နှစ်ဦးသားအတူရှိနေသည့်ဓာတ်ပုံများ အွန်လိုင်းတွင်ပေါက်ကြားကာ ကိုယ်ရေးကိုယ်တာကိစ္စများ အာရုံစိုက်စောင့်ကြည့်ခံနေရသည့် BLACKPINK အဖွဲ့ဝင်ဂျန်းနီနှင့် BTS အဖွဲ့ဝင် ဗွီတို့အတွက် လတ်တလောလများသည် အေးအေးချမ်းချမ်းရှိမည်မဟုတ်ပေ။
ယခုလည်းဂျန်းနီသည် သူ့ကိုယ်ပိုင်အင် စတာဂရမ်အကောင့် capybaraonly မှ ဖော်လိုဝါအားလုံးနှင့် သူဖော်လိုလုပ်ထားသူအားလုံးကို အကောင့်ထဲမှ ရှင်းထုတ်ဖယ်ရှားထားသည်။
ဂျန်းနီနှင့်ဗွီတို့ ဂျယ်ဂျူကျွန်းတွင် ဒိတ်နေပုံရသည့်ဓာတ်ပုံတစ်ပုံ ပြီးခဲ့သည့်မေက အွန်လိုင်းတွင်ပျံ့လာရာမှ သူတို့နှစ်ဦးကောလာဟလများ စခဲ့သည်။ သြဂုတ်နှောင်းပိုင်းတွင် Gurumiharibo ဆိုသည့် တွစ်တာအကောင့်က သူတို့နှစ်ဦးဓာတ်ပုံအချို့ကို ချပြလိုက်သဖြင့် ထပ်မံပွဲဆူသွားတော့သည်။
Gurumiharibo အကောင့်သည် တွစ်တာမှပိတ်ခံထားရပြီး လက်ရှိတယ်လီဂရမ်တွင် ရှိနေသည်။
အွန်လိုင်းပရိသတ်များက ဓာတ်ပုံများကိုချပြသူသည် ဂျန်းနီနှင့်ဗွီတို့၏ သူငယ်ချင်းတစ်ဦးပင်ဖြစ်လိမ့်မည်ဟု ခန့်မှန်းနေကြပြီး အင်စတာဂရမ်အကောင့်ကို private လုပ် ကန့်သတ်ထားသည့် influencer တစ်ဦးဟု ထင်ကြေးပေးနေကြသည်။
ပရိသတ်များအဆိုအရ ဂျန်းနီသည် အကောင့်ကိုမရှင်းလင်းမီ ၎င်း influencer ကို အရင်ဆုံးဖယ်ရှားခဲ့သည်။
သို့သော်ဂျန်းနီ၏ အရင်းနှီးဆုံးသူငယ်ချင်းတစ်ဦးဖြစ်သည့် Squid Game မင်းသမီး Jung Ho-Yeon က ၎င်း influencer ကိုဆက်လက်ဖော်လိုလုပ်ထားသည့်အတွက် ဓာတ်ပုံများပေါက်ကြားမှုသည် မလိုမုန်းထားမှုကြောင့်လား သို့မဟုတ် တစ်ဦးဦးက ဟက်ယူနေသည်လားဆိုသည်ကို အချို့ကတွေးမိကြသည်။
အချို့ကလည်း ၎င်း influencer က မိတ်ဆွေအတုဖြစ်လျှင်ဖြစ် မဟုတ်လျှင် သူ့အကောင့်ကို Gurumiharibo က ဟက်ထားခြင်းဖြစ်နိုင်ဟု ထင်နေကြသည်။
ဂျန်းနီသည် ၂၀၁၉ ခုနှစ်က Exo အဖွဲ့ဝင် Kai နှင့်တွဲသည့်သတင်း မှန်ကန်ခဲ့ပြီး BigBang အဖွဲ့ဝင် ဂျီဒရက်ဂွန်နှင့် တစ်နှစ်တွဲလိုက်သည်ဟုလည်း သတင်းထွက်ခဲ့သေးသည်။ ယခုကိစ္စကို ကာယကံရှင်နှစ်ဦး၏ အေဂျင်စီများက နှုတ်ဆိတ်နေသည်ကများသည်။
-
၂ဝ၂၄ ခုနှစ် နှစ်လယ် မြန်မာ့ကျောက်မျက် ရတနာပြပွဲတွင် ပုလဲအတွဲ ၂၈၀၊ ကျောက်မျက်အတွဲ ၁၆၀ နှင့် ကျောက်စိမ်းအတွဲ ၄၈၀၀ တို့ကို အိတ်ဖွင့်တင်ဒါစနစ်ဖြင့် ရောင်းချသွားမည်
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
