လေးနှစ်ကျော် မကျင်းပဖြစ်ခဲ့သည့် ရေကျော်ပွဲစျေးအား အမျိုးသားနေ့အထိမ်းအမှတ်အဖြစ် ကျင်းပလျက်ရှိကြောင်း ပုဇွန်တောင်မြို့နယ်တွင် နေထိုင်သူများထံမှ သိရသည်။
နိုဝင်ဘာ ၂၂ ရက်မှ ၂၆ ရက်အထိ အမျိုး သားနေ့အထိမ်းအမှတ်အဖြစ် ကျင်းပခြင်းဖြစ်ပြီး ဆိုင်ခန်းနေရာများကိုလည်း သတ်မှတ်ထားကြောင်း သိရသည်။
၂၀၁၉ ခုနှစ်တွင် နောက်ဆုံးကျင်းပခဲ့ပြီး ကိုဗစ်ကူးစက်မှုရောဂါကြောင့် ရေကျော်ပွဲစျေးကို မကျင်းပနိုင်ခဲ့ဘဲ ယခုနှစ်မှသာ ပြန်လည်ကျင်းပခဲ့ခြင်းဖြစ်ကြောင်း သိရသည်။
“ ဒီနှစ်မှ ပြန်ကျင်းပတာ။ ဆိုင်ခန်းတွေလည်း အရင်အရေအတွက်လောက်တော့ရှိတယ်။ အရင်တုန်းက သီတင်းကျွတ်ကာလမှာလုပ်တာ။ အစဉ်အလာပဲပေါ့။ ငါးရက်လုပ်တယ်။ ဒီနှစ်ကတော့ အမျိုးသားနေ့အထိမ်း အမှတ်အနေနဲ့ လုပ်တာလို့ ပြောတယ်”ဟု ပုဇွန်တောင်မြို့နယ်တွင် နေထိုင်သူတစ်ဦးက ပြောကြားသည်။
ရေကျော်ပွဲစျေးကို မြန်မာနိုင်ငံလွတ်လပ်ရေးမရမီ တစ်နှစ်ခန့်အလို ၁၉၄၇ ခုနှစ်မှ စတင်ကာ ပုဇွန်တောင် အမှတ် ၈ ရပ်ကွက်သူ ရပ်ကွက်သားများက စတင်ကာ ကျင်းပခဲ့ပြီး နှစ်စဉ်မပြတ်ကျင်းပခဲ့ခြင်းဖြစ်သည်ဟု သိရ သည်။
“အရင်ခေတ်တွေတုန်းကတော့ ပွဲစျေးသပ်သပ်ပုံစံပဲ။ ၁၉၉၀ ပြည့်နှစ်ကျော်မှာတုန်းကတော့ လူငယ်တွေက ခေတ်ပေါ်ဒီဇိုင်းတွေ နဲ့ ဆန်းသစ်ပြီး လည်ပတ်ကြတာရှိတယ်။ ပန့်ခ်တို့ဘာတို့နဲ့ပေါ့”ဟု ပုဇွန်တောင်မြို့နယ်တွင် နေထိုင်သူတစ်ဦးက ပြောကြားသည်။
ရေကျော်ပွဲစျေးကို ယခင်က အောက်တိုဘာလပိုင်းတွင် နှစ်စဉ် ကျင်းပခဲ့ခြင်းဖြစ်ကြောင်း သိရသည်။
-
လှိုင်သာယာမြို့နယ် ကျန်စစ်မင်းအိမ်ရာမှ အနိမ့်ဆုံး ကျပ်သိန်း ၁၁၀ ဝန်းကျင်မှ အမြင့်ဆုံး ကျပ်သိန်း ၂၈၀ နီးပါးရှိသည့် တိုက်ခန်းများကို ဦးရာလူစနစ်ဖြင့် စတင် ရောင်းချလျက်ရှိ
-
ဂျပန်နိုင်ငံချေးငွေ အပါအဝင် စုစုပေါင်း အမေရိကန်ဒေါ်လာ သန်း ၃၀၀ ကျော်ဖြင့် တည်ဆောက်မည့် ပဲခူးမြစ်ကူးတံတား (သန်လျင်တံတား အမှတ် ၃) တည်ဆောက်ရန် ဖေဖော်ဝါရီတွင် ပန္နက်တင် အခမ်းအနားကျင်းပရန် စီစဉ်
-
လွိုင်ကော်မြို့တွင် ကျင်းပသော ကယားပြည်နယ်နေ့ အခမ်းအနားသို့ သမ္မတဦးဝင်းမြင့် တက်ရောက်ခဲ့ပြီး တိုင်းရင်းသားများ ရသင့်ရထိုက်သည့် အခွင့်အရေးများကို ဦးစားပေးပုံဖော်လျက်ရှိကြောင်း ပြောကြား
-
ဗဟိုဘဏ်က ပြည်တွင်းဘဏ်များ အာမခံပစ္စည်းရယူခြင်းမပြုဘဲ အမြင့်ဆုံးအတိုးနှုန်း ၁၆ ရာခိုင်နှုန်းဖြင့် ချေးငွေထုတ်ချေးခွင့်ပြုခဲ့ပြီး ဗဟိုဘဏ်အတိုးနှုန်း၊ အပ်ငွေအတိုးနှုန်းတို့ကို ပြောင်းလဲခြင်းမပြုဘဲ ယခင်အတိုင်း ဆက်လက်သတ်မှတ်
-
မြန်မာနိုင်ငံ၌ ဆိပ်ကမ်း (Gate Way) သည် ရန်ကုန်မြို့တစ်ခုတည်း၌သာ ရှိသဖြင့် ပြည်ပသို့ဆန်တင်ပို့ရာတွင် ထိုင်း၊ ပါကစ္စတန်၊ အိန္ဒိယ စသည့်ဆန်တင်ပို့မှုများသော နိုင်ငံများနှင့် ယှဉ်ပြိုင်ပါက မြန်မာ့ဆန်ကို နောက်ဆုံးမှသာ ဝယ်ယူလိုသည့် အနေအထားရှိနေဟုဆို
