မိန်းကလေးကေပေါ့အဖွဲ့ Momoland မှ အဖွဲ့ဝင်ဟောင်းဖြစ်သူ ယွန်ဝူ (၂၅နှစ်) နှင့် မိန်းကလေးပရိသတ်များ၏ အသည်းစွဲ လီမင်ဟို (၃၄ နှစ်) တို့ ဒိတ်နေသည်ဟု အွန်လိုင်းမီဒီယာ Dispatch က ဖော်ပြခဲ့သည်။ သူတို့နှစ်ဦးတွဲနေသည်မှာ ငါးလခန့် ရှိပြီဟုလည်း ၎င်းသတင်းက ဆိုသည်။
လီမင်ဟိုသည် ယွန်ဝူ၏သြဂုတ် ၁ ရက် မွေးနေ့မတိုင်မီ ဇူလိုင် ၃၁ ရက် ညနေပိုင်းက ယွန်ဝူကို သွားခေါ်ပြီး ရုပ်ရှင်သွားကြည့်ခဲ့ကာ သူတို့နှစ်ဦးကို ကားပါကင်တွင် မြင်ရသည့် ဓာတ်ပုံအချို့ကို Dispatch က ဖော်ပြခဲ့သည်။
လီမင်ဟို၏အသိတစ်ဦးကလည်း လီမင်ဟိုသည် အချစ်နှင့်ပတ်သက်လျှင် ဘွင်းဘွင်းရှင်းရှင်းသမားဖြစ်သည်။ အချစ်ရေးကို မလျှို့ဝှက်လိုသည့်အတွက် တွဲသွားတွဲလာ လုပ်ခြင်းများကို ပေါ်ပေါ်ထင်ထင်ပင် လုပ်လေ့ရှိသည်ဟု ပြောဆိုခဲ့သည်။
လီမင်ဟိုနှင့် ယွန်ဝူတို့နှစ်ဦးစလုံးသည် ဗီဒီယိုဂိမ်းကစားခြင်းနှင့် ရုပ်ရှင်ကြည့်ခြင်းကို ကြိုက်သူများဖြစ်ပြီး အကြိုက်တူခြင်းက သူတို့နှစ်ဦးကို ပိုပြီးနီးစပ်စေခဲ့သည်ဟုလည်း ၎င်းက ဆိုသည်။
သို့သော်လီမင်ဟို၏ အေဂျင်စီ MYM Entertainment က ထိုသတင်းကို ငြင်းဆိုထားပြီး ကားပါကင် ဓာတ်ပုံများနှင့် ပတ်သက်၍ သူတို့နှစ်ဦးတည်း ရုပ်ရှင်သွားကြည့်ခဲ့ခြင်း မဟုတ်ကြောင်း၊ အခြားမိတ်ဆွေများလည်း ပါကြောင်း ၊ ဓာတ်ပုံများတွင် နှစ်ဦးတည်းဟု ထင်ရသော်လည်း အမှန်တကယ်မဟုတ်ကြောင်း ပြန်လည်ဖြေရှင်းထားသည်။
-
ထရန့်က ကုန်သွယ်ရေးနှင့် ပညာရေးဝန်ကြီးရာထူးနေရာများအတွက် အမည်စာရင်းတင်သွင်း
-
ဝေဖန်ခံနေရသည့် အသင်းဖော် ချူပိုမိုတင်းကို ဘာပေ အားပေး
-
ပရီးမီးယားလိဂ်သို့ ပြန်လည်ပြောင်းရွှေ့မည်မဟုတ်ဟု ကော်တင်ဟို ပြောကြား
-
သထုံမြို့နယ်တွင် လက်နက်ကိုင်အဖွဲ့တစ်ဖွဲ့က ဖမ်းဆီးခေါ်ဆောင်သွားသည့် Puma Power စက်သုံးဆီအရောင်းဆိုင် မန်နေဂျာကို ၁၀ ရက်ကြာသည်အထိ အဆက်အသွယ်မရသေး
-
ဖိလစ်ပိုင်တွင် ဆဋ္ဌမမြောက် တိုင်ဖွန်းမုန်တိုင်း တိုက်ခတ်မှုကြောင့် မြေပြိုမှုများဖြစ်ပွားပြီး လူခုနစ်ဦး သေဆုံး
