MTV ရုပ်သံ၏ သီချင်းဗီဒီယိုဆု VMA အတွက် ဇူလိုင် ၂၃ ရက်က ထုတ်ပြန်သည့် ဆန်ခါတင်စာရင်းတွင် တေလာဆွစ်နှင့် အရီယာနာဂရန်ဒီတို့က ဆု ၁၀ ဆုစီအတွက် လျာထားခံခဲ့ရသည်။
ဆွစ်နှင့် ဂရန်ဒီတို့သည် တစ်နှစ်တာသီချင်းဗီဒီယိုဆုအပါအဝင် ဆုရှစ်ဆုအတွက် ထိပ်တိုက်ယှဉ်ပြိုင်ရမည်ဟု MTV က ထုတ်ပြန်ခဲ့သည်။
LGBTQ များကို ဝေဖန်တိုက်ခိုက်သူများနှင့် လူမှုမီဒီယာတွင် Troll မှုများကို ဝေဖန်သည့်ဆွစ်၏ You Need to Clam Down သီချင်းဗီဒီယိုနှင့် ဂရန်ဒီ၏ thank u, next တို့သည် ဘီလီအိုင်းလစ်ရှ်၏ Bad Guy၊ Lil Nas X နှင့် ဘီလီရေးဆိုင်းရပ်စ်တို့၏ Old Town Road၊ 21 Savage နှင့် J. Cole တို့၏ A Lot နှင့် Jonas Brothers အဖွဲ့၏ Sucker သီချင်းဗီဒီယိုတို့နှင့်အတူ VMA ဆု၏ အမြင့်ဆုံးဆုအတွက် လျာထားခံခဲ့ရသည်။
ဂရန်ဒီသည် တစ်နှစ်တာအကောင်းဆုံး အနုပညာရှင်ဆုအတွက် ရက်ပ်အဆိုတော် ကာဒီဘီ၊ တက်သစ်စအဆိုတော် Billie Eilish, Halsey, Jonas Brothers နှင့် Shawn Mendes တို့နှင့်အတူ ယှဉ်ပြိုင်ရမည်ဖြစ်သည်။ အမေရိကန်၏ ကေပေါ့ပ်ဂီတတွင် ဦးဆောင်ခဲ့ပြီးပြီးခဲ့သည့်နှစ်တွင် Billboard သီချင်းရောင်းချမှုစာရင်း၏ နံပါတ် ၁ နေရာတွင် သုံးကြိမ်ဖော်ပြခံခဲ့ရသည့် ကိုရီးယားအမျိုးသားအဆိုတော်အဖွဲ့ BTS သည် အသစ်ထပ်တိုးခဲ့သည့် ကေပေါ့ပ်ဆု အမျိုးအစားအတွက် ဆုသုံးဆုအပါအဝင် ဆန်ခါတင်စာရင်းတွင် ဆုလေးဆုအတွက် လျာထားခံခဲ့ရသည်။
အသက် ၁၇ နှစ်အရွယ် အိုင်းလစ်ရှိသည် VMA ဆုဆန်ခါတင်စာရင်းတွင် ဆုကိုးဆုအတွက် လျာထားခံခဲ့ရသည်။ အိုင်းလစ်ရှ်သည် ၂၀၁၆ ခုနှစ်တွင် Ocean Eyes သီချင်းဖြင့် ဂီတလောကသို့ ဝင်ရောက်ခဲ့ပြီး ၂၀၁၉ ခုနှစ်တွင် ပွဲဦးထွက်အယ်လ်ဘမ် When We All Fall Asleep, Where Do We Go? ကို ဖြန့်ချိခဲ့သည်။ ယင်းအယ်လ်ဘမ်သည် Billboard၂၀၀ ၏ နံပါတ် ၁ နေရာတွင် ဖော်ပြခံခဲ့ရသည်။ TikTok တွင် Old Town Road သီချင်းဖြင့် အောင်မြင်ခဲ့သည့် အမေရိကန်ရက်ပ်အဆိုတော် Lil Nas X သည် VMA ဆုဆန်ခါတင်စာရင်းတွင် ဆုရှစ်ဆုအတွက် လျာထားခံခဲ့ရသည်။ လေဒီဂါဂါနှင့် ဘရက်ဒလေကူးပါးတို့၏ Shallow သီချင်းသည် တစ်နှစ်တာ အကောင်းဆုံးသီချင်းဆုနှင့် အကောင်းဆုံး ပူးပေါင်းဖန်တီးမှုဆုအတွက် လျာထားခံခဲ့ရသည်။
-
ဖိလစ်ပိုင်ကို အရေးနိမ့်ခဲ့သည့် မြန်မာအမျိုးသမီးအသင်း အာရှအားကစားပြိုင်ပွဲ အုပ်စုအဆင့်မှ ထွက်ခဲ့ရ
-
■ နည်းပြဘဝအတွက် အူန်ယွန်းဘာလင်ကို ရွေးချယ်ခဲ့ခြင်းဟု ဘိုနူချီ ဆို
-
■ ရီးယဲလ်နှင့် ကာမာဗင်ဂါ သက်တမ်းတိုးစာချုပ်ချုပ်ဆိုရန် နီးစပ်
-
■ မာဆေးလ်အသင်းကို ဆော်ဒီရင်းနှီးမြှုပ်နှံမှုကုမ္ပဏီ ဝယ်ယူနိုင်ခဲ့ပါက ဇီဒန်းကို နည်းပြအဖြစ် ခန့်အပ်ရန် သဘောတူညီမှုရရှိထား
-
■ လီဗာပူးလ်အသင်း၏ ရှယ်ယာအချို့ကို အသင်းပိုင်ရှင်များဖြစ်သည့် FSG က အမေရိကန်လုပ်ငန်းစု Dynasty Equity သို့ ရောင်းထုတ်
