Riverdale နှင့် Diary of a Wimpy သရုပ်ဆောင် ရိုင်ယန်ဂရမ်သန်သည် ကနေဒါဝန်ကြီးချုပ် ဂျက်စတင်ထရူးဒိုးအား လုပ်ကြံရန် စီစဉ်မှုတွင် ၎င်းပါဝင်ခဲ့ကြောင်း မိခင်ဖြစ်သူက မျက်မြင်သက်သေလုပ်မှုအား ရပ်တန့်ရန်အတွက် ၎င်း၏မိခင်ကိုသတ်ဖြတ်ခဲ့ပြီးနောက် ထောင်ဒဏ်တစ်သက်တစ်ကျွန်းချ မှတ်ခံခဲ့ရသည်ဟု သိရသည်။
အသက် ၂၄ နှစ်အရွယ် ဂရမ်သန်သည် ၂၀၂၀ ခုနှစ် မတ်လက ၎င်း၏မိခင်ဖြစ်သူအသက် ၆၄ နှစ်အရွယ် ဘာဘရာဝိတ် စန္ဒရားတီးနေချိန်တွင် ပစ်ခတ်သတ်ဖြတ်ခဲ့သည့်အတွက် ဒုတိယအဆင့်လူသတ်မှုဖြင့် အပြစ်ရှိကြောင်း ဝန်ခံခဲ့ပြီးနောက် သူသည် ၁၄နှစ်ကြာ လွတ်ငြိမ်းချမ်းသာခွင့်အတွက် အယူခံဝင်နိုင်တော့မည်မဟုတ်ပေ။
ထို့နောက် သူသည် သေနတ်သုံးလက်၊ ခဲယမ်းလက်နက်များနှင့် ဓာတ်ဆီပုလင်းဗုံး ၁၂ ခုတို့ကို ကားအတွင်းထည့်၍ ထရူးဒိုး၏နေအိမ်သို့ မောင်းလာခဲ့ပြီးနောက် ဗန်ကူးဗားရှိ ရဲစခန်းတွင် သွားရောက်အဖမ်းခံခဲ့သည်ဟု သိရသည်။
ဂရမ်သန်သည် ၎င်း၏အပြစ်ကိုဝန်ခံခဲ့ပြီး ယင်းသတ်ဖြတ်မှုအတွက် နောင်တရကြောင်း ဖော်ပြခဲ့သောကြောင့် ထောင်ဒဏ် ၁၂ နှစ်ကျပြီးနောက် လွတ်ငြိမ်းချမ်းသာခွင့်ရသင့်သည်ဟု ဂရမ်သန်၏ရှေ့နေက ခုခံပြောကြားခဲ့သည်။
British Columbia တရားရုံးချုပ် တရားသူကြီး ကက်လန်းကာက ဂရမ်သန်အနေဖြင့် အစုလိုက်အပြုံလိုက် သတ်ဖြတ်ခြင်း သို့မဟုတ် ဝန်ကြီးချုပ်ကိုလုပ်ကြံရန် မပြုလုပ်ခြင်းသည် ဘုရားသခင်၏ ကရုဏာတော်ကြောင့် ဖြစ်သည်ဟု မှတ်ချက်ပြုခဲ့သည်။
၎င်းမိခင်၏အလောင်းကို ညီမဖြစ်သူလီဆာက ၂၀၂၀ ခုနှစ် ဧပြီလ၌တွေ့ရှိခဲ့ပြီး “ကျွန်မရဲ့ တစ်ဦးတည်းသောအစ်ကိုက အမေ့ကိုသတ်ဖြတ်ဖို့ ရွေးချယ်ခဲ့တဲ့အတွက် ကျွန်မအခြားသူတွေကို ဘယ်လိုယုံကြည်နိုင်တော့မှာလဲ။ ကျွန်မနောက်ကျော ဘယ်လိုလုံနိုင်တော့မလဲ” ဟု တရားရုံးတွင် ပြောကြားခဲ့သည်။
-
အမေရိကန်တစ်ဒေါ်လာ ကျပ်သုံးထောင်ကျော်၊ ထိုင်း ၁၀၀၁ ဘတ် ကျပ်တစ်သိန်းဝန်းကျင် ဖြစ်လာတဲ့ မြန်မာငွေစျေးကျဆင်းမှု ဂယက်
-
ကြီးထွားလာနေသော ကမ္ဘာလုံးဆိုင်ရာ စီးပွားရေးပြဿနာများနှင့် မြန်မာနိုင်ငံအခြေအနေ
-
ဆင်းရဲသည့်နိုင်ငံအဆင့်မှ ချမ်းသာဖွံ့ဖြိုးပြီးနိုင်ငံအဆင့်သို့ အတိုဆုံးအချိန်ကာလအတွင်း ရောက်ရှိစေခဲ့သည့် စီးပွားရေးဒီဇိုင်းမိုဒယ်ပုံစံ
-
ကာကွယ်ရေးအသုံးစရိတ် တိုးမြှင့်ခြင်းနှင့် ထိုင်ဝမ်၏ ကာကွယ်ရေးမဟာဗျူဟာ
-
မုတ်သုံရေကြီးမှုများကြားက ပါကစ္စတန်၏ ဒုက္ခ
