မန်ယူအသင်း၏ ကွင်းလယ်လူ ပေါ့ဘာက ယခုရာသီသည် သူ၏ ကစားသမားဘဝတွင် အခက်ခဲဆုံးရာသီ တစ်ခုဖြစ်ပြီး ပြင်သစ်အသင်းတွင် ကစားရသည့်အချိန်များသည် အားအင်ပြန်လည်ပြည့်ဝရန် လေကောင်းလေသန့် ရှူရှိုက်ရသည့် အချိန်များဖြစ်ကြောင်း ပြောကြားခဲ့သည်။
ပေါ့ဘာသည် မန်ယူအသင်းသို့ ရောက်ရှိလာချိန်ကတည်းက အသင်း၏ အဓိကကစားသမားအဖြစ် အရေးပါသည့် အခန်းကဏ္ဍတွင် ရှိခဲ့သော်လည်း ဘရူနိုဖာနန်ဒက်စ် ရောက်ရှိလာချိန်ကတည်းက အရေးပါမှုလျော့ကျလာခဲ့သည်။
သူသည် ခံစစ်ကို ပိုမိုထောက်ကူရသည့် ကစားသမားဖြစ်လာခဲ့ပြီး ခံစစ်ပိုင်းအတွက်လည်း တွမ်မီနေး၊ ဖရက်ဒ်၊ မာတစ်တို့နှင့် နေရာလုနေရသည့်အတွက် ပွဲကစားချိန်လည်း လျော့ကျလျက်ရှိသည်။
ပေါ့ဘာကစားနေရသည့် အနေအထားနှင့်ပတ်သက်ပြီး ပြင်သစ်အသင်းနည်းပြ ဒေးရွှမ့်က မန်ယူအသင်းနည်းပြ ဆိုးလ်ရှားကို ဝေဖန်ခဲ့ပြီး၊ ယခုအချိန်တွင်လည်း ပေါ့ဘာက "ကျွန်တော့်ရဲ့ ကစားသမားဘဝမှာ ဘယ်တုန်းကမှ ဒီလောက်အထိ မခက်ခဲခဲ့ဖူးပါဘူး။ ပြင်သစ်အသင်းအတွက် ကစားနေရတဲ့အချိန်တွေမှာ လေကောင်းလေသန့်ရှူပြီး အားမွေးနေရပါတယ်။ ပြင်သစ်အသင်းမှာ ကစားနေရတဲ့ အစုအဖွဲ့က ထူးခြားပြီး မှော်ဆန်ပါတယ်"ဟု ပြင်သစ်သတင်းဌာနတစ်ခုဖြစ်သည့် RTL France နှင့် တွေ့ဆုံရာတွင် ပြောကြားခဲ့သည်။
-
၂၀၁၈ ခုနှစ်အတွက် မြန်မာ့အကောင်းဆုံး အားကစားသမားဆုကို ဝူရှူးလက်ရွေးစင်များဖြစ်သည့် ငြိမ်းချမ်းကိုကိုနှင့် အေးသစ္စာမြင့် ရရှိပြီး သက်ထားသူဇာ အတိုးတက်ဆုံးအားကစားသမားဆု ဆွတ်ခူး
-
စပိန်လာလီဂါပွဲစဉ်(၁၀) ပွဲကြိုသုံးသပ်ချက်
-
ဂျာမန်ဘွန်ဒစ်လီဂါပွဲစဉ် (၉) ပွဲကြိုသုံးသပ်ချက်
-
အမှတ်ပေးပွဲတွင်လည်း အဝေးကွင်းနိုင်ပွဲရရန် လိုအပ်ဟု ဆိုးလ်ရှား တိုက်တွန်း
-
အခွန်ကိစ္စအတွက် ဒဏ်ကြေးဆောင်ပြီးသော်လည်း ရာမို့စ် အယူခံဝင်မည်
