ရုရှားဘက်မှ အေးတိအေးစက် ထုတ်ပြန်ချက်များကို ထုတ်ပြန်နေသည့်တိုင် သံတ မန်နည်းဖြင့် ဖြေရှင်းရန်မျှော်လင့်ချက်ရှိနေသည်ဟု အမေရိကန်က ထုတ်ဖော်ပြောကြားသည့် အနေအထားတွင် ရုရှားအနေဖြင့် ယူကရိန်းကို ကျူးကျော်မည်ဆိုပါက အရေးပါသော ဓာတ်ငွေ့ပိုက်လိုင်းကို ဆုံးရှုံးမည့် အန္တ ရာယ်ရှိနေသည်ဟု ဇန်နဝါရီ ၂၇ ရက်တွင် အမေရိကန်နှင့်ဂျာမနီတို့က သတိပေးခဲ့ကြသည်။
အမေရိကန်နှင့် မဟာမိတ်နိုင်ငံများက ရုရှားဘက်မှ ထုတ်ပြန်ခဲ့သော လုံခြုံရေး တောင်းဆိုချက်များကို တရားဝင်တုံ့ပြန်ခဲ့ကြ ပြီးနောက် တစ်ရက်အကြာတွင် မော်စကို ထိပ်တန်းတာဝန်ရှိသူများက မိမိတို့အဓိက စိုးရိမ်ရသည့်ကိစ္စများကို ဖြေရှင်းခြင်းမပြုခဲ့သော်လည်း မိမိတို့အနေဖြင့် ဆွေးနွေးပွဲအသစ်များအား အထူးသဖြင့် ထည့်မတွက်ဘဲ ထားသည့်အနေအထားမျိုးမဟုတ်ဟု ပြောကြားခဲ့ကြသည်။
အနောက်နိုင်ငံများကိုလိုလားသော ယူကရိန်းနှင့် ထိစပ်နေသည့် နယ်စပ်တွင် ရုရှားက စစ်သားတစ်သိန်း စုထားခဲ့ပြီးနောက် ရုရှားအနေဖြင့်ယူကရိန်းကို ကျူးကျော်ခဲ့မည်ဆိုပါက မြန်ဆန် ဆိုးရွားသော အကျိုးဆက် များကိုကြုံတွေ့ရမည်ဟု အမေရိကန်က ရုရှား ကိုသတိပေးခဲ့သည်။
ဥရောပနိုင်ငံအချင်းချင်း သဘောထား ကွဲလွဲမှုများကို ဆွေးနွေးခဲ့ကြပြီးနောက် ဂျာမ နီနိုင်ငံခြားရေးဝန်ကြီး အန်နယ်လီနာ ဘဲဘော့ က ၎င်း၏အစိုးရအဖွဲ့သည် မဟာမိတ်များနှင့် အတူ ပြင်းထန်သော အရေးယူပိတ်ဆို့မှုများ ချမှတ်ရေးအတွက် ဆောင်ရွက်လျက်ရှိကြောင်း ဂျာမနီလွှတ်တော်ကို ပြောကြားခဲ့ ကာ ထိုအထဲတွင် Nord Stream 2 ဓာတ်ငွေ့ပိုက်လိုင်းလည်း ပါဝင်မည်ဟုဆိုသည်။
အမေရိကန်ပြည်ထောင်စုနှင့် အနောက် ဥရောပနိုင်ငံများက ဝေဖန်ခဲ့ကြသည့်တိုင် ယင်းဝေဖန်မှုများကို အရေးမထားဘဲ တည်ဆောက်ခဲ့သော Nord Stream 2 ဓာတ်ငွေ့ ပိုက်လိုင်းသည် ဥရောပအကြီးဆုံးစီးပွားရေး နိုင်ငံ ဂျာမနီသို့ ရုရှားသဘာဝဓာတ်ငွေ့ပေးပို့မှုများကိုနှစ်ဆကျော်ပို့ဆောင်ပေးမည့် ပိုက်လိုင်းဖြစ်သည်။
ရုရှားက ယူကရိန်းကို ကျူးကျော်မည်ဆိုပါက ဂျာမနီသည် ဒေါ်လာဘီလျံများစွာ ကုန်ကျထားသော Nord Stream 2 ဓာတ်ငွေ့ ပိုက်လိုင်းမှ ဓာတ်ငွေ့များပို့ဆောင်ခြင်းကို ရပ်ထားလိမ့်မည်ဟု ယုံကြည်ကြောင်း အမေ ရိကန်ထိပ်တန်းတာဝန်ရှိသူတစ်ဦးက ပြောကြားခဲ့သည်။ သို့ရာတွင် အဆိုပါသဘာဝ ဓာတ်ငွေ့ပိုက်လိုင်းသည် ၂၀၂၂ ခုနှစ် စက်တင်ဘာလတွင် ပြီးစီးမည်ဖြစ်သော်လည်း စမ်းသပ်မှုနှင့် စည်းမျဉ်းစည်းကမ်းဆိုင်ရာ အတည်ပြုမှုတို့ လိုအပ်နေဆဲဖြစ်သည်။
“ရုရှားက ယူကရိန်းကို ကျူးကျော်မယ်ဆိုရင် တစ်နည်းမဟုတ် တစ်နည်း Nord Stream 2 ဓာတ်ငွေ့ပိုက်လိုင်းကို ရှေ့ဆက် ဆောင်ရွက်တော့မှာမဟုတ်ပါဘူး”ဟု အမေ ရိကန် နိုင်ငံခြားရေးဝန်ကြီးဌာန၏ ပြည်သူ့ရေး ရာဒုတိယဝန်ကြီး ဝီတိုရိယနူလန်က သတင်းထောက်များကို ပြောကြားခဲ့သည်။
“ဂျာမနီကနေ ထွက်ပေါ်လာတဲ့ ထုတ်ပြန်ချက်တွေဟာ ဒီနေ့အထိတောင် အလွန့်အလွန် အားကောင်းနေတယ်လို့ ကျွန်မထင်ပါတယ်”ဟု နူလန်က သတင်းထောက်များကို ပြောကြားခဲ့သည်။
ဂျာမနီဝန်ကြီးချုပ်သစ် အိုလော့ဖ်ရှောဇ်သည် ဖေဖော်ဝါရီ ၇ ရက်တွင် အမေရိကန်ကို အလည်လာမည်ဟု အိမ်ဖြူတော်က ကြေညာခဲ့သည်။
-
ရုရှားက မြောက်ကိုရီးယားကို လေယာဉ်ပစ်ဒုံးကျည်များ ပေးပို့ခဲ့ကြောင်း တောင်ကိုရီးယား ထိပ်သီးအရာရှိ ပြောကြား
-
အာမိုရင်မ်လက်ထက်မှာ ဘာတွေ မြင်ရမလဲ
-
ပရီးမီးယားလိဂ်ဒိုင်လူကြီး ဒေးဗစ်ကူတီ၏ပြဿနာကို စစ်ဆေးနေဆဲဖြစ်ပြီး စည်းကမ်းထိန်းသိမ်းရေးလုပ်ငန်းစဉ်ကာလအတွင်း ပွဲပယ်ခံထားရမည်
-
■ ပြင်သစ်လီဂူးပွဲစဉ် (၁၂) ပွဲကြိုသုံးသပ်ချက်
-
■ အင်အားပြင်း စကူဒက်တိုတိုက်ပွဲ
