မန်စီးတီးအသင်းတိုက်စစ်မှူး အဂွဲရိုးက ယခုရာသီ ပရီးမီးယားလိဂ်ပြိုင်ပွဲတွင် လီဗာပူးလ်အသင်းမှာ မိမိတို့၏ ချန်ပီယံဆုကိုလုယူနိုင်သည့် တစ်သင်းတည်းသော အသင်းဖြစ်ကြောင်း ပြောကြားခဲ့သည်။
မန်စီးတီးအသင်းတိုက်စစ်မှူး အဂွဲရိုးက ယခုရာသီ ပရီးမီးယားလိဂ်ပြိုင်ပွဲတွင် လီဗာပူးလ်အသင်းမှာ မိမိတို့၏ ချန်ပီယံဆုကိုလုယူနိုင်သည့် တစ်သင်းတည်းသော အသင်းဖြစ်ကြောင်း ပြောကြားခဲ့သည်။
ယခုရာသီ ပရီးမီးယားလိဂ်အမှတ်ပေးဇယား အဆင့် (၂)နေရာတွင် ရပ်တည်နေသည့် မန်စီးတီးအသင်းသည် နိုဝင်ဘာ (၁၀)ရက် (တနင်္ဂနွေနေ့)တွင် အမှတ်ပေးဇယားထိပ်ဆုံးတွင် (၆)မှတ်ဖြတ် ဦးဆောင်နေသည့် လီဗာပူးလ်အသင်းကို အဝေးကွင်း၌ ကစားရမည်ဖြစ်သည်။
မန်စီးတီးအသင်းသည် ပြီးခဲ့သည့် ၂၀၁၈-၁၉ ရာသီက ပရီးမီးယားလိဂ်ပြိုင်ပွဲတွင် လီဗာပူးလ်အသင်းကို (၁)မှတ်အသာဖြင့် ကျော်ဖြတ်ကာ ချန်ပီယံဆုကို ရယူနိုင်ခဲ့သည်။
အဂွဲရိုးက နောက်ပိုင်းနှစ်များတွင် လီဗာပူးလ်အသင်းမှာ အလွန်ကောင်းမွန်လာကြောင်းနှင့် ပရီးမီးယားလိဂ်ချန်ပီယံအတွက် ပြိုင်ဘက်ဖြစ်လာကြောင်း France Football နှင့် တွေ့ဆုံရာတွင် ပြောကြားခဲ့သည်။
အဂွဲရိုးက "ကျွန်တော် မန်စီးတီးအသင်းကို စရောက်တုန်းက ပရီးမီးယားလိဂ်ချန်ပီယံဆုအတွက် အဓိကပြိုင်ရတာက မန်ယူအသင်းပါ။ ပြီးတော့ ချယ်လ်ဆီးအသင်းလည်း ရှိတယ်။ ဒါပေမဲ့ နောက်ဆုံး (၄)ရာသီလောက်မှာတော့ လီဗာပူးလ်အသင်းက တောင့်တင်းတဲ့ အသင်းတစ်သင်းဖြစ်လာခဲ့ပါတယ်။ အခုဆိုရင် သူတို့ဟာ ပရီးမီးယားလိဂ် ချန်ပီယံဆုအတွက် ကျွန်တော်တို့နဲ့ အပြိုင်ဖြစ်နေပါပြီ။ ဒီရာသီ ပရီးမီးယားလိဂ်ပြိုင်ပွဲမှာ ကျွန်တော်တို့ကို နာကျင်စေမယ့် တစ်သင်းတည်းသောအသင်းက သူတို့(လီဗာပူးလ်)ပါပဲ။ လီဗာပူးလ်အသင်းက ပရီးမီးယားလိဂ်ချန်ပီယံဆုကို ရရှိဖို့ ကြိုးစားနေတာ ကြာပါပြီ။ ဒီရာသီမှာ သူတို့ဟာ ပရီးမီးယားလိဂ်အမှတ်ပေးဇယားကို ဦးဆောင်နေပြီး ရာသီကုန်အထိ ဒီလိုဆက်နေနိုင်ဖို့ သူတို့ကြိုးစားပါလိမ့်မယ်"ဟု ပြောကြားခဲ့သည်။
အသက် (၃၁)နှစ်အရွယ်ရှိ အာဂျင်တီးနားတိုက်စစ်မှူး အဂွဲရိုးသည် ယခုရာသီတွင် မန်စီးတီးအသင်းအတွက် (၁၀)ပွဲတွင် (၁၀)ဂိုး သွင်းယူထားပြီး နည်းပြ ဂွါဒီယိုလာ လက်အောက်တွင် ၎င်း၏ ကစားပုံကို ပြောင်းလဲရကြောင်းလည်း ဝန်ခံခဲ့သည်။
-
NLD ပါတီအပါအဝင် နိုင်ငံရေးပါတီများ၏ လုပ်ကိုင်ဆောင်ရွက်မှုများသည် ဥပဒေအား မည်မျှကျော်လွန် ချိုးဖောက်ထားသည် ဆိုသည့်အပေါ်မူတည်ပြီး ပါတီများ၏အနာဂတ်ကို ဥပဒေအတိုင်း ဆောင်ရွက်မည်ဟု သတင်းထုတ်ပြန်ရေး အဖွဲ့ဝင် ပြောကြား
-
ပုဇွန်တောင်ချောင်း (ငမိုးရိပ်)၊ ရန်ကုန်မြစ်၊ စျေး၊ အပန်းဖြေနေရာများ အဆင့်မြှင့်တင်ရန် ပြည်ပချေးငွေ ရယူခြင်းသည် မသင့်လျော်ကြောင်းနှင့် ချေးငွေဖြင့် လုပ်ကိုင်ခဲ့သည့် လုပ်ငန်းများအား ပြည်ထောင်စုလွှတ်တော်သို့ တင်ပြခြင်း မရှိသဖြင့် မည်သို့ဖြစ်သွားသည်ကို မသိရကြေ
-
မလေးရှားတွင် တရားမဝင် လုပ်ကိုင်နေသော မြန်မာလုပ်သား ၁၀၀ ကျော်အား အမြင့်ဆုံးပြစ်ဒဏ် ထောင်သုံးလ ချမှတ်
-
ဖားကန့် ကျောက်စိမ်းလုပ်ကွက်တွင် ပဋိပက္ခဖြစ်ပွားပြီး ရေမဆေးကျောက် ရှာဖွေသူတစ်ဦး သေနတ်မှန် သေဆုံး ၊ ကျောက်ရှာဖွေသူများက ရဲများ တင်ဆောင်လာသည့် ယာဉ်နှစ်စီးနှင့် ကုမ္ပဏီ၏ အဆောင်နှစ်ခုကို မီးရှို့
-
သတ္တုနှင့် သယံဇာတ အမြောက်အမြား ထုတ်ယူနေသော်လည်း စုစုပေါင်းအခွန်ငွေ၏ ၁၇ ရာခိုင်နှုန်းကျော်သာ ရှိသဖြင့် ယင်းရာခိုင်နှုန်းသည် ထိရှလွယ်သည့် နိုင်ငံများအောက်သို့ပင် ရောက်နေကြောင်း EITI အစီရင်ခံစာတွင် ဖော်ပြ
