင်းတွေကို ကြိုက်နှစ်သက်သူတိုင်း လာရောက်နားဆင်နိုင်မှာပါ” ဟု ယင်းဂီတဖျော်ဖြေပွဲအား စီစဉ်သူတစ်ဦးက ဆိုသည်။

တေးသံရှင်ခိုင်ထူး၏ ကွယ်လွန်ခြင်း ၂ နှစ်ပြည့်အမှတ်တရဂီတ ဖျော်ဖြေပွဲကို တေးသံရှင်ခိုင်ထူးအား ချစ်ခင်သည့်မိတ်ဆွေများစု ပေါင်းကာစီစဉ်ခြင်းဖြစ်သည်။

တေးသံရှင်ခိုင်ထူးသည် ဂီတလောက အတွင်းဆယ်စုနှစ်များစွာ ဖြတ်သန်းခဲ့ပြီးနောက် ထင်ရှားအောင်မြင်ခဲ့သည့် တေးသီချင်းများစွာကို လည်းသီဆိုခဲ့သူဖြစ်သည်။ တေးသံရှင်ခိုင်ထူးသီဆိုခဲ့သည့် တေးသီချင်းများမှာ ယနေ့တိုင်ထင်ရှားနေဆဲဖြစ်သည်။

တေးသံရှင်ခိုင်ထူးသည် ၂၀၁၇ ခုနှစ်တွင် ကွယ်လွန်ခဲ့ခြင်းဖြစ်ပြီး ယခုနှစ်တွင်ကွယ်လွန်ခြင်း နှစ်နှစ်ပြည့်အမှတ်တရပွဲအား ကျင်းပရန်စီစဉ်ခြင်း ဖြစ်သည်။ တေးသံရှင်ခိုင်ထူးမကွယ်လွန်မီက ပြောပြဖူးသည့်ဆန္ဒအတိုင်း ယင်းဂီတဖျော်ဖြေပွဲအား အခမဲ့ကျင်းပသွားရန် စီစဉ်ထားသည်။

ဖျော်ဖြေပွဲတွင် တေးသံရှင်ခိုင်ထူးအတွက် ဂုဏ်ပြုတင်ဆက်သည့်အစီအစဉ် အဖြစ်တေးသီချင်းများဖျော်ဖြေခြင်း၊ အမှတ်တရစကားများပြောကြားခြင်း အစီအစဉ်များကို ထည့်သွင်းပြုလုပ်သွားရန်စီစဉ်ထားခြင်းဖြစ်ကြောင်း သိရသည်။