အောင်လံမြို့နယ်တွင် နှစ်ပေါင်း ၁၀၀ ကျော်သက်တမ်းရှိ ကုန်းဘောင်ခေတ်လက်ရာ ဘုန်းတော်ကြီးကျောင်းအား ဒေသခံများ ရှေးမူမပျက် ပြန်လည်ပြုပြင်မှုများ လုပ်ဆောင်လျက်ရှိကြောင်း သတင်းရရှိသည်။
မကွေးတိုင်းဒေသကြီး အောင်လံမြို့နယ် လက်ပန်လှကျေးရွာ လက်ပန်လှပြကြီး ဘုန်းတော်ကြီးကျောင်းဝန်း အတွင်းရှိ သီပေါမင်း လက်ထက်က ဆောက်လုပ်ခဲ့သော ဘုန်းတော်ကြီးကျောင်းဆောင် နှစ်ဆောင်အား ရှေးဟောင်းသုတေသနဌာန၏ ခွင့်ပြုချက်ဖြင့် ဒေသခံများ စုပေါင်းကာ ရှေးမူမပျက် ပြန်လည်ပြုပြင်မွန်းမံမှုများ ဆောင်ရွက်လျက်ရှိကြောင်း သတင်းရရှိသည်။
“ဒီကျောင်းရဲ့ ပထမဆုံးသော ကျောင်းထိုင်ဆရာတော်ကြီးက သီပေါမင်းနဲ့ ရှင်ပြုဘက်လို့ သိရပါတယ်။ ဒီကျောင်းဆောက်ဖို့ လက်သမားသွားတောင်းတော့ သီပေါမင်းက လက်သမားတွေစေလွှတ်ပြီး ဆောက်ခိုင်းတာပေါ့။ သက်တမ်းကို တွက်ကြည့်တော့ ၁၀၀ ကျော်သွားပြီပေါ့။ ၁၀၀ ကျော်သွားတော့ အပေါ်က ပန်းတောင်တို့၊ ပန်းဆွဲတို့က ဆွေးမြည့်နေပြီ။ ဒါကြောင့် ရပ်ရွာကလူတွေ အလှူငွေစုပြီးတော့ ပြုပြင်ဖို့လုပ်တယ်။ ပြုပြင်ခွင့်ကိုလည်း ရှေးဟောင်းသုသေတန ဌာနထံက ခွင့်ပြုချက် တောင်းခဲ့ပါတယ်။ သူတို့ကလည်း ခွင့်ပြုပါတယ်။ ရှေးမူမပျက်အောင်တော့ ဘာတွေလုပ်ရမယ် ဘာတွေမလုပ်ရဘူးဆိုတဲ့ စည်းကမ်းတွေတော့ ရှိတာပေါ့။ သူတို့ပြောတဲ့ စည်းကမ်းချက်တွေအတိုင်း ပြုပြင်နေပါတယ်” ဟု အဆိုပါ ဘုန်းတော်ကြီးကျောင်းမှ ကျောင်းထိုင်ဆရာတော် ဦးကုမာရက မိန့်ကြားသည်။
ယင်းဘုန်းတော်ကြီး ကျောင်းဆောင်များအား ကျွန်းသားများဖြင့် အဓိကထား တည်ဆောက်ထားပြီး ကျောင်းဆောင်များ၏ မျက်နှာကြက်များတွင် လှပသေသပ်သည့် ကနုတ်ပန်းများ ဖော်ထားကာ ကျောင်းဆောင်အတွင်းတွင်လည်း ရှေးပေစာ ပုရပိုက်စာများ အပါအဝင် ရှေးဟောင်းဆင်းတုတော်များလည်း တည်ရှိနေသေးကြောင်း သိရသည်။
-
အမေရိကန်တွင် COVID-19 ကူးစက်မှုနှုန်း မြင့်တက်နေချိန် ကာကွယ်ဆေးများသည် အဓိကနေရာမှ ရပ်တည်နေဟု ကျန်းမာရေးတာဝန်ရှိသူများ ပြောကြား
-
COVID-19 ကပ်ရောဂါသည် ပြီးဆုံးရန် အလှမ်းကွာဝေးနေသေးဟု WHO သတိပေး
-
အီရန်၏ တိုက်ပွဲဝင်ဒရုန်းများကို ရယူလိုသည့် ရုရှား၏ အစီအစဉ်သည် ယူကရိန်းစစ်ပွဲတွင် ရုရှား၏ဆုံးရှုံးမှုများကို ပြသရာရောက်နေသည်ဟု အမေရိကန် ပြောကြား
-
ပြည်ပနိုင်ငံများတွင် အာဏာသိမ်းမှုများကို အစီအစဉ်အရ ကူညီပေးခဲ့ကြောင်း အမေရိကန်အမျိုးသားလုံခြုံရေး အကြံပေးပုဂ္ဂိုလ်ဟောင်းက ဝန်ခံ
-
အစိုးရအဆောက်အအုံများအား စီးနင်းသိမ်းပိုက်ထားမှုကို အဆုံးသတ်တော့မည်ဖြစ်ကြောင်း သီရိလင်္ကာ ဆန္ဒပြသူများ ပြောကြား
