အက်သလက်တီကိုအသင်းသည် လက်ရှိနည်းပြ ဒီယေဂိုဆီမြွန်နီ၏နေရာ အစားထိုးရန် နည်းပြသစ် ရှာဖွေနေပြီး အရန်အသင်းနည်းပြအဖြစ်ဆောင်ရွက်နေသည့် ဖာနန်ဒိုတောရက်စ်က ရေပန်းအစားဆုံးဖြစ်နေကြောင်း သိရသည်။
အက်သလက်တီကိုအသင်းသည် ၂၀၁၁ ခုနှစ်ကတည်းက လက်တွဲခဲ့သည့် အာဂျင်တီးနားနည်းပြ ဆီမြွန်နီနှင့် လာမည့်နွေရာသီတွင် လမ်းခွဲဖွယ်ရှိသည့်အတွက် အစားထိုးရန် ရှာဖွေနေခြင်းဖြစ်ကြောင်း သိရသည်။
ဆီမြွန်နီ(၅၄ နှစ်)သည် အက်သလက်တီကိုအသင်းကို လာလီဂါချန်ပီယံဆု ရယူပေးနိုင်ခဲ့သလို၊ ချန်ပီယံလိဂ်ပြိုင်ပွဲတွင်လည်း ဗိုလ်လုပွဲသို့ နှစ်ကြိမ်ရောက်ရှိအောင် ပို့ဆောင်ပေးနိုင်ခဲ့သူ ဖြစ်သည်။
သို့သော် ၎င်းအနေဖြင့် ၂၀၁၇-၁၈ ရာသီနောက်ပိုင်းတွင် အောင်မြင်မှုနှင့် ဝေးကွာနေသည့်အပြင် အသင်း၏ စွမ်းဆောင်ရည်ကိုလည်း မြင့်တက်လာအောင် ပြုလုပ်ပေးနိုင်ခြင်းမရှိဟု ယူဆသည့်အတွက် အက်သလက်တီကိုအသင်း တာဝန်ရှိသူများက ၎င်းနှင့် လမ်းခွဲရန် စီစဉ်နေခြင်းဖြစ်ကြောင်း သိရသည်။
ဆီမြွန်နီသည် အက်သလက်တီကိုအသင်းနှင့် ၂၀၂၇ ခုနှစ်အထိ စာချုပ်ချုပ်ဆိုထားပြီး ဥရောပဘောလုံးလောက၌ လစာအများဆုံးနည်းပြအဖြစ် ရပ်တည်နေသူဖြစ်သည်။
သို့ရာတွင် လက်ရှိအချိန်၌ အက်သလက်တီကိုအသင်းအနေဖြင့် ဘောလုံးဒါရိုက်တာသစ်နှင့် ခရီးဆက်နေပြီး ပြုပြင်ပြောင်းလဲမှုများ ပြုလုပ်သွားရန် စီစဉ်နေသည့်အတွက် ဆီမြွန်နီနှင့် လမ်းခွဲရမည့်အခြေအနေ ဖြစ်ပေါ်လာခြင်းဖြစ်ပြီး အရန်အသင်းနည်းပြ တောရက်စ်ကို အစားထိုးခန့်အပ်ဖွယ်ရှိကြောင်း စပိန်မီဒီယာများက ဖော်ပြနေကြသည်။
-
၂ဝ၂၄ ခုနှစ် နှစ်လယ် မြန်မာ့ကျောက်မျက် ရတနာပြပွဲတွင် ပုလဲအတွဲ ၂၈၀၊ ကျောက်မျက်အတွဲ ၁၆၀ နှင့် ကျောက်စိမ်းအတွဲ ၄၈၀၀ တို့ကို အိတ်ဖွင့်တင်ဒါစနစ်ဖြင့် ရောင်းချသွားမည်
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
