မန္တလေးမြို့ VEC ကိုယ်ပိုင်အထက်ကျောင်းတွင် ပညာသင်ကြားနေသော ကိုးတန်းကျောင်းသူတစ်ဦးသည် စာကျက်နေစဉ် လဲကျသေဆုံးမှု နိုဝင်ဘာ ၁၈ ရက် ည ၈ နာရီခွဲခန့်က ဖြစ်ပွားခဲ့ကြောင်း တိုင်းရဲတပ်ဖွဲ့မှူးရုံးမှ သတင်းရရှိသည်။
ဖြစ်စဉ်မှာ VEC ကိုယ်ပိုင်အထက်တန်းကျောင်းတွင် ပညာသင်ကြားနေသည့် ကိုးတန်းကျောင်းသူ မဆုရတီထွန်း (၁၄) နှစ်သည် ၆၅ လမ်းနှင့် ၆၆ လမ်းကြား၊ သရဖီလမ်းနှင့် ငုရွှေဝါလမ်းကြား၊ ရတနာပုံလမ်းရှိ VEC ကျောင်း၏ ဒေဝီစာသင်ဆောင်မြေညီထပ်ခန်း တောင်ဘက်ခြမ်းရှိ စာသင်ခုံပေါ်တွင် သူငယ်ချင်းဖြစ်သူ နန်းဟွမ်ငင်းနှင့် အတူ ည ၈ နာရီခွဲခန့်က စာကြည့်နေခဲ့ကြောင်း၊ ထိုသို့စာကြည့်နေရင်း မဆုရတီထွန်းသည် နန်းဟွမ်ငင်းပေါင်ပေါ်သို့ လဲကျသွားခဲ့ပြီး နှိုးမရတော့သဖြင့် မန္တလေးအထွေထွေဆေးရုံကြီးသို့ တင်ပို့ခဲ့ရာ တာဝန်ကျ ဆရာများ၏ စစ်ဆေးချက်အရ သေဆုံးခဲ့ပြီဖြစ်သည်ဟု သိရကြောင်း ရဲမှတ်တမ်းတွင် ဖော်ပြထားသည်။
အဆိုပါဖြစ်စဉ်နှင့်ပတ်သက်၍ အမှတ် (၁၁)ရဲစခန်းသို့ ဆက်သွယ်မေးမြန်းခဲ့ရာ “စာကြည့်နေရင်း လဲကျသွားလို့ဆေးရုံပို့စဉ်မှာပဲ သေဆုံးတယ်လို့ သိရပါတယ်။ဆရာဝန်တွေရဲ့ ရင်ခွဲက နဦးစစ်ဆေးချက်ကတော့ နှလုံးသွေးရပ်သေဆုံးတယ်လို့ ပြောပါတယ်။ ဒါပေမဲ့ တရားဝင်တော့ ထွက်မလာသေးဘူးပေါ့။ လတ်တလော မေးမြန်းချက်အရ သိရတာလေးပါ။ ကျန်တာတွေကတော့ ကျောင်းနဲ့ မိဘတွေပဲသိမယ့်အရာတွေပေါ့” ဟု ပြောကြားသည်။
ထို့ကြောင့် မဆုရတီထွန်းသေဆုံးမှု ဖြစ်စဉ်ကို အမှတ် (၁၁) ရဲစခန်းတွင် သေမှုသေခင်းဖြင့် အမှုဖွင့်ကာ စစ်ဆေးမှုများပြုလုပ်လျက်ရှိသည်ဟု သိရသည်။
-
အမေရိကန်တွင် COVID-19 ကူးစက်မှုနှုန်း မြင့်တက်နေချိန် ကာကွယ်ဆေးများသည် အဓိကနေရာမှ ရပ်တည်နေဟု ကျန်းမာရေးတာဝန်ရှိသူများ ပြောကြား
-
COVID-19 ကပ်ရောဂါသည် ပြီးဆုံးရန် အလှမ်းကွာဝေးနေသေးဟု WHO သတိပေး
-
အီရန်၏ တိုက်ပွဲဝင်ဒရုန်းများကို ရယူလိုသည့် ရုရှား၏ အစီအစဉ်သည် ယူကရိန်းစစ်ပွဲတွင် ရုရှား၏ဆုံးရှုံးမှုများကို ပြသရာရောက်နေသည်ဟု အမေရိကန် ပြောကြား
-
ပြည်ပနိုင်ငံများတွင် အာဏာသိမ်းမှုများကို အစီအစဉ်အရ ကူညီပေးခဲ့ကြောင်း အမေရိကန်အမျိုးသားလုံခြုံရေး အကြံပေးပုဂ္ဂိုလ်ဟောင်းက ဝန်ခံ
-
အစိုးရအဆောက်အအုံများအား စီးနင်းသိမ်းပိုက်ထားမှုကို အဆုံးသတ်တော့မည်ဖြစ်ကြောင်း သီရိလင်္ကာ ဆန္ဒပြသူများ ပြောကြား
