တောင်ကိုရီးယား ရက်ပ်အဆိုတော်တစ်ဦးနှင့် ပရိုဂျူဆာတစ်ဦးလည်းဖြစ်သည့် PSY က ၎င်း၏ကိုးခုမြောက်အယ်လ်ဘမ် PSY 9th ကို ဧပြီ ၂၉ ရက်တွင် တရားဝင်ဖြန့်ချိခဲ့ပြီး ယင်းအယ်လ်ဘမ်ထဲတွင်BTS အဖွဲ့ဝင် Suga နှင့်အတူ တွဲဖက်ရေးသားသီဆိုသရုပ်ဆောင်ထားသည့် That That အမည်ရှိ တေးသီချင်းလည်း ပါဝင်ခဲ့သည်။
That That သီချင်းသည် တောင်ကိုရီးယား လူကြိုက်အများဆုံး တေးဂီတစာရင်းတွင် နံပါတ် ၁ နေရာသို့ ချက်ချင်းရောက်ရှိသွားခဲ့သည့်အပြင် အမေရိကန်၊ ဂျပန်၊ ကနေဒါနှင့် စင်ကာပူအပါအဝင် နိုင်ငံပေါင်း ၇၀ ကျော်ရှိ iTunes ထိပ်ဆုံးတေးသီချင်းများ စာရင်းတွင်လည်း ထိပ်ဆုံးနေရာသို့ ရောက်ရှိခဲ့သည်။
ယင်းတေးသီချင်းဗီဒီယိုသည် spaghetti Western စတိုင်ပုံစံဖြင့် ရိုက်ကူးထားခြင်း ဖြစ်ပြီး Suga နှင့် PSY တို့ အချင်းချင်းသရော်၍ စိန်ခေါ်နေကြသည့်ပုံစံကို မြင်တွေ့ရမည်ဖြစ်သည်။
ယင်းတေးသီချင်းဗီဒီယိုသည် ထွက်ရှိပြီး နောက် ၂၄ နာရီအောက် လျော့နည်းသည့်အချိန်အတွင်း YouTube တွင် ကြည့်ရှုသူဦးရေ ၂၂ သန်းကျော်ရှိလာခဲ့သည်။
That That တွင် “ကပ်ရောဂါကြီးပြီးသွားပြီ။ အံ့သြဖွယ်ခံစားမှုပဲ။ လူစည်ကားတဲ့ လမ်းတွေပေါ်မှာ ကဲလိုက်ကြစို့” ကဲ့သို့ အင်္ဂလိပ်နှင့် ကိုရီးယားစာသားများ ရောနှောပါဝင်နေသည့် မြူးမြူးကြွကြွတေးသီချင်းတစ်ပုဒ် ဖြစ်သည်။
ထိုစဉ် PSY ၏ အယ်လ်ဘမ်အသစ်ထဲ၌ That That သီချင်းအပြင် “9INTRO”၊ အဆိုတော်ဂျက်ဆီနှင့် တွဲဖက်သီဆိုထားသည့် “GANJI” နှင့် Mamamoo အဖွဲ့ဝင် ဟွာဆာ နှင့် တွဲဖက်သီဆိုထားသည့် “Now” သီချင်း များလည်း ပါဝင်သည်။
ထို့ပြင် PSY 9th အယ်လ်ဘမ်တွင် ဆန်းဆီဂယောင်း၊ ဟေ့ဇ်၊ ဂျက်ဆီ၊ ဟွာဆာ၊ Crush နှင့် Tablo တို့အပါအဝင် အခြားအနုပညာရှင်ပေါင်းများစွာ တွဲဖက်ဖျော်ဖြေထားသည်။
PSY 9th အယ်လ်ဘမ်သည် အင်ဒိုနီးရှား၊ စင်ကာပူနှင့် ထိုင်ဝမ်အပါအဝင် ဒေသအများအပြားရှိ iTunes ထိပ်ဆုံးအယ်လ်ဘမ် စာရင်းတွင် နံပါတ် ၁ နေရာသို့ ရောက်ရှိခဲ့သည်။
အမည်ရင်း ပါ့ခ်ဂျေဆန်းဖြစ်သည့် အသက် ၄၄ နှစ်အရွယ် PSY သည် ၂၀၁၂ ခုနှစ် က ကမ္ဘာတစ်ဝန်းလူကြိုက်များ Gangnam Style သီချင်း ထွက်ရှိခဲ့ပြီးနောက် PSY 9th အယ်လ်ဘမ်မတိုင်မီ အယ်လ်ဘမ် နှစ်ခုထွက် ရှိခဲ့သည်။
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
-
မန္တလေးမြို့ရှိ ဖုန်းဆိုင်တစ်ဆိုင်တွင် အမျိုးသမီးတစ်ဦးက ဆိုင်ဝန်ထမ်းအား ဓားဖြင့်လှမ်းထိုးကာ လုယက်ရန် ကြံစည်
