ဗြိတိန်သရုပ်ဆောင်ရောဘတ် ပက်တင်ဆန်က The Batman ရုပ်ရှင်၏ နောက်ဆက်တွဲ ဇာတ်လမ်း၌ Batman ဇာတ်ကောင်အဖြစ် ပြန်လည်ပါဝင်မည်ဖြစ်ပြီး ယင်းဇာတ်ကားကို ဒါရိုက်ကာ မက်ရိဗ်ကဆက် လက်ရိုက်ကူးသွားမည်ဖြစ်သည်ဟု Warner ရုပ်ရှင်ထုတ်လုပ်ရေး ကုမ္ပဏီအကြီးအကဲ တိုဘီအမ်းရစ် က လာစ့်ဗေးဂတ်စ်မြို့ရှိ Cinema Con အခမ်းအနားတွင် ဧပြီ ၂၆ ရက် က ထုတ်ပြန်ခဲ့သည်။
“မက်ရိဗ် ရဲ့ The Batman ကတော့ ဒီနှစ်ရဲ့ အမိုက်စားဇာတ်ကား တစ်ကားဖြစ်ခဲ့ပါတယ်” ဟုအမ်းရစ် က ပြောကြားခဲ့သည်။
ရိဗ်ကThe Batman နောက်ဆက်တွဲ ဇာတ်လမ်း၏ဇာတ်ညွှန်းကို ရေးသားမည်ဟုလည်း သိရသည်။
CinemaCon ပွဲတော်တွင်ပြုလုပ်သည့် အစီအစဉ်တင်ဆက်မှုအတွင်း ဒါရိုက်တာက The Batman ရုပ်ရှင်အား ထောက်ပံ့ပေးကြသည့် အတွက် ရုပ်ရှင်ရုံပိုင်ရှင်များကို ကျေးဇူးတင်ရှိကြောင်း ပြောကြားခဲ့သည်။
“ကမ္ဘာတစ်ဝန်းလုံးက သင်တို့ အဖွဲ့သားတွေအားလုံးရဲ့ယုံကြည်မှုနဲ့ စိတ်ပါဝင်စားမှု မရှိဘူးဆိုရင်ကျွန် တော်တို့တွေ ဒီနေရာကို ရောက်နေနိုင်မှာ မဟုတ်ပါဘူး။နောက်ထပ် အသစ်တစ်ခုကို ကမ္ဘာကြီးကို ချပြနိုင်ဖို့ စိတ်လှုပ်ရှားနေပါတယ်” ဟု ရိဗ်က ပြောကြားခဲ့သည်။
ပထမဆုံး ထွက်ရှိလာသည့် ရုပ်ရှင် The Batman သည် မတ် ၃ ရက်တွင် စတင်ရုံတင်ကတည်းက ကမ္ဘာတစ်ဝန်းလုံးတွင် ဒေါ်လာသန်း ၇၆၀ ကျော် ရရှိခဲ့ပြီး အလွန်အောင်မြင်ခဲ့သည်။
ယင်းရုပ်ရှင်ကို ဧပြီ ၁၈ ရက် တွင် HBO Max နှင့် HBO Go ၌ ပြသခဲ့သည်။ HBO Max တွင်ပြသမှုအတွင်း ၎င်း၏ပထမဆုံးသီတင်းပတ်၌ အိမ်ထောင်စုပေါင်း ၄.၁သန်း ကြည့်ရှုခဲ့ကြသည်။
ရိဗ်၏ The Batman ရုပ်ရှင်တွင် ကမ္ဘာ့အတော်ဆုံး စုံထောက်တစ်ဦးဖြစ်သည့် ဘရုစ်ဝိန်း(ပက်တင် ဆန်)ကိုအာရုံစိုက် ရိုက်ကူးထားခြင်း ဖြစ်ပြီး သူနှင့် ဂိုသမ်မြို့ရဲအရာရှိချုပ် ဂျိမ်းစ်ဂေါ်ဒန်(ဂျက်ဖရေးရိုက်)တို့ သည် Batman အား ဖြေရှင်းရန်ပုစ္ဆာများချန်ထားခဲ့သော လူသတ်သမား တစ်ဦး ဖြစ်သည့် Riddler (ပေါလ်ဒါနို)ကို လိုက်လံဖမ်းဆီးသည့် ဇာတ်လမ်းဖြစ်သည်။
ပထမရုပ်ရှင်တွင် မင်းသမီးဇိုးကရာဗစ်ဇ်သည် Catwoman အဖြစ် သရုပ်ဆောင်ထားပြီး The Penguin ဗီလိန်ဇာတ်ကောင်နေရာမှ ကိုလင် ဖာရယ်ကသရုပ်ဆောင်ထားပြီး Batman ၏ အိမ်တော်ထိန်း အဲဖရက် အဖြစ် အန်ဒီဆားကစ်က သရုပ်ဆောင်ထားသည်။
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
-
မန္တလေးမြို့ရှိ ဖုန်းဆိုင်တစ်ဆိုင်တွင် အမျိုးသမီးတစ်ဦးက ဆိုင်ဝန်ထမ်းအား ဓားဖြင့်လှမ်းထိုးကာ လုယက်ရန် ကြံစည်
