ရီးယဲလ်မက်ဒရစ်အသင်းနည်းပြ ဇီဒန်းက ဝေးလ်စ်တောင်ပံကစားသမား ဂါရတ်ဘေးလ်ကို အနည်းဆုံး ယခုရာသီကုန်အထိ အသင်းတွင် ရှိနေစေချင်သည်ဟု ပြောကြားခဲ့သည်။
ရီးယဲလ်မက်ဒရစ်အသင်းနည်းပြ ဇီဒန်းက ဝေးလ်စ်တောင်ပံကစားသမား ဂါရတ်ဘေးလ်ကို အနည်းဆုံး ယခုရာသီကုန်အထိ အသင်းတွင် ရှိနေစေချင်သည်ဟု ပြောကြားခဲ့သည်။
အသက် (၃၀)နှစ်အရွယ်ရှိ ဘေးလ်သည် ပြီးခဲ့သည့်နွေရာသီအပြောင်းအရွှေ့တွင် တရုတ်စူပါလိဂ်သို့ ပြောင်းရွှေ့ရန် အလွန်နီးစပ်ခဲ့ပြီး နောက်ဆုံးအချိန်တွင်မှ အပြောင်းအရွှေ့ ပျက်ပြယ်ခဲ့ခြင်းဖြစ်သည်။
ယခုအခါ ဥရောပမီဒီယာများက ဘေးလ်သည် ရီးယဲလ်မက်ဒရစ်အသင်းတွင် ကစားရသည်ကို စိတ်ကုန်နေပြီး လာမည့်ဇန်နဝါရီအပြောင်းအရွှေ့တွင် အသင်းမှထွက်ခွာဖွယ်ရှိနေသည်ဟု ဖော်ပြနေကြသည်။
သို့သော် ဇီဒန်းက ဘေးလ်မှာ အသင်းအတွက် အလွန်အရေးပါသည့်ကစားသမားတစ်ဦးဖြစ်ပြီး မိမိအနေဖြင့် ဘေးလ်ကို ယခုရာသီကုန်အထိ အသင်းတွင် ဆက်ရှိနေစေလိုကြောင်း ဂါလာတာစာရေးနှင့် ကစားမည့် ချန်ပီယံလိဂ်ပွဲစဉ်အကြို ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။
ဇီဒန်းက "ကျွန်တော်ကတော့ ဂါရတ်ဘေးလ်ကို ယခုရာသီကုန်အထိ အသင်းမှ ဆက်ရှိနေစေချင်ပါတယ်။ ဒါပေမဲ့ လူတွေက ဘေးလ်ဟာ လာမယ့် ဇန်နဝါရီအပြောင်းအရွှေ့ကာလအတွင်း ရီးယဲလ်မက်ဒရစ်အသင်းက ထွက်ခွာမယ်လို့ ပြောနေကြပါတယ်။ ဒါတွေ အဓိပ္ပာယ်မရှိပါဘူး။ ရီးယဲလ်မက်ဒရစ်ပရိသတ်တွေအနေနဲ့ ကစားသမားတွေကို အသင်းမှ ပျော်ရွှင်အောင် ကြိုးစားသင့်ပါတယ်"ဟု ပြောကြားခဲ့သည်။
ဂါရတ်ဘေးလ်သည် ယခုရာသီတွင် ရီးယဲလ်မက်ဒရစ်အသင်းအတွက် ပြိုင်ပွဲစုံ (၇)ပွဲကစားရာ၌ (၂)ဂိုး သွင်းယူပေးထားသည်။
-
NLD ပါတီအပါအဝင် နိုင်ငံရေးပါတီများ၏ လုပ်ကိုင်ဆောင်ရွက်မှုများသည် ဥပဒေအား မည်မျှကျော်လွန် ချိုးဖောက်ထားသည် ဆိုသည့်အပေါ်မူတည်ပြီး ပါတီများ၏အနာဂတ်ကို ဥပဒေအတိုင်း ဆောင်ရွက်မည်ဟု သတင်းထုတ်ပြန်ရေး အဖွဲ့ဝင် ပြောကြား
-
ပုဇွန်တောင်ချောင်း (ငမိုးရိပ်)၊ ရန်ကုန်မြစ်၊ စျေး၊ အပန်းဖြေနေရာများ အဆင့်မြှင့်တင်ရန် ပြည်ပချေးငွေ ရယူခြင်းသည် မသင့်လျော်ကြောင်းနှင့် ချေးငွေဖြင့် လုပ်ကိုင်ခဲ့သည့် လုပ်ငန်းများအား ပြည်ထောင်စုလွှတ်တော်သို့ တင်ပြခြင်း မရှိသဖြင့် မည်သို့ဖြစ်သွားသည်ကို မသိရကြေ
-
မလေးရှားတွင် တရားမဝင် လုပ်ကိုင်နေသော မြန်မာလုပ်သား ၁၀၀ ကျော်အား အမြင့်ဆုံးပြစ်ဒဏ် ထောင်သုံးလ ချမှတ်
-
ဖားကန့် ကျောက်စိမ်းလုပ်ကွက်တွင် ပဋိပက္ခဖြစ်ပွားပြီး ရေမဆေးကျောက် ရှာဖွေသူတစ်ဦး သေနတ်မှန် သေဆုံး ၊ ကျောက်ရှာဖွေသူများက ရဲများ တင်ဆောင်လာသည့် ယာဉ်နှစ်စီးနှင့် ကုမ္ပဏီ၏ အဆောင်နှစ်ခုကို မီးရှို့
-
သတ္တုနှင့် သယံဇာတ အမြောက်အမြား ထုတ်ယူနေသော်လည်း စုစုပေါင်းအခွန်ငွေ၏ ၁၇ ရာခိုင်နှုန်းကျော်သာ ရှိသဖြင့် ယင်းရာခိုင်နှုန်းသည် ထိရှလွယ်သည့် နိုင်ငံများအောက်သို့ပင် ရောက်နေကြောင်း EITI အစီရင်ခံစာတွင် ဖော်ပြ
