နာမည်ကျော်ကစားသမားဟောင်းတစ်ဦးဖြစ်သလို၊ Sky Sports ၏ ဘောလုံးသုံးသပ်သူတစ်ဦးဖြစ်သည့် ကာရေဂါက PSG အသင်း၏ နည်းပြဖြစ်သူ ပိုချက်တီနိုအနေဖြင့် PSG အသင်းတွင် ဆက်နေသည်ထက် မန်ယူအသင်းထံသို့ ပြောင်းရွှေ့လာခဲ့ခြင်းက သူ့အတွက် ပိုကောင်းလိမ့်မည်ဟု ပြောကြားခဲ့သည်။
ကာရေဂါက နာမည်ကျော်ကစားသမားများဖြစ်သည့် မက်ဆီ၊ နေမာ၊ ဘာပေတို့ကဲ့သို့ ကစားသမားများကို ကိုင်တွယ်ရခြင်းက ပိုချက်တီနိုအတွက် များစွာအခက်အခဲရှိနေပြီး ယင်းကစားသမားများက ပိုချက်တီနို၏ အရည်အချင်းများကို နောက်ပြန်ဆွဲချသလိုဖြစ်နေသည်ဟုလည်း ယုံကြည်နေသည်။
နည်းပြတစ်ဦးအနေဖြင့် နည်းဗျူဟာပိုင်းဆိုင်ရာနှင့်ပတ်သက်ပြီး ယုံကြည်ရာကို လုပ်ခွင့်မရှိဘဲ ကြယ်ပွင့်ကစားသမားများကို စိတ်မပျက်ရအောင် ကြိုးစားနေရခြင်းသည် ပိုချက်တီနိုနှင့် ကိုက်ညီသည့်အခြေအနေ မဟုတ်ဟုလည်း ကာရေဂါက ဆိုခဲ့သည်။
''ကျွန်တော်သာ ပိုချက်တီနိုရဲ့နေရာမှာဆိုရင် ဒီနေ့ မန်ယူအသင်းရဲ့ ကမ်းလှမ်းမှုကိုရရင် မနက်ဖြန် ပြောင်းရွှေ့မှာပါ။ ဘာကြောင့်လဲ ဆိုတာကို ရိုးရိုးသားသားပြောရရင် ဒီအသင်းရဲ့ ကြယ်ပွင့်ကစားသမား (၃)ဦးဖြစ်တဲ့ မက်ဆီ၊ နေမာ၊ ဘာပေတို့ကြောင့်ပါပဲ''ဟု ပြောကြားခဲ့သည်။
နာမည်ကျော် ပြင်သစ်တိုက်စစ်မှူးဟောင်း အွန်နရီကလည်း PSG အသင်းသည် ခံစစ်ပိုင်းတွင် လုပ်ရမည့် တာဝန်များကို ပျက်ကွက်နေမည်ဆိုပါက ဥရောပအဆင့် အောင်မြင်မှုများကို ရယူနိုင်ရန် လွယ်ကူမည်မဟုတ်ဟု ပြောကြားခဲ့သည်။
အွန်နရီက ''ခင်ဗျားသာ ချန်ပီယံလိဂ်ဖလားကို ယူချင်တယ်ဆိုရင် ခံစစ်ကို ကစားသမား (၇)ဦးတည်းနဲ့ ကစားခိုင်းလို့မရပါဘူး။ အဲဒါ အရေးကြီးပါတယ်။ အသင်းမှာ ဘယ်သူတွေရှိနေလဲဆိုတာ အရေးမကြီးဘူး။ သူတို့ဟာ အသင်းမှာပါဝင်နေရပါမယ်''ဟု ဆိုခဲ့သည်။
-
လှိုင်သာယာမြို့နယ် ကျန်စစ်မင်းအိမ်ရာမှ အနိမ့်ဆုံး ကျပ်သိန်း ၁၁၀ ဝန်းကျင်မှ အမြင့်ဆုံး ကျပ်သိန်း ၂၈၀ နီးပါးရှိသည့် တိုက်ခန်းများကို ဦးရာလူစနစ်ဖြင့် စတင် ရောင်းချလျက်ရှိ
-
ဂျပန်နိုင်ငံချေးငွေ အပါအဝင် စုစုပေါင်း အမေရိကန်ဒေါ်လာ သန်း ၃၀၀ ကျော်ဖြင့် တည်ဆောက်မည့် ပဲခူးမြစ်ကူးတံတား (သန်လျင်တံတား အမှတ် ၃) တည်ဆောက်ရန် ဖေဖော်ဝါရီတွင် ပန္နက်တင် အခမ်းအနားကျင်းပရန် စီစဉ်
-
လွိုင်ကော်မြို့တွင် ကျင်းပသော ကယားပြည်နယ်နေ့ အခမ်းအနားသို့ သမ္မတဦးဝင်းမြင့် တက်ရောက်ခဲ့ပြီး တိုင်းရင်းသားများ ရသင့်ရထိုက်သည့် အခွင့်အရေးများကို ဦးစားပေးပုံဖော်လျက်ရှိကြောင်း ပြောကြား
-
ဗဟိုဘဏ်က ပြည်တွင်းဘဏ်များ အာမခံပစ္စည်းရယူခြင်းမပြုဘဲ အမြင့်ဆုံးအတိုးနှုန်း ၁၆ ရာခိုင်နှုန်းဖြင့် ချေးငွေထုတ်ချေးခွင့်ပြုခဲ့ပြီး ဗဟိုဘဏ်အတိုးနှုန်း၊ အပ်ငွေအတိုးနှုန်းတို့ကို ပြောင်းလဲခြင်းမပြုဘဲ ယခင်အတိုင်း ဆက်လက်သတ်မှတ်
-
မြန်မာနိုင်ငံ၌ ဆိပ်ကမ်း (Gate Way) သည် ရန်ကုန်မြို့တစ်ခုတည်း၌သာ ရှိသဖြင့် ပြည်ပသို့ဆန်တင်ပို့ရာတွင် ထိုင်း၊ ပါကစ္စတန်၊ အိန္ဒိယ စသည့်ဆန်တင်ပို့မှုများသော နိုင်ငံများနှင့် ယှဉ်ပြိုင်ပါက မြန်မာ့ဆန်ကို နောက်ဆုံးမှသာ ဝယ်ယူလိုသည့် အနေအထားရှိနေဟုဆို
