ကုန်သည်စက်မှုအသင်းချုပ် (UMFCCI) ၏ ၂၀၁၉-၂၀၂၂ ခုနှစ်သက်တမ်းအတွက် အမှုဆောင်အသစ် ရွေးချယ်တင်မြှောက်ပွဲအခမ်းအနားကို ဒီဇင်ဘာ ၇ ရက် ရန်ကုန်မြို့ရှိ ကုန်သည်စက်မှုအသင်းချုပ်ရုံး၌ ကျင်းပခဲ့သည်။
အဆိုပါရွေးကောက်ပွဲအခမ်းအနားတွင် “ကျွန်တော်တို့အနေနဲ့ အခုကျင်းပနေ တဲ့ ရွေးချယ်ပွဲပြီးတဲ့အခါမှာတော့ ထွက်ပေါ် လာတဲ့ အမှုဆောင်၊ အလုပ်အမှုဆောင်တို့ သည် တကယ်ကိုပဲ အရင်တုန်းကဖြတ်သန်း ခဲ့ရတဲ့ အလုပ်အမှုဆောင်အဖွဲ့တွေထက် ပို ပြီးတော့ စိန်ခေါ်မှုအများကြီးကို ရင်ဆိုင် ကျော်လွှားနိုင်ဖို့ ကြိုးစားရမှာဖြစ်ပါတယ်။ ကျွန်တော့်အနေနဲ့ကတော့ ကျွန်တော်တို့ အားလုံးဖြစ်စေချင်နေတဲ့ စီးပွားရေးဖွံ့ဖြိုးတိုး တက်မှုဆိုတာ တစ်ဦးတစ်ယောက်ထဲ ပုဂ္ဂလိ ကတစ်ခုတည်း မရပါဘူး။ နိုင်ငံတော်အပိုင်း တစ်ခုထဲနဲ့လည်းမရပါဘူး။ နိုင်ငံတော်နဲ့ ပုဂ္ဂလိကနဲ့ တွေ့ဆုံဆွေးနွေးညှိနှိုင်းမှုတွေနဲ့ပဲ စီး ပွားရေးတိုးတက်အောင် ဆောင်ရွက်နိုင်မှာ ဖြစ်ပါတယ်။ ဒါကြောင့် ကျွန်တော်တို့ ပုဂ္ဂလိ ကအနေနဲ့ကလည်း ဒီလိုအဖွဲ့အစည်းတွေရဲ့ စွမ်းအင်တွေ၊ စွမ်းအားတွေ ပိုမိုတိုးတက် အောင် ဆောင်ရွက်ရမှာ ဖြစ်ပါတယ်လို့ ကျွန် တော်တင်ပြချင်ပါတယ်” ဟု ကုန်သည်စက်မှုအသင်းချုပ် ( UMFCCI) ၏ အထွေထွေအတွင်းရေးမှူးချုပ် ဦးအောင်ကြည်စိုးက ပြောကြားသည်။
ကုန်သည်စက်မှုအသင်းချုပ်၏ အမှု ဆောင်ရွေးချယ်ပွဲကို သုံးနှစ်တစ်ကြိမ်ကျင်း ခြင်းဖြစ်ပြီး ရွေးချယ်ခံရသော အမှုဆောင်၊ အလုပ်အမှုဆောင်များအနေဖြင့် သုံးနှစ် တာဝန်ထမ်းဆောင်ရမည်ဖြစ်သည်။
အမှုဆောင်၊ အလုပ်အမှုဆောင်များသည် အများဆုံး သုံးနှစ်သက်တမ်း နှစ်ကြိမ်အထိသာ တာဝန်ထမ်းဆောင်နိုင်မည်ဖြစ်ကြောင်း သိရသည်။
၂၀၁၉-၂၀၂၂ ခုနှစ်သက်တမ်းအတွက် အမှုဆောင်အသစ် ရွေးချယ်တင်မြှောက် ခြင်းအတွက် မဲပေးမှုစနစ်ကို ကုန်သည်စက်မှုအသင်းချုပ်တွင် ၂၀၁၉ ခုနှစ် အောက်တိုဘာ ၃၁ ရက်မတိုင်မီ အသင်းဝင်ထားသော၊ ရွေးချယ်တင်မြှောက်ပွဲကို Online Register ပြုလုပ်ထားသော တစ်သီးပုဂ္ဂလအသင်း သားများနှင့် ကုမ္ပဏီအသင်းသားများ အဆင်ပြေစွာမဲပေးနိုင်ရေးအတွက် Opa Vote Secure Online Voting Platform ကို အသုံးပြု၍ လျှို့ဝှက်ဆန္ဒမဲပေးရွေးချယ်ခဲ့ခြင်းဖြစ်သည်။
အဆိုပါ Opa Vote Secure Online Voting Platform ကို ၂၀၀၂ ခုနှစ်က အမေရိကန်ကုမ္ပများတွင် စတင်အသုံးပြုခဲ့ပြီး နိုင်ငံရေးနယ်ပယ်အချို့တွင်လည်း အသုံးပြုလျှက်ရှိကြောင်း သိရသည်။
-
ရုရှားက မြောက်ကိုရီးယားကို လေယာဉ်ပစ်ဒုံးကျည်များ ပေးပို့ခဲ့ကြောင်း တောင်ကိုရီးယား ထိပ်သီးအရာရှိ ပြောကြား
-
အာမိုရင်မ်လက်ထက်မှာ ဘာတွေ မြင်ရမလဲ
-
ပရီးမီးယားလိဂ်ဒိုင်လူကြီး ဒေးဗစ်ကူတီ၏ပြဿနာကို စစ်ဆေးနေဆဲဖြစ်ပြီး စည်းကမ်းထိန်းသိမ်းရေးလုပ်ငန်းစဉ်ကာလအတွင်း ပွဲပယ်ခံထားရမည်
-
■ ပြင်သစ်လီဂူးပွဲစဉ် (၁၂) ပွဲကြိုသုံးသပ်ချက်
-
■ အင်အားပြင်း စကူဒက်တိုတိုက်ပွဲ
