၂၀၂၄-၂၀၂၅ ရာသီ ကွန်းဖရန့်လိဂ်ပြိုင် ပွဲ လိဂ်ပွဲစဉ်များပြီးဆုံးသွားပြီဖြစ်ပြီး ရာနှုန်းပြည့်အနိုင်ရသည့် ချယ်လ်ဆီးအသင်းနှင့်အတူ ဂီမာရေ့စ်၊ ဖီအိုရင်တီးနား၊ ရက်ပစ်ဝီအန်၊ ယာဂါးဒန်း၊ လူဂါနို၊ လီဂီယာဝါဆော၊ ဆာကယ်ဘရုဂေးအသင်းတို့ ၁၆ သင်းအဆင့် သို့ တိုက်ရိုက်တက်ရောက်ခွင့်ရခဲ့ကြောင်း သိရသည်။
ကွန်းဖရန့်လိဂ် ပွဲစဉ် (၆) ကို ဒီဇင်ဘာ ၁၉ ရက်တွင် ယှဉ်ပြိုင်ကစားခဲ့ပြီး ပွဲစဉ်အားလုံးပြီးဆုံးသွားပြီးနောက် ၁၆ သင်းအဆင့်သို့ တိုက်ရိုက်တက်ရောက်ခွင့်ရသည့်ရှစ်သင်း၊ Play-offs ကစားရမည့် ၁၆ သင်းနှင့် ပြိုင်ပွဲမှ ထွက်ရသည့် ၁၂ သင်း အဖြေထွက်ပေါ်ခဲ့ သည်။
ပွဲစဉ်အားလုံးအပြီးတွင် ချယ်လ်ဆီးအသင်းက ရာနှုန်းပြည့်အနိုင်ရလဒ်ဖြင့် ၁၈ မှတ်ရရှိကာ ထိပ်ဆုံးနေရာ ရပ်တည်နိုင်ခဲ့ပြီး ဂီမာရေ့စ်အသင်းက ၁၄ မှတ်ဖြင့် ဒုတိယ၊ ဖီအိုရင်တီးနား၊ ရက်ပစ်ဝီအန်၊ ယာဂါးဒန်းနှင့် လူဂါနိုအသင်းတို့က ၁၃ မှတ်စီ၊ လီဂီယာဝါ ဆောအသင်းက ၁၂ မှတ်၊ ဆာကယ်ဘရုဂေး အသင်းက ၁၁ မှတ်ဖြင့် အဆင့် ၂ မှ ၈ အထိ ရပ်တည်နိုင်ခဲ့သည်။
ယာဂယ်လိုနီယာ၊ ရှမ်ရော့ခ်ရိုဗာနှင့် APOEL အသင်းတို့မှာ ဆာကယ်ဘရုဂေး အသင်းနှင့်အတူ ၁၁ မှတ်စီရရှိသော်လည်း ဂိုးကွာခြားချက်အရ အဆင့် ၉၊ ၁၀၊ ၁၁ နေရာ သာ ရပ်တည်နိုင်ခဲ့ပြီး ပါဖိုးစ်၊ ပါနာသီနေ ကော့စ်၊ အိုလင်ပီယာ၊ ဘက်တစ်နှင့် ဟိုင်းဟိုင် အသင်းတို့က ၁၀ မှတ်စီဖြင့် အဆင့် ၁၆ အထိ လည်းကောင်း၊ KAAဂျန့်အသင်းက ကိုးမှတ်၊ ကိုပင်ဟေဂင်၊ ဗိုက်ကင်ဂါနှင့် ဘိုရက်အသင်း တို့က ရှစ်မှတ်စီ၊ ဆယ်ရယ်၊ အိုမိုနီးယား၊ မိုလ် ဒီနှင့် TSC အသင်းတို့က ခုနစ်မှတ်စီဖြင့် အဆင့် ၂၄ အထိလည်းကောင်း ရပ်တည်ခဲ့သည်။
အဆင့် ၂၅ မှ ၃၆ အထိ ရပ်တည်ခဲ့သည့် ဟတ်စ်၊ ဘာရှက်ဆီဟီ၊ မီလာဒါ၊ အက်စ်တာ နာ၊ စိန့်ဂယ်လန်၊ HJK၊ နိုအာ၊ နယူးစိန့်စ်၊ ဒီနာမိုမင့်ခ်၊ လာနယ်၊ LASK၊ ပယ်သရိုကူ အသင်းတို့မှာမူ ပြိုင်ပွဲမှထွက်ခဲ့ရသည်။
ဇယားထိပ်ဆုံးရှစ်သင်း ရပ်တည်မှု
အသင်း ပွဲ နိုင် သရေ ရှုံး ရမှတ်
ချယ်လ်ဆီး ၆ ၆ ၀ ၀ ၁၈
ဂီမာရေ့စ် ၆ ၄ ၂ ၀ ၁၄
ဖီအိုရင်တီးနား ၆ ၄ ၁ ၁ ၁၃
ရက်ပစ်ဝီအန် ၆ ၄ ၁ ၁ ၁၃
ယာဂါးဒန်း ၆ ၄ ၁ ၁ ၁၃
လူဂါနို ၆ ၄ ၁ ၁ ၁၃
လီဂီယာဝါဆော ၆ ၄ ၀ ၂ ၁၂
ဆာကယ်ဘရုဂေး ၆ ၃ ၂ ၁ ၁၁
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
