မြန်မာနိုင်ငံဘောလုံးအဖွဲ့ချုပ် (MFF) နည်းစနစ်ကော်မတီသည် မြန်မာ ယူ-၁၆ အမျိုးသားအသင်းနည်းပြချုပ်အဖြစ် ဦးအောင် ဇော်မျိုးကို ခန့်အပ်လိုက်ပြီဖြစ်ကြောင်း သိရသည်။
MFFနည်းစနစ်ကော်မတီသည် မြန်မာ ယူ-၁၆ အမျိုးသားအသင်းနည်းပြချုပ်နေရာ အတွက် ပြည်တွင်းနည်းပြဆရာများကို လျှောက်လွှာများ ခေါ်ယူခဲ့ပြီး လျှောက်ထား သူများအနက် ဦးအောင်ဇော်မျိုးကို ရွေးချယ် ခဲ့ခြင်းဖြစ်သည်။ "ယူ-၁၆ အမျိုးသားအသင်း
နည်းပြချုပ်နေရာအတွက် လာရောက်လျှောက် ထားသူ ကိုးဦးလောက်ရှိပါတယ်။ အဲဒီအထဲ က ရွေးချယ်ခဲ့တာဖြစ်ပြီး နည်းပြသစ်ခန့်အပ် တာကို နည်းစနစ်ကော်မတီကပဲ လုပ်ဆောင် တာဖြစ်ပါတယ်"ဟု MFF တာဝန်ရှိသူတစ်ဦးက ပြောကြားသည်။
ဦးအောင်ဇော်မျိုးသည် လူငယ်လက် ရွေးစင် ဘောလုံးသမားဟောင်းတစ်ဦးဖြစ် ပြီး ကစားသမားဘဝမှ အနားယူပြီးနောက်ပိုင်း နည်းပြလောကသို့ ကူးပြောင်းခဲ့ခြင်းဖြစ် သည်။ ဦးအောင်ဇော်မျိုးသည် MNL ကလပ်များဖြစ်သည့် ရခိုင်ယူနိုက်တက်အသင်းနှင့်
မကွေးအသင်းတို့တွင် နည်းပြချုပ်အဖြစ် တာ ဝန်ယူကိုင်တွယ်ဖူးပြီး လူငယ်လက်ရွေးစင် အသင်းကို ပထမဆုံးအကြိမ် ကိုင်တွယ်ခွင့် ရခြင်းဖြစ်သည်။
မြန်မာ ယူ-၁၆ အမျိုးသား အသင်းသည် ၂၀၁၉ ခုနှစ်ကတည်းက နည်း ပြအပြောင်းအလဲ အများဆုံးဖြစ်ပေါ်ခဲ့သည့် အသင်းဖြစ်ပြီး ယင်းနှစ်တွင် နိုင်ငံခြားသား နည်းပြသုံးဦးနှင့် လမ်းခွဲခဲ့ပြီး ပြည်တွင်းနည်း ပြဖြစ်သည့် ဦးမင်းသူကို ပြောင်းလဲတာဝန်ပေး ခဲ့သည်။
ထို့ပြင် ဦးမင်းသူမှာလည်း တစ်နှစ် ဝန်းကျင်သာ တာဝန်ယူခဲ့ရပြီး ၂၀၂၀ နှစ်လယ် ပိုင်းတွင် ဦးချစ်နိုင်ကို ပြောင်းလဲတာဝန်ပေး သော်လည်း ကိုဗစ်ရောဂါကြောင့် ကိုင်တွယ်ခွင့်မရဘဲ စာချုပ်ကုန်ဆုံးခဲ့ခြင်းဖြစ်သည်။
-
GAVI အဖွဲ့အစည်း၏ အထောက်အပံ့ဖြင့် ကျန်းမာရေးဝန်ကြီးဌာနက Mobile Tablet အလုံး ၁၄၀၀၀ ထပ်မံဝယ်ယူမည်
-
မြေလွတ်၊ မြေလပ်နှင့် မြေရိုင်းများ အသုံးပြု၍ စီးပွားဖြစ်စိုက်ပျိုးရေး၊ မွေးမြူရေးနှင့် ဓာတ်သတ္တု ထုတ်လုပ်ခြင်း၊ ဥပဒေနှင့်အညီ အခြားလုပ်ငန်းများ အသုံးချစီမံဆောင်ရွက်နိုင်ရန် လုပ်ထုံးလုပ်နည်းများနှင့်အညီ ခွင့်ပြုပေးနေဟုဆို
-
စားသုံးသူအငြင်းပွားမှုဖြေရှင်းရေး အဖွဲ့သို့ တိုင်ကြားသည့်အမှုများ ယခင်နှစ်ကထက် နှစ်ဆမြင့်တက်
-
ရှမ်းပြည်နယ် ကျေးသီးမြို့နယ်၌ ဗုံးသီးဟောင်း ပေါက်ကွဲ၍ တစ်ဦး သေဆုံးပြီး လေးဦး ဒဏ်ရာရရှိ
-
အသက်အာမခံနှင့် ထိခိုက်မှု အာမခံထားရှိသော မြန်မာရွှေ့ပြောင်းလုပ်သား တစ်သောင်းကျော်အထိရှိ
