မွန်ပြည်နယ် ချောင်းဆုံမြို့နယ် ကလော့ ကျေးရွာအုပ်စု အပြိုင်ကျေးရွာတွင် သြဂုတ် ၁၆ ရက် နံနက် ၈ နာရီခန့်က မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် နေ အိမ်ခြောက်လုံး ပျက်စီးမှုဖြစ်ပွားခဲ့ကြောင်း သတင်းရရှိသည်။
“အိမ်တစ်လုံးက လုံးဝပြိုကျသွားတယ်။ နောက်နှစ်လုံးက ယိုင်နဲ့သွားတယ်။ နောက် ထပ်အိမ်နှစ်လုံးက အမိုးလန်ပြီးတော့ ယိုင်နဲ့ သွားတယ်။ နောက်ထပ်အိမ်တစ်လုံးကတော့ အမိုးတွေပျက်စီးသွားတယ်” ဟု ဒေသခံတစ် ဦးက ပြောကြားသည်။
လေပြင်းတိုက်ခတ်မှုကြောင့် ပျက်စီး သွားသည့်နေအိမ်များအား မြို့နယ်မီးသတ် တပ်ဖွဲ့ဝင်များ၊ ပရဟိတလူမှုကယ်ဆယ်ရေး အဖွဲ့များနှင့် ဒေသခံများက ဝိုင်းဝန်းရှင်းလင်း ပေးခဲကြောင်း၊ လေဘေးသင့်သူများအား အ ပြိုင်ကျေးရွာ ရွာလယ်ပိုင်းရှိ ဓမ္မာရုံတွင် ခေတ္တ နေရာချထားကြောင်း၊ ယင်းဖြစ်စဉ်ကြောင့် လူထိခိုက်မှုမရှိကြောင်း သိရသည်။
အလားတူ သံဖြူဇရပ်မြို့နယ် ကျိုက္ခမီမြို့ တွင်လည်း သြဂုတ် ၁၆ ရက် နံနက်ပိုင်းက မိုးသည်းထန်စွာရွာသွန်းပြီး လေပြင်းတိုက်ခတ် မှုကြောင့် နေအိမ်တချို့ ပျက်စီးခြင်းများရှိခဲ့ ကြောင်း သိရသည်။ သြဂုတ် ၁၅ ရက် ညပိုင်း မှစတင်ပြီး မိုးသည်းထန်စွာရွာသွန်းမှုကြောင့် မွန်ပြည်နယ် အနှံ့ရေကြီးရေလျှံမှုဖြစ်ပွားနေကြောင်း သိရသည်။
-
PSG အသင်းသို့ အပြီးသတ်ပြောင်းရွှေ့နိုင်ရန် အစွမ်းကုန်ကြိုးစားသွားမည်ဟု အီကာဒီ ဆို
-
အယ်လီဂရီမှာ ဘိုင်ယန်မြူးနစ်အသင်းနှင့် အသင့်တော်နည်းပြဖြစ်သည်ဟု လူကာတိုနီ ပြောကြား
-
ယခုရာသီကုန်အထိ ဂါရတ်ဘေးလ်ကို အသင်းတွင် ရှိနေစေချင်သည်ဟု ဇီဒန်း ပြောကြား
-
ပရီးမီးယားလိဂ်တွင် မိမိတို့ချန်ပီယံဆုကိုလုယူနိုင်သည့် တစ်သင်းတည်းသောအသင်းမှာ လီဗာပူးလ်ဖြစ်သည်ဟု အဂွဲရိုး ပြောကြား
-
တစ်နှစ်အတွင်း တစ်ရာခိုင်နှုန်းမှ ၁၀ ရာခိုင်နှုန်းနီးပါးအထိ တရိပ်ရိပ်မြင့်တက်လာသော အထွေထွေစရိတ်စကဈေးနှုန်းများ
