ရုရှားသမ္မတဗလာဒီမာပူတင်က ယူကရိန်းကို ပစ်လွှတ်ခဲ့သော စမ်းသပ်ဆဲဟိုက်ပါဆောနစ်ဒုံးကျည်ကို ပိုမိုပစ်လွှတ်မည်ဟု နိုဝင်ဘာ ၂၂ ရင်တွင်ကတိပြု ပြောကြားခဲ့ရာ ယူကရိန်းသမ္မတဗိုလိုဒီမာဇယ်လန်းစကီးက ခြိမ်းခြောက်မှုအသစ်ကို ရင်ဆိုင်ရေးအတွက် ခေတ်နှင့်အညီမွမ်းမံထားသော လေကြောင်းကာကွယ်ရေးစနစ်များပေးရန် မဟာမိတ်များကိုမေတ္တာရပ်ခံခဲ့သည်။
အရှိန်မြင့်တက်လာသော ဒုံးကျည်တိုက်ခိုက်မှု စိုးရိမ်စိတ်များကြောင့် ယူကရိန်းလွှတ်တော်ကို ပိတ်လိုက်ရပြီးနောက် နာရီပိုင်းအတွင်း ပူတင်နှင့် ဇယ်လန်းစကီးတို့၏ပြောဆိုမှုများ ထွက်ပေါ်လာခြင်းဖြစ်သည်။
ရုရှားက ယူကရိန်းမြို့ နီပရိုကို ဒုံးကျည်အသစ်ဖြင့် ပစ်ခတ်ခဲ့ပြီးနောက် တစ်ရက်အကြာတွင် ပူတင်က အိုရီရှနစ် ဒုံးကျည်အသစ် နောက်ထပ် စမ်းသပ်မှုများကို လုပ်ဆောင်သွားမည်ဟု ပြောကြားခဲ့သည်။
"ကျွန်တော်တို့ဟာ စစ်မြေပြင် အခြေအနေတွေအပါအဝင် ရုရှားနိုင်ငံကို သက်ရောက်လာတဲ့အခြေအနေနဲ့လုံခြုံရေးခြိမ်းခြောက်မှု သွင်ပြင်လက္ခဏာတွေအပေါ်မူတည်ပြီး အဲဒီစမ်းသပ်မှုတွေကို ဆက်လုပ်သွားမှာဖြစ်ပါတယ်"ဟု စစ်ဘက်အကြီးအကဲများနှင့်အစည်းအဝေးတွင် ပူတင်ကပြောကြားခဲ့သည်။ ထိုအစည်းအဝေးကို ရုပ်သံထုတ်လွှင့်ပေးခဲ့သည်။
ရုရှားက စမ်းသပ်ဆဲဒုံးကျည်သစ်ကို ဆက်တိုက်ထုတ်လုပ်မှုလည်း စတင်မည်ဟု၎င်းက ဖြည့်စွက်ပြောကြားခဲ့သည်။
ယူကရိန်းသမ္မတဗိုလိုဒီမာဇယ်လန်းစကီးက ခြိမ်းခြောက်မှုအသစ်ကို တန်ပြန်ရေးအတွက် ခေတ်နှင့်အညီမွမ်းမံထားသော လေကြောင်းကာကွယ်ရေးစနစ်များကို ၎င်း၏မဟာမိတ်နိုင်ငံများထံမှ မျှော်လင့်နေကြောင်း နိုဝင်ဘာ ၂၂ ရက်တွင် ပြောကြားခဲ့သည်။
ပဲ့ထိန်းဒုံးကျည်ကို ပစ်လွှတ်ခဲ့ကြောင်း ရုရှားကအတည်ပြုခဲ့ပြီးနောက် စစ်ပွဲတွင် တည်တည်ငြိမ်ငြိမ်ရှိရေး၊ သည်းခံရေးတိုကိုနိုဝင်ဘာ ၂၂ ရက်စောစောပိုင်းတွင် တရုတ်နိုင်ငံခြားရေးဝန်ကြီးဌာနက ထပ်လောင်းတောင်းဆိုခဲ့သည်။
"အဲဒါဟာရုရှားဘက်ကပါတဲ့ကမ္ဘာ့တောင်ခြမ်းနိုင်ငံတွေဖြစ်တဲ့ တရုတ်လို နိုင်ငံတွေရဲ့မထီလေးစား သဘောထားဖြစ်ပါတယ်။ အဲ့ဒီနိုင်ငံတွေရဲ့ခေါင်းဆောင် အချို့ဟာ သည်းခံကြပါဆိုပြီး ထပ်တလဲလဲတောင်းဆိုနေကြတာဖြစ်ပါတယ်"ဟု ဗီဒီယို မိန့်ခွန်းတွင် ဇယ်လန်းစကီးက ပြောကြားခဲ့သည်။
■Ref:AFP
-
NLD ပါတီအပါအဝင် နိုင်ငံရေးပါတီများ၏ လုပ်ကိုင်ဆောင်ရွက်မှုများသည် ဥပဒေအား မည်မျှကျော်လွန် ချိုးဖောက်ထားသည် ဆိုသည့်အပေါ်မူတည်ပြီး ပါတီများ၏အနာဂတ်ကို ဥပဒေအတိုင်း ဆောင်ရွက်မည်ဟု သတင်းထုတ်ပြန်ရေး အဖွဲ့ဝင် ပြောကြား
-
ပုဇွန်တောင်ချောင်း (ငမိုးရိပ်)၊ ရန်ကုန်မြစ်၊ စျေး၊ အပန်းဖြေနေရာများ အဆင့်မြှင့်တင်ရန် ပြည်ပချေးငွေ ရယူခြင်းသည် မသင့်လျော်ကြောင်းနှင့် ချေးငွေဖြင့် လုပ်ကိုင်ခဲ့သည့် လုပ်ငန်းများအား ပြည်ထောင်စုလွှတ်တော်သို့ တင်ပြခြင်း မရှိသဖြင့် မည်သို့ဖြစ်သွားသည်ကို မသိရကြေ
-
မလေးရှားတွင် တရားမဝင် လုပ်ကိုင်နေသော မြန်မာလုပ်သား ၁၀၀ ကျော်အား အမြင့်ဆုံးပြစ်ဒဏ် ထောင်သုံးလ ချမှတ်
-
ဖားကန့် ကျောက်စိမ်းလုပ်ကွက်တွင် ပဋိပက္ခဖြစ်ပွားပြီး ရေမဆေးကျောက် ရှာဖွေသူတစ်ဦး သေနတ်မှန် သေဆုံး ၊ ကျောက်ရှာဖွေသူများက ရဲများ တင်ဆောင်လာသည့် ယာဉ်နှစ်စီးနှင့် ကုမ္ပဏီ၏ အဆောင်နှစ်ခုကို မီးရှို့
-
သတ္တုနှင့် သယံဇာတ အမြောက်အမြား ထုတ်ယူနေသော်လည်း စုစုပေါင်းအခွန်ငွေ၏ ၁၇ ရာခိုင်နှုန်းကျော်သာ ရှိသဖြင့် ယင်းရာခိုင်နှုန်းသည် ထိရှလွယ်သည့် နိုင်ငံများအောက်သို့ပင် ရောက်နေကြောင်း EITI အစီရင်ခံစာတွင် ဖော်ပြ
