အမေရိကန်အဆိုတော်နစ်ဂျိုးနက်စ်၏ ဇနီး၊ ဘောလိဝုဒ်မင်းသမီး ပရီယန်ကာချိုပရာသည် ကလေးသူငယ်များ၏ အခွင့်အရေးအတွက် ထောက်ခံလှုပ်ရှားသူအဖြစ် လတ်တလောကျင်းပသည့် ကုလသမဂ္ဂအထွေထွေညီလာခံတွင် တက်ရောက်မိန့်ခွန်းပြောကြားခဲ့သည်။ ထိုညီလာခံကို ငြိမ်းချမ်းရေးနိုဘယ်ဆုရှင်မာလာလာယူဆက်ဖ်ဇိုင်၊ ဂျိုးဘိုင်ဒင်သမ္မတအဖြစ် ကျမ်းကျိန်ပွဲသို့ တက်ခွင့်ရခဲ့သူ အမေရိကန်လူငယ်ကဗျာဆရာမ အမန်ဒါဂေါ်မန်တို့လည်း တက်ရောက်ခဲ့ပြီး ပရီယန်ကာနှင့်အတူ ဓာတ်ပုံများလည်း တွဲရိုက်ခဲ့ကြသည်။
ပရီယန်ကာသည် ကမ္ဘာလုံးဆိုင်ရာယူနီဆက်ဖ်ချစ်ကြည်ရေးသံအမတ်အဖြစ် ၂၀၁၆ ခုနှစ်တွင် ခန့်အပ်ခံရပြီး ယူနီဆက်ဖ်နှင့်လက်တွဲလာသည်မှာ ၁၅ နှစ်နီးပါး ရှိပြီဖြစ်သည်။
မိန့်ခွန်းထဲတွင် ပရီယန်ကာက “ကလေးတွေ အထူးသဖြင့် လူငယ်မိန်းကလေးတွေအတွက် အခွင့်အရေးတွေ လွတ်လပ်စွာရရှိရေး၊ ပညာရေးနဲ့ထိတွေ့နိုင်ရေးတို့ဟာ ယူနီဆက်ဖ်သံအမတ်အဖြစ် ကျွန်မရဲ့အဓိကတာဝန်ပါ။ မိန်းကလေးအများစုအတွက် ပညာသင်ခွင့်ရဖို့ကို စိန်ခေါ်မှုတစ်ခုဖြစ်နေတဲ့ အိန္ဒိယမှာ ကျွန်မကြီးပြင်းလာတာပါ။ ကမ္ဘာ့နေရာအများစုမှာ ဖြစ်နေသလိုပါပဲ။ ကလေးတွေဟာ အရမ်းကို ပညာသင်ချင်ကြတယ်။ ဒါပေမဲ့ အခက်အခဲတွေရှိနေတယ်။ ကျွန်မကတော့ တန်းတူညီမျှမှု၊ လူချင်းတရားမျှတမှု၊ ဒီမိုကရေစီတို့ရဲ့ အုတ်မြစ်ဟာ ပညာရေးလို့ လုံးဝယုံကြည်တယ်” ဟု ပြောဆိုသွားသည်။
ပရီယန်ကာသည် ဘောလိဝုဒ်မင်းသမီးများဖြစ်သည့် ကတ်ထရီနာကတ်ဖ်၊ အလီယာဘတ်တို့နှင့် Jee Le Zaraa ဇာတ်ကားထွက်ရန်ရှိပြီး အမေရိကန်စိတ်ကူးယဉ်သိပ္ပံဇာတ်လမ်းတွဲ Citadel တွင်လည်း ပါဝင်ထားသည်။
-
၂ဝ၂၄ ခုနှစ် နှစ်လယ် မြန်မာ့ကျောက်မျက် ရတနာပြပွဲတွင် ပုလဲအတွဲ ၂၈၀၊ ကျောက်မျက်အတွဲ ၁၆၀ နှင့် ကျောက်စိမ်းအတွဲ ၄၈၀၀ တို့ကို အိတ်ဖွင့်တင်ဒါစနစ်ဖြင့် ရောင်းချသွားမည်
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
