အသက် ၄၁ နှစ်ရှိပြီဖြစ်သည့် ဗီယာဖာရာသည် ကိုလံဘီယာမှ အမေရိကန်သို့ ကိုကင်းများတင်ပို့ ရောင်းချမှုအတွက် သံသယရှိသဖြင့် အစိုးရရှေ့နေများက သုံးနှစ်ကြာ စုံစမ်းစစ်ဆေးမှုပြုလုပ်ခဲ့ကြပြီး ပြီးခဲ့သည့် ၂၀၁၉ ခုနှစ် မတ် ၁၉ ရက်တွင် ကိုလံဘီယာအနောက်တောင်ပိုင်းရှိ ကာလီမြို့၌ ဖမ်းဆီးခံခဲ့ရသည်။ ၎င်းအား အချုပ်ဖြင့် ၁၀ လကြာထိန်းသိမ်း စစ်ဆေးပြီးနောက် ဇန်နဝါရီ ၂၃ ရက်တွင် တက္ကဆက်ပြည်နယ်သို့ လွှဲပြောင်းပေးခဲ့ခြင်းဖြစ်သည်။
ကိုလံဘီယာလက်ရွေးစင် နောက်ခံလူဟောင်း ဗီယာဖာရာသည် ပေါင် ၂၁ သန်းတန်ဖိုးရှိ ကိုကင်းများ တင်ပို့ရောင်းချမှုအတွက် စစ်ဆေးရန် ကိုလံဘီယာမှ အမေရိကန်နိုင်ငံသို့ တရားခံလွှဲပြောင်းမှု ပြုလုပ်ခံခဲ့ရကြောင်း သိရသည်။
အသက် ၄၁ နှစ်ရှိပြီဖြစ်သည့် ဗီယာဖာရာသည် ကိုလံဘီယာမှ အမေရိကန်သို့ ကိုကင်းများတင်ပို့ ရောင်းချမှုအတွက် သံသယရှိသဖြင့် အစိုးရရှေ့နေများက သုံးနှစ်ကြာ စုံစမ်းစစ်ဆေးမှုပြုလုပ်ခဲ့ကြပြီး ပြီးခဲ့သည့် ၂၀၁၉ ခုနှစ် မတ် ၁၉ ရက်တွင် ကိုလံဘီယာအနောက်တောင်ပိုင်းရှိ ကာလီမြို့၌ ဖမ်းဆီးခံခဲ့ရသည်။ ၎င်းအား အချုပ်ဖြင့် ၁၀ လကြာထိန်းသိမ်း စစ်ဆေးပြီးနောက် ဇန်နဝါရီ ၂၃ ရက်တွင် တက္ကဆက်ပြည်နယ်သို့ လွှဲပြောင်းပေးခဲ့ခြင်းဖြစ်သည်။
ဘိုဂိုတာလေဆိပ်တွင် လက်ဗွေနှိပ်နေသည့် ဗီယာဖာရာ၏ဓာတ်ပုံကို ရဲတပ်ဖွဲ့က ထုတ်ပြန်ခဲ့ပြီး ရဲအစောင့်အရှောက်များနှင့်အတူ သီးသန့်လေယာဉ်ငယ်ဖြင့် သွားရောက်ခဲ့ခြင်းဖြစ်သည်။ တက္ကဆက်ပြည်နယ် အစိုးရ ရှေ့နေများ၏ ပြောကြားချက်အရ ဗီယာဖာရာသည် မက္ကဆီကိုအခြေစိုက် Gulf Cartel အမည်ရှိ မူးယစ်ဆေးမှောင်ခိုဂိုဏ်းနှင့်ပူးပေါင်း၍ ကိုကင်းများကို စပိဘုတ်တွင်တင်ကာ အမေရိကန်သို့ပို့ဆောင်ခဲ့ခြင်း ဖြစ်ကြောင်း သိရသည်။
ဗီယာဖာရာသည် ၂၀၀၃ ခုနှစ် တွင် ကိုလံဘီယာလက်ရွေးစင်အဖြစ် စတင်ရွေးချယ်ခံရပြီး ၂၀၁၀ ပြည့် နှစ်အထိ ၃၄ ပွဲပါဝင်ကစားကာ တစ်ဂိုး (၂၀၀၇ ခုနှစ် မတ်လတွင် ဆွစ်ဇာလန်အသင်းနှင့် ခြေစမ်းပွဲ၌) သွင်း ယူပေးနိုင်ခဲ့သည်။ ၎င်းသည် ကိုလံဘီယာကလပ် ဒီပို့တီဗိုပက်စ်တို အသင်းနှင့် ပရောက်ဖက်ရှင်နယ် ကစားသမားဘဝ စတင်ခဲ့ပြီး ယင်းမှ တစ်ဆင့် အမေရိကဒီကာလီ၊ အင်္ဂလန်ကလပ် ပို့စ်မောက်၊ ဆောက်သမ်တန်၊ စပိန်ကလပ် ဆိုစီဒက်၊ ကယ်လ်ဒက်စ်၊ လာအီကွစ်ဒက်၊ အက်သလက်တီကိုဂျူနီယာ၊ ဒီပို့တီဗိုပါရဲရား၊ မက်ဒယ်လန်းနှင့် အဂီလက်စ်အသင်းများသို့ ပြောင်းရွှေ့ ကစားခဲ့သူဖြစ်သည်။
ကိုလံဘီယာရှိ ကိုကင်းတင်ပို့ရောင်းချမှု လုပ်ငန်းမှာ တချို့သော ဘောလုံးသမားများအား ဆွဲဆောင်နိုင်ခဲ့ကြပြီး ပြီးခဲ့သည့်နှစ် ဖေဖော်ဝါရီတွင်လည်း ကိုလံဘီယာလက်ရွေးစင်နောက်ခံလူဟောင်း အော်ဆိုရီယိုသည် မူးယစ်ဆေးဖြန့်ဖြူးရောင်းချမှုဖြင့် အရေးယူခံခဲ့ရကြောင်း သိရသည်။
-
ရုရှားက မြောက်ကိုရီးယားကို လေယာဉ်ပစ်ဒုံးကျည်များ ပေးပို့ခဲ့ကြောင်း တောင်ကိုရီးယား ထိပ်သီးအရာရှိ ပြောကြား
-
အာမိုရင်မ်လက်ထက်မှာ ဘာတွေ မြင်ရမလဲ
-
ပရီးမီးယားလိဂ်ဒိုင်လူကြီး ဒေးဗစ်ကူတီ၏ပြဿနာကို စစ်ဆေးနေဆဲဖြစ်ပြီး စည်းကမ်းထိန်းသိမ်းရေးလုပ်ငန်းစဉ်ကာလအတွင်း ပွဲပယ်ခံထားရမည်
-
■ ပြင်သစ်လီဂူးပွဲစဉ် (၁၂) ပွဲကြိုသုံးသပ်ချက်
-
■ အင်အားပြင်း စကူဒက်တိုတိုက်ပွဲ
