ချယ်လ်ဆီးတိုက်စစ်ကစားသမား ဆေးကျခဲ့သည့် တားမြစ်ဆေးမှာ နာမည်ကျော် ရုရှားတင်းနစ်မယ်ဟောင်း ရှာရာပိုဗာ သုံးစွဲခဲ့ပြီး (၂) နှစ်ပွဲပယ်ခံခဲ့ရသည့် Meldonium ဆိုသည့် ဆေးဖြစ်ကြောင်း Daily Mail က ဖော်ပြခဲ့သည်။
ယူကရိန်းတိုက်စစ်ကစားသမား မူဒရစ်(၂၃ နှစ်)ကို ဆေးကျကြောင်း အကြောင်းကြားခဲ့သည့် အင်္ဂလန်ဘောလုံးအဖွဲ့ချုပ် (FA) က ၎င်းသုံးစွဲသည့် တားမြစ်ဆေးကို တရားဝင်ထုတ်ပြန်ခဲ့ခြင်းမရှိပေ။ သို့သော် Daily Mail က ယူကရိန်းမီဒီယာများ၏ဖော်ပြချက်ကို ကိုးကားကာ မူဒရစ်အနေဖြင့် Meldonium ဆိုသည့်ဆေးကို သုံးစွဲခြင်းဖြစ်ကြောင်း ဖော်ထုတ်ခဲ့ခြင်းဖြစ်သည်။
Meldonium ကို ၁၉၇၀ တွင် လတ်ဗီးယားသိပ္ပံပညာရှင် ကယ်လ်ဗင်စ်ဆိုသူက ဖော်စပ်ခဲ့ပြီး ဆိုဗီယက်အထူးစစ်သားများအတွက် ထုတ်လုပ်ခဲ့ခြင်းဖြစ်ကြောင်း သိရှိရသည်။ ယင်းဆေးကို ၂၀၁၆ ဇန်နဝါရီ (၁) ရက်တွင် ကမ္ဘာ့တားမြစ်ဆေးအေဂျင်စီက ကစားသမားများအတွက် တားမြစ်ဆေးဖြစ်ကြောင်း ထုတ်ပြန်ခဲ့သည်။
ရုရှားတင်းနစ်မယ်ဟောင်း ရှာရာပိုဗာသည် Meldonium ကို ၂၀၁၆ ခုနှစ်တွင် သုံးစွဲခဲ့ခြင်းကြောင့် (၂) နှစ်ပွဲပယ်ပြစ်ဒဏ် ချမှတ်ခံခဲ့ရသည်။ Meldonium ကို တီတွင်ခဲ့သည့် ကယ်လ်ဗင်စ်က အဆိုပါဆေးမှာ ကစားသမားများအတွက် အန္တရာယ်ရှိပြီး လုံးဝမသုံးသင့်ဟု သတိပေးခဲ့ကြောင်း သိရှိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
