မြိတ်ဆိပ်ကမ်းရှေ့၊ ကျွန်းစုမြို့နယ်ရေပြင်တွင် ငါးဖမ်းလှေတစ်စီး မီးလောင်မှုဖြစ်ပွားပြီး တစ်ဦးသေဆုံးကာ နှစ်ဦးဒဏ်ရာရခဲ့ကြောင်း သိရသည်။
တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်ပထက်ကျေးရွာအနီးရေပြင်တွင် နိုဝင်ဘာ ၂၂ ရက်နေ့ညပိုင်းကဝါ လတ်ငါးဖမ်းစက်လှေတစ်စီးဆီဖြည့်ပြီးပြန်လည်ထွက်ခွာရန် ဘတ္ထရီအိုးထောက် စက်နှိုးရာမှတစ်ဆင့် မီးလောင်မှု ဖြစ်ပွား၍တစ်ဦးသေဆုံးကာ နှစ်ဦးဒဏ်ရာရရှိခဲ့ခြင်းဖြစ်ကြောင်း သိရသည်။
အလျား ၈၅ ပေ၊အနံ ၂၄ ရှိ သစ်သားကိုယ်ထည် ဝါလတ်ငါးဖမ်းစက်လှေတစ်စီးသည် နိုဝင်ဘာ ၂၂ ရက် ည ၇ နာရီအချိန်ခန့်က ဆီဖြည့်ပြီး ပြန်လည်ထွက်ခွာရန်ဘတ္ထရီအိုးထောက်၍ စက်နှိုးရာမှအဆို ပါဖြစ်စဉ်ဖြစ်ပွားခဲ့ခြင်းဖြစ်သည်။ မီးလောင်မှုဖြစ်ပွားရာသို့ မြိတ်ခရိုင်မီးသတ်ဦးစီးမှူး ဦးစန်းဦး ဦးဆောင်သော မီးသတ်တပ်ဖွဲ့များ၊ရေကြောင်းရဲနှင့်ပရဟိတအသင်းများစုပေါင်းပြီး ဆိပ်ငယ်ဘောတံတားမှတစ်ဆင့် စက်လှေရှစ်စီး၊ Speed Boat သုံးစီး၊ ရေကြောင်းရဲတပ်ဖွဲ့စု(မြိတ်)မှ ရေယာဉ်သုံးစီးဖြင့် အပေါ့စားမီးသတ်စက်နှင့် Foam ဆေးရည်ပုံးများ တင်ဆောင်ပြီး သွားရောက်မီးငြှိမ်းသတ်ခဲ့ရာည ၇ နာရီ ၅၅ မိနစ်အချိန်ခန့်တွင် မီးငြှိမ်းသွားခဲ့ကြောင်းသိရသည်။
မီးလောင်မှုကြောင့် ဖျာပုံမြို့နယ်နေ အသက် ၃၈ နှစ်အရွယ် ရေလုပ်သားအမျိုးသားတစ်ဦးနှင့် အသက် ၃၀ နှစ်အရွယ် ရေလုပ်သားအမျိုးသားတစ်ဦးတို့တွင်ခန္ဓာကိုယ်မီးလောင်ဒဏ်ရာ (စိုးရိမ်ရ)ရရှိခဲ့ပြီး မြိတ်ပြည်သူ့ဆေးရုံကြီးတွင်ဆေးဝါးကုသမှုပေးထားရကြောင်းသိရသည်။ ထို့အပြင် အခြားရေလုပ်သားအမျိုးသားတစ်ဦးကိုလည်း စက်ခန်းအနီးမီးလောင်သေဆုံးနေသည်ကိုတွေ့ရှိခဲ့ရကြောင်း သိရသည်။ မီးလောင်မှုဖြစ်စဉ်နှင့်ပတ်သက်ပြီး တာဝန်ရှိသူများကဥပဒေအတိုင်းဆောင်ရွက်လျက်ရှိကြောင်း သိရသည်။
-
လှိုင်သာယာမြို့နယ် ကျန်စစ်မင်းအိမ်ရာမှ အနိမ့်ဆုံး ကျပ်သိန်း ၁၁၀ ဝန်းကျင်မှ အမြင့်ဆုံး ကျပ်သိန်း ၂၈၀ နီးပါးရှိသည့် တိုက်ခန်းများကို ဦးရာလူစနစ်ဖြင့် စတင် ရောင်းချလျက်ရှိ
-
ဂျပန်နိုင်ငံချေးငွေ အပါအဝင် စုစုပေါင်း အမေရိကန်ဒေါ်လာ သန်း ၃၀၀ ကျော်ဖြင့် တည်ဆောက်မည့် ပဲခူးမြစ်ကူးတံတား (သန်လျင်တံတား အမှတ် ၃) တည်ဆောက်ရန် ဖေဖော်ဝါရီတွင် ပန္နက်တင် အခမ်းအနားကျင်းပရန် စီစဉ်
-
လွိုင်ကော်မြို့တွင် ကျင်းပသော ကယားပြည်နယ်နေ့ အခမ်းအနားသို့ သမ္မတဦးဝင်းမြင့် တက်ရောက်ခဲ့ပြီး တိုင်းရင်းသားများ ရသင့်ရထိုက်သည့် အခွင့်အရေးများကို ဦးစားပေးပုံဖော်လျက်ရှိကြောင်း ပြောကြား
-
ဗဟိုဘဏ်က ပြည်တွင်းဘဏ်များ အာမခံပစ္စည်းရယူခြင်းမပြုဘဲ အမြင့်ဆုံးအတိုးနှုန်း ၁၆ ရာခိုင်နှုန်းဖြင့် ချေးငွေထုတ်ချေးခွင့်ပြုခဲ့ပြီး ဗဟိုဘဏ်အတိုးနှုန်း၊ အပ်ငွေအတိုးနှုန်းတို့ကို ပြောင်းလဲခြင်းမပြုဘဲ ယခင်အတိုင်း ဆက်လက်သတ်မှတ်
-
မြန်မာနိုင်ငံ၌ ဆိပ်ကမ်း (Gate Way) သည် ရန်ကုန်မြို့တစ်ခုတည်း၌သာ ရှိသဖြင့် ပြည်ပသို့ဆန်တင်ပို့ရာတွင် ထိုင်း၊ ပါကစ္စတန်၊ အိန္ဒိယ စသည့်ဆန်တင်ပို့မှုများသော နိုင်ငံများနှင့် ယှဉ်ပြိုင်ပါက မြန်မာ့ဆန်ကို နောက်ဆုံးမှသာ ဝယ်ယူလိုသည့် အနေအထားရှိနေဟုဆို
