ဗြိတိန်လက်ဝှေ့သမား တိုင်ဆန်ဖျူရီနှင့် ယူကရိန်းလက်ဝှေ့သမား အိုလက်ဇန္ဒား အူဆိုက်တို့ထိုးသတ်မည့် ဟဲဗီးဝိတ်တန်းချန်ပီယံစိန်ခေါ်ပွဲ မကျေပွဲအတွက် နောက်ဆုံးသတင်းစာရှင်းလင်းပွဲတွင် ၁၀ မိနစ်ကျော်ကြာသည်အထိ တစ်ဦးနှင့်တစ်ဦး စကား မပြောဘဲ အပြန်အလှန်စိုက်ကြည့်နေခဲ့ကြကြောင်း သိရသည်။
WBC ချန်ပီယံဟောင်း ဖျူရီနှင့် WBA(Super)၊ WBO၊ WBC ချန်ပီယံ အူဆိုက်တို့၏ မကျေပွဲအတွက် နောက်ဆုံးသတင်းစာရှင်းလင်းပွဲကို ဒီဇင်ဘာ ၁၉ ရက်က ဆော်ဒီ နိုင်ငံ၌ ပြုလုပ်ခဲ့သည်။ သတင်းစာရှင်းလင်းပွဲအပြီးတွင် ကစားသမားနှစ်ဦး မျက်နှာချင်းဆိုင်တွေ့ဆုံမှုပြုလုပ်စဉ် ၁၀ မိနစ်ကျော်ကြာသည်အထိ စကားမပြောဘဲ အပြန်အလှန် စိုက်ကြည့်နေခဲ့ခြင်းဖြစ်သည်။
ထို့ကြောင့် WBC ဥက္ကဋ္ဌ ဆူလေမန်အပါအဝင် ပွဲတာဝန် ရှိသူများက လူစုခွဲရန် ကြိုးပမ်းခဲ့သော်လည်း ၁၁ မိနစ်၊ စက္ကန့် ၂၀ ကြာမှသာ လူစုခွဲနိုင်ခဲ့ရာ လက်ဝှေ့အားကစားသမိုင်းတစ်လျှောက် အချိန်အကြာဆုံး မျက်နှာချင်းဆိုင်တွေ့ဆုံမှုအဖြစ် မှတ်တမ်းဝင်ခဲ့သည်။
ဖျူရီနှင့် အူဆိုက်သည် မေ ၁၈ ရက်က ဆော်ဒီနိုင်ငံ၌ ပထမအကြိမ်ထိုးသတ်ရာ အူဆိုက်က အမှတ်ဖြင့် အနိုင်ရပြီး WBA(Super)၊ WBO၊ WBC၊ IBF ချန်ပီယံခါးပတ် အားလုံးရရှိကာ အငြင်းပွားဖွယ်မရှိ ဟဲဗီးဝိတ် တန်းချန်ပီယံဖြစ်လာခဲ့သည်။ သို့သော် အူ ဆိုက်က မကျေပွဲပြန်လည်ထိုးသတ်နိုင်ရန် အတွက် IBF ချန်ပီယံခါးပတ်ကို ဇွန်လ အတွင်း စွန့်လွှတ်ခဲ့သောကြောင့် ယခုပွဲအနိုင်ရမည့်သူမှာ ခါးပတ်သုံးခုသာ ပိုင်ဆိုင်ခွင့်ရမည်ဖြစ်သည်။
ဖျူရီနှင့် အူဆိုက်တို့၏မကျေပွဲကို ဒီဇင်ဘာ ၂၁ ရက် (မြန်မာစံတော်ချိန် ဒီ ဇင်ဘာ ၂၂ ရက် နံနက် ၅ နာရီခွဲဝန်းကျင်) တွင် ဆော်ဒီနိုင်ငံ၌ ကျင်းပမည်ဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
