မေဂျာလိဂ်ကလပ် အင်တာမိုင်ယာမီ အသင်းနည်းပြ မာတီနိုသည် ၎င်း၏ရာထူးမှ နုတ်ထွက်သွားခဲ့ပြီး ယင်းနေရာတွင် အာဂျင်တီးနား ယူ-၂၃ အသင်းနည်းပြ မာရှေရာနိုကို ခန့်အပ်မည်ဖြစ်ကြောင်း သိရသည်။
အသက် ၆၂ နှစ်ရှိပြီဖြစ်သည့် အာဂျင်တီးနားနည်းပြ မာတီနိုသည် ပြီးခဲ့သည့်နှစ် ဇွန်လတွင် အင်တာမိုင်ယာမီအသင်း နည်းပြအဖြစ် ခန့်အပ်ခံရပြီး အသင်းသမိုင်းတစ်လျှောက် ပထမဆုံးဆုဖလားဖြစ်သည့် ၂၀၂၃ လိဂ်ဖလားနှင့် ၂၀၂၄ Supporter's Shield ချန်ပီယံဆု ရယူပေးနိုင်ခဲ့သည်။
သို့သော် မေဂျာလိဂ်ဖလား Play-offs ပထမအဆင့်မှ ထွက်ခဲ့ရပြီးနောက် မာတီနိုမှာ ပုဂ္ဂိုလ်ရေးအကြောင်းပြချက်ဖြင့် ရာထူးမှ နုတ်ထွက်သွားပြီဖြစ်ကြောင်း အင်တာမိုင်ယာမီအသင်းက နိုဝင်ဘာ ၂၂ ရက်တွင် ထုတ်ပြန်ခဲ့သည်။
မာတီနို၏နေရာတွင် မက်ဆီ၊ ဆွာရက်ဇ် တို့နှင့် ဘာစီလိုနာအသင်းဖော်ဟောင်းဖြစ်ခဲ့ဖူးသည့် မာရှေရာနိုကို သုံးနှစ်စာချုပ်ဖြင့် ခန့်အပ်မည်ဖြစ်ပြီး ရက်ပိုင်းအတွင်း ကြေညာမည်ဖြစ်ကြောင်း အပြောင်းအရွှေ့ကျွမ်းကျင်သူ ဖာဘရီဇီယိုရိုမာနိုက လူမှုကွန်ရက် X တွင် ရေးသားထားသည်။
မာရှေရာနို (၄၀ နှစ်) သည် ပါရီအိုလံပစ်ပြိုင်ပွဲတွင် အာဂျင်တီးနားအသင်းကို ကွာတားဖိုင်နယ် ပို့ဆောင်ပေးနိုင်ခဲ့သည်။
-
အမေရိကန်ဘဏ္ဍာရေးအဖွဲ့အစည်းတစ်ခုထံမှ ပေါင်သန်း (၅၀၀) ချေးယူပြီး အသင်းကို ဆက်လက်ရင်းနှီးမြှုပ်နှံသွားရန် ချယ်လ်ဆီးအသင်းပိုင်ရှင် တော့ဒ်ဘိုလီ စီစဉ်
-
ချန်ပီယံလိဂ်အပါအဝင် လိဂ်ပြိုင်ပွဲ(၃)ခုကို တန်းဆင်းတန်းတက်ပုံစံဖြင့် ချိတ်ဆက်ထားမည့် ပြိုင်ပွဲပုံစံအသစ် ဖန်တီးရန် UEFA စီစဉ်နေ
-
■ "ဒီအချိန်က ရိုးမားအသင်း သတ္တိရှိတယ်ဆိုတာကို ပြသရမယ့် အချိန်ပါ" - ရိုးမားအသင်းနည်းပြ မော်ရင်ဟိုနှင့် တွေ့ဆုံခြင်း
-
■ ချွေးထွက်လွန်းတဲ့ ဝတ်စုံ (Life)
-
ယူရို-၂၀၂၈ ပြိုင်ပွဲ ပူးတွဲအိမ်ရှင်အဖြစ် ဂရိတ်ဗြိတိန်နှင့် အိုင်ယာလန်ကို အောက်တိုဘာ(၁၀)ရက်တွင် တရားဝင်ကြေညာမည်
