အာဂျင်တီးနားတိုက်စစ်မှူး အီကာဒီက PSG အသင်းသို့ အပြီးသတ်ပြောင်းရွှေ့ခွင့်ရရန် မိမိအနေဖြင့် အစွမ်းကုန်ကြိုးစားသွားမည်ဖြစ်ကြောင်း ပြောကြားခဲ့သည်။
အာဂျင်တီးနားတိုက်စစ်မှူး အီကာဒီက PSG အသင်းသို့ အပြီးသတ်ပြောင်းရွှေ့ခွင့်ရရန် မိမိအနေဖြင့် အစွမ်းကုန်ကြိုးစားသွားမည်ဖြစ်ကြောင်း ပြောကြားခဲ့သည်။
အသက် (၂၆)နှစ်အရွယ်ရှိ အီကာဒီသည် ပြီးခဲ့သည့်နွေရာသီအပြောင်းအရွှေ့ကာလအတွင်းက အင်တာမီလန်အသင်းမှ PSG အသင်းသို့ တစ်ရာသီအငှားဖြင့် ပြောင်းရွှေ့ခဲ့သူဖြစ်သည်။
အီကာဒီသည် ယခုရာသီတွင် PSG အသင်း၌ ခြေစွမ်းပြနေပြီး မိမိအနေဖြင့် ယခုရာသီကုန်တွင် PSG အသင်းသို့ အပြီးသတ်ပြောင်းရွှေ့လိုကြောင်း ပြောကြားခဲ့ခြင်းဖြစ်သည်။
အီကာဒီက "ဘာတွေ ဖြစ်လာမယ်ဆိုတာကိုတော့ ကျွန်တော် မသိသေးပါဘူး။ ကျွန်တော့်အနေနဲ့ အကောင်းဆုံးဖြစ်ချင်ပါတယ်။ ဒါကြောင့်လည်း PSG အသင်းကို ကျွန်တော် လာခဲ့တာပါ။ PSG အသင်းဟာ ကမ္ဘာအကောင်းဆုံးအသင်းတွေထဲက တစ်သင်းဖြစ်ပြီး ဒီအသင်းမှာ ကစားခွင့်ရတဲ့အတွက် ဝမ်းသာပါတယ်။ ဒါဟာ ကျွန်တော့်ရဲ့ ကစားသမားဘဝအတွက် ခြေလှမ်းသစ်လည်း ဖြစ်ပါတယ်။ PSG အသင်းမှာ ဆက်လက်ကစားခွင့်ရဖို့အတွက် ကျွန်တော် အစွမ်းကုန် ကြိုးစားသွားမှာပါ"ဟု ပြောကြားခဲ့သည်။
ထို့ပြင် အီကာဒီက မိမိအနေဖြင့် အင်တာမီလန်အသင်းတွင် အလွန်ရှုပ်ထွေးသည့် အနေအထားနှင့် ရင်ဆိုင်ခဲ့ရပြီး PSG အသင်းအားကစားဒါရိုက်တာဖြစ်သူ လီယိုနာဒိုကြောင့် PSG အသင်းကို ရွေးချယ်ခဲ့ခြင်းဖြစ်ကြောင်းလည်း ဆိုခဲ့သည်။
PSG အသင်းသည် အသင်းတွင် ခြေစွမ်းပြနေသည့် အီကာဒီကို အပြီးသတ်ခေါ်ယူမည်ဆိုပါက အင်တာမီလန်အသင်းကို ယူရိုသန်း (၆၀) ပေးချေရမည်ဖြစ်ကြောင်း သိရသည်။
အီကာဒီသည် ယခုရာသီတွင် PSG အသင်းအတွက် ပြိုင်ပွဲစုံ (၈)ပွဲကစားရာ၌ (၇)ဂိုး သွင်းယူပေးထားသည်။
-
NLD ပါတီအပါအဝင် နိုင်ငံရေးပါတီများ၏ လုပ်ကိုင်ဆောင်ရွက်မှုများသည် ဥပဒေအား မည်မျှကျော်လွန် ချိုးဖောက်ထားသည် ဆိုသည့်အပေါ်မူတည်ပြီး ပါတီများ၏အနာဂတ်ကို ဥပဒေအတိုင်း ဆောင်ရွက်မည်ဟု သတင်းထုတ်ပြန်ရေး အဖွဲ့ဝင် ပြောကြား
-
ပုဇွန်တောင်ချောင်း (ငမိုးရိပ်)၊ ရန်ကုန်မြစ်၊ စျေး၊ အပန်းဖြေနေရာများ အဆင့်မြှင့်တင်ရန် ပြည်ပချေးငွေ ရယူခြင်းသည် မသင့်လျော်ကြောင်းနှင့် ချေးငွေဖြင့် လုပ်ကိုင်ခဲ့သည့် လုပ်ငန်းများအား ပြည်ထောင်စုလွှတ်တော်သို့ တင်ပြခြင်း မရှိသဖြင့် မည်သို့ဖြစ်သွားသည်ကို မသိရကြေ
-
မလေးရှားတွင် တရားမဝင် လုပ်ကိုင်နေသော မြန်မာလုပ်သား ၁၀၀ ကျော်အား အမြင့်ဆုံးပြစ်ဒဏ် ထောင်သုံးလ ချမှတ်
-
ဖားကန့် ကျောက်စိမ်းလုပ်ကွက်တွင် ပဋိပက္ခဖြစ်ပွားပြီး ရေမဆေးကျောက် ရှာဖွေသူတစ်ဦး သေနတ်မှန် သေဆုံး ၊ ကျောက်ရှာဖွေသူများက ရဲများ တင်ဆောင်လာသည့် ယာဉ်နှစ်စီးနှင့် ကုမ္ပဏီ၏ အဆောင်နှစ်ခုကို မီးရှို့
-
သတ္တုနှင့် သယံဇာတ အမြောက်အမြား ထုတ်ယူနေသော်လည်း စုစုပေါင်းအခွန်ငွေ၏ ၁၇ ရာခိုင်နှုန်းကျော်သာ ရှိသဖြင့် ယင်းရာခိုင်နှုန်းသည် ထိရှလွယ်သည့် နိုင်ငံများအောက်သို့ပင် ရောက်နေကြောင်း EITI အစီရင်ခံစာတွင် ဖော်ပြ
