စက်သုံးဆီများမှာ ယခုလကုန်ထိ လုံလောက်စွာရှိပြီး ရုရှားနိုင်ငံမှ ဝယ်ယူထားသည့် စက်သုံးဆီများလည်း ယခုလကုန်ပြီး မကြာမီဆက်တိုက်ဝင်ရောက်လာမည်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။
သြဂုတ် ၁၆ ရက်က နေပြည်တော်တွင် ကျင်းပသည့် နိုင်ငံတော်စီမံအုပ်ချုပ်ရေးကောင်စီအစည်းအဝေးတွင် နစကဥက္ကဌက စက်သုံးဆီနှင့်ပတ်သက်၍ ယင်းကဲ့သို့ ပြောကြားခဲ့ခြင်းဖြစ်သည်။
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က စက်သုံးဆီနှင့်ပတ်သက်၍ ယခုလကုန်အထိ လုံလောက်စွာရှိပြီးဖြစ်ကြောင်း၊ ဝယ်ယူထားပြီးဖြစ်သည့် စက်သုံးဆီတင် သင်္ဘောများလည်း မကြာမီဆိုက်ရောက်မည်ဖြစ်ကြောင်း၊ ထို့ပြင်ရုရှားနိုင်ငံမှ ဝယ်ယူထားသည့် စက်သုံးဆီများ ယခုလကုန်ပြီး မကြာမီဝင်ရောက်လာမည်ဖြစ်ကာ ဆက်တိုက်ဝင်ရောက်လာမည်ဖြစ်ကြောင်း၊ ထို့ကြောင့် စက်သုံးဆီနှင့်ပတ်သက်၍ စိုးရိမ်ပူပန်ရန်မလိုကြောင်း၊ စက်သုံးဆီဈေးနှုန်းပတ်သက်၍ ကုန်သည်များ ဈေးကစားနေခြင်းသာဖြစ်ကြောင်း၊ သတ်မှတ်ချက်အတိုင်း ရောင်းချပေးရန် ညွှန်ကြားထားပြီးဖြစ်ကြောင်း ပြောကြားသည်။
သီလဝါဆိပ်ကမ်းတွင် 92၊ 95၊ Premium Diesel နှင့် Deisel ဂါလန်ပေါင်း ၁၃ သိန်းခန့် ချနေပြီး ရက်ပိုင်းအတွင်း စက်သုံးဆီသင်္ဘော ၁၂ စင်းခန့် ထပ်မံဝင်ရောက်မည်ဖြစ်ကြောင်း နစက ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပြောကြားထားသည်။
စက်သုံးဆီစျေးနှုန်းများမှာ ဆက်လက်မြင့်တက်နေပြီး သြဂုတ် ၁၆ ရက်တွင် ရောင်းချခဲ့သည့် စက်သုံးဆီစျေးနှုန်းမှာ ၉၂ တစ်လီတာလျှင် ၂၃၆၅ ကျပ်၊ ၉၅ တစ်လီတာလျှင် ၂၄၄၅ ကျပ်၊ ပရီမီယံဒီဇယ်တစ်လီတာလျှင် ၂၇၈၀ ကျပ်၊ ရိုးရိုးဒီဇယ်တစ်လီတာလျှင် ၂၇၀၀ ကျပ်တို့ဖြစ်ကြောင်း သိရသည်။
-
NLD ပါတီအပါအဝင် နိုင်ငံရေးပါတီများ၏ လုပ်ကိုင်ဆောင်ရွက်မှုများသည် ဥပဒေအား မည်မျှကျော်လွန် ချိုးဖောက်ထားသည် ဆိုသည့်အပေါ်မူတည်ပြီး ပါတီများ၏အနာဂတ်ကို ဥပဒေအတိုင်း ဆောင်ရွက်မည်ဟု သတင်းထုတ်ပြန်ရေး အဖွဲ့ဝင် ပြောကြား
-
ပုဇွန်တောင်ချောင်း (ငမိုးရိပ်)၊ ရန်ကုန်မြစ်၊ စျေး၊ အပန်းဖြေနေရာများ အဆင့်မြှင့်တင်ရန် ပြည်ပချေးငွေ ရယူခြင်းသည် မသင့်လျော်ကြောင်းနှင့် ချေးငွေဖြင့် လုပ်ကိုင်ခဲ့သည့် လုပ်ငန်းများအား ပြည်ထောင်စုလွှတ်တော်သို့ တင်ပြခြင်း မရှိသဖြင့် မည်သို့ဖြစ်သွားသည်ကို မသိရကြေ
-
မလေးရှားတွင် တရားမဝင် လုပ်ကိုင်နေသော မြန်မာလုပ်သား ၁၀၀ ကျော်အား အမြင့်ဆုံးပြစ်ဒဏ် ထောင်သုံးလ ချမှတ်
-
ဖားကန့် ကျောက်စိမ်းလုပ်ကွက်တွင် ပဋိပက္ခဖြစ်ပွားပြီး ရေမဆေးကျောက် ရှာဖွေသူတစ်ဦး သေနတ်မှန် သေဆုံး ၊ ကျောက်ရှာဖွေသူများက ရဲများ တင်ဆောင်လာသည့် ယာဉ်နှစ်စီးနှင့် ကုမ္ပဏီ၏ အဆောင်နှစ်ခုကို မီးရှို့
-
သတ္တုနှင့် သယံဇာတ အမြောက်အမြား ထုတ်ယူနေသော်လည်း စုစုပေါင်းအခွန်ငွေ၏ ၁၇ ရာခိုင်နှုန်းကျော်သာ ရှိသဖြင့် ယင်းရာခိုင်နှုန်းသည် ထိရှလွယ်သည့် နိုင်ငံများအောက်သို့ပင် ရောက်နေကြောင်း EITI အစီရင်ခံစာတွင် ဖော်ပြ
