အင်္ဂလန်လက်ရွေးစင်အသင်း၏ ကွင်းလယ်ကစားသမားနှစ်ဦးဖြစ်သော စတာလင်နှင့် ဟန်ဒါဆန်တို့သည် ဒဏ်ရာပြဿနာများကြောင့် အိုက်စလန်နှင့်ပွဲကို လွဲချော်မည်ဖြစ်ကြောင်း သိရသည်။
စတာလင်သည် ခြေသလုံးကြွက်သား ဒဏ်ရာကြောင့် ဘယ်လ်ဂျီယံနှင့်ပွဲကို လွဲချော်ခဲ့ရသလို၊ ဟန်ဒါဆန်မှာလည်း တံကောက်ကြောဒဏ်ရာကြောင့် ဘယ်လ်ဂျီယံနှင့်ပွဲတွင် လူစားလဲခံခဲ့ရသည်။
ယခုအခါ ၎င်းတို့နှစ်ဦးစလုံး ဒဏ်ရာသက်သာခြင်းမရှိသည့်အတွက် အင်္ဂလန်အသင်း၏ လူစာရင်းမှ နုတ်ထွက်ခြင်းဖြစ်သည်။
သို့သော် အင်္ဂလန်နည်းပြ ဆောက်ဂိတ်က ယင်းကစားသမားများ၏နေရာတွင် အစားထိုးရွေးချယ်ဖွယ်မရှိတော့ကြောင်းလည်း သိရသည်။
ဘယ်လ်ဂျီယံနှင့်ပွဲ၌ အင်္ဂလန်နောက်ခံလူ ဘင်ချီဝဲလ်မှာလည်း ကျောဒဏ်ရာ အနည်းငယ်ရခဲ့သော်လည်း အသင်းလူစာရင်းတွင် ဆက်ရှိနေခဲ့သည်။
ဆောက်ဂိတ်သည် ဗုဒ္ဓဟူးနေ့တွင် အိုက်စလန်နှင့်ကစားမည့်ပွဲအတွက် ကစားသမား (၂၂)ဦးဖြင့် ဆက်လက်ပြင်ဆင်လျက်ရှိသည်။
-
၂၀၁၈ ခုနှစ်အတွက် မြန်မာ့အကောင်းဆုံး အားကစားသမားဆုကို ဝူရှူးလက်ရွေးစင်များဖြစ်သည့် ငြိမ်းချမ်းကိုကိုနှင့် အေးသစ္စာမြင့် ရရှိပြီး သက်ထားသူဇာ အတိုးတက်ဆုံးအားကစားသမားဆု ဆွတ်ခူး
-
စပိန်လာလီဂါပွဲစဉ်(၁၀) ပွဲကြိုသုံးသပ်ချက်
-
ဂျာမန်ဘွန်ဒစ်လီဂါပွဲစဉ် (၉) ပွဲကြိုသုံးသပ်ချက်
-
အမှတ်ပေးပွဲတွင်လည်း အဝေးကွင်းနိုင်ပွဲရရန် လိုအပ်ဟု ဆိုးလ်ရှား တိုက်တွန်း
-
အခွန်ကိစ္စအတွက် ဒဏ်ကြေးဆောင်ပြီးသော်လည်း ရာမို့စ် အယူခံဝင်မည်
