အီတလီအသင်းတိုက်စစ်မှူးဟောင်း လူကာတိုနီက ဂျူဗင်တပ်စ်နည်းပြဟောင်း အယ်လီဂရီမှာ ဘိုင်ယန်မြူးနစ်အသင်းနှင့် အသင့်တော်ဆုံးနည်းပြဖြစ်ကြောင်း ပြောကြားခဲ့သည်။
အီတလီအသင်းတိုက်စစ်မှူးဟောင်း လူကာတိုနီက ဂျူဗင်တပ်စ်နည်းပြဟောင်း အယ်လီဂရီမှာ ဘိုင်ယန်မြူးနစ်အသင်းနှင့် အသင့်တော်ဆုံးနည်းပြဖြစ်ကြောင်း ပြောကြားခဲ့သည်။
ဘိုင်ယန်မြူးနစ်အသင်းသည် ဖရန့်ဖတ်အသင်းအား (၅-၁)ဂိုးဖြင့် ရှုံးနိမ့်ပြီးနောက် ပြီးခဲ့သည့် တနင်္ဂနွေနေ့က အသင်းနည်းပြ ကိုဗက်ကို ရာထူးမှထုတ်ပယ်ခဲ့သည်။
လက်ရှိတွင် ဘိုင်ယန်မြူးနစ်အသင်းနည်းပြသစ် ဖြစ်လာရန် လိုက်ပ်ဇစ်အသင်းနည်းပြဟောင်း ရန်းနစ်၊ ဂျူဗင်တပ်စ်နည်းပြဟောင်း အယ်လီဂရီ၊ အာဆင်နယ်နည်းပြဟောင်း အာစင်ဝင်းဂါးနှင့် မန်ယူအသင်းနည်းပြဟောင်း မော်ရင်ဟိုတို့ ရေပန်းစားနေကြောင်း သိရသည်။
ဘိုင်ယန်မြူးနစ်အသင်းတွင် ၂၀၀၇ ခုနှစ်မှ ၂၀၁၀ ခုနှစ်အထိ ကစားခဲ့ဖူးသည့် အီတလီတိုက်စစ်မှူးဟောင်း လူကာတိုနီက အယ်လီဂရီမှာ ဘိုင်ယန်မြူးနစ်နည်းပြရာထူးနှင့် အသင့်တော်ဆုံးဖြစ်သော်လည်း အယ်လီဂရီအနေဖြင့် ယင်းရာထူးကို လက်ခံမည်ဟု မထင်ကြောင်း ပြောကြားခဲ့သည်။
လူကာတိုနီက "ကျွန်တော့်အမြင်ကို ပြောရမယ်ဆိုရင် အယ်လီဂရီဟာ ဘိုင်ယန်မြူးနစ်အသင်းနည်းပြရာထူးနဲ့ အသင့်တော်ဆုံးပါပဲ။ ဒါပေမဲ့ ဘိုင်ယန်မြူးနစ်အသင်းကို သူ(အယ်လီဂရီ) ကိုင်တွယ်မယ်လို့ ကျွန်တော် မထင်ပါဘူး။ ဂျာမန်တွေအနေနဲ့ အီတလီလူမျိုးနည်းပြတွေကို ဘယ်လိုသဘောထားတယ်တော့ ကျွန်တော် မသိပါဘူး။ ဒါပေမဲ့ အယ်လီဂရီဟာ ဘိုင်ယန်မြူးနစ်အသင်းနဲ့ အတော်အဆင်ပြေမယ့် နည်းပြပါ။ အင်္ဂလန်ကတော့ ပိုပြီး စိတ်လှုပ်ရှားဖို့ကောင်းပါတယ်။ အယ်လီဂရီဟာ ပရီးမီးယားလိဂ်မှာလည်း အကောင်းဆုံးစွမ်းဆောင်နိုင်မယ့်သူမျိုးပါ။ ကျွန်တော်သာ အယ်လီဂရီဆိုရင် မန်ယူအသင်းကို သွားမှာပါ"ဟု ပြောကြားခဲ့သည်။
ဘိုင်ယန်မြူးနစ်အသင်းသည် လက်ရှိတွင် ကိုဗက်၏ လက်ထောက်နည်းပြဖြစ်သူ ဟန်စ်ဖလစ်အား ယာယီနည်းပြအဖြစ် ခန့်အပ်ထားပြီး နည်းပြသစ်ကို (၃)ပတ်အတွင်း ခန့်အပ်သွားရန် စီစဉ်နေကြောင်း သိရသည်။
-
NLD ပါတီအပါအဝင် နိုင်ငံရေးပါတီများ၏ လုပ်ကိုင်ဆောင်ရွက်မှုများသည် ဥပဒေအား မည်မျှကျော်လွန် ချိုးဖောက်ထားသည် ဆိုသည့်အပေါ်မူတည်ပြီး ပါတီများ၏အနာဂတ်ကို ဥပဒေအတိုင်း ဆောင်ရွက်မည်ဟု သတင်းထုတ်ပြန်ရေး အဖွဲ့ဝင် ပြောကြား
-
ပုဇွန်တောင်ချောင်း (ငမိုးရိပ်)၊ ရန်ကုန်မြစ်၊ စျေး၊ အပန်းဖြေနေရာများ အဆင့်မြှင့်တင်ရန် ပြည်ပချေးငွေ ရယူခြင်းသည် မသင့်လျော်ကြောင်းနှင့် ချေးငွေဖြင့် လုပ်ကိုင်ခဲ့သည့် လုပ်ငန်းများအား ပြည်ထောင်စုလွှတ်တော်သို့ တင်ပြခြင်း မရှိသဖြင့် မည်သို့ဖြစ်သွားသည်ကို မသိရကြေ
-
မလေးရှားတွင် တရားမဝင် လုပ်ကိုင်နေသော မြန်မာလုပ်သား ၁၀၀ ကျော်အား အမြင့်ဆုံးပြစ်ဒဏ် ထောင်သုံးလ ချမှတ်
-
ဖားကန့် ကျောက်စိမ်းလုပ်ကွက်တွင် ပဋိပက္ခဖြစ်ပွားပြီး ရေမဆေးကျောက် ရှာဖွေသူတစ်ဦး သေနတ်မှန် သေဆုံး ၊ ကျောက်ရှာဖွေသူများက ရဲများ တင်ဆောင်လာသည့် ယာဉ်နှစ်စီးနှင့် ကုမ္ပဏီ၏ အဆောင်နှစ်ခုကို မီးရှို့
-
သတ္တုနှင့် သယံဇာတ အမြောက်အမြား ထုတ်ယူနေသော်လည်း စုစုပေါင်းအခွန်ငွေ၏ ၁၇ ရာခိုင်နှုန်းကျော်သာ ရှိသဖြင့် ယင်းရာခိုင်နှုန်းသည် ထိရှလွယ်သည့် နိုင်ငံများအောက်သို့ပင် ရောက်နေကြောင်း EITI အစီရင်ခံစာတွင် ဖော်ပြ
