ချယ်လ်ဆီးတိုက်စစ်ကစားသမား မူဒရစ်က ဆေးကျမှုကြောင့် ဘောလုံးကစားခွင့် ယာယီပိတ်ပင်ခံရပြီးနောက် မိမိအနေဖြင့် အမှားလုပ်ထားခြင်းမရှိကြောင်း ထုတ်ပြန်ခဲ့သည်။
အင်္ဂလန်ဘောလုံးအဖွဲ့ချုပ် (FA) က ယူကရိန်းလက်ရွေးစင်တောင်ပံကစားသမား မူဒရစ်အား ဆေးစစ်ရာတွင် ဆီးအတွင်း၌ တားမြစ်ဆေးသုံးစွဲထားသည်ကို တွေ့ရှိခဲ့ရသည်ဟု ၎င်းတို့ကို အကြောင်းကြားခဲ့ကြောင်း ချယ်လ်ဆီးအသင်းက ဒီဇင်ဘာ (၁၇)ရက်(အင်္ဂါနေ့)တွင် ထုတ်ပြန်ခဲ့သည်။ FA ၏စည်းကမ်းအရ ကစားသမားတစ်ဦးအနေဖြင့် တားမြစ်ဆေးစစ်ဆေးမှုတွင် Positive ပြပါက ဘောလုံးကစားခွင့် ယာယီပိတ်ပင်ခံရမည်ဟု ဖော်ပြထားရာ မူဒရစ်အနေဖြင့် ဘောလုံးကစားခွင့်ရရှိဦးမည်မဟုတ်ပေ။
ချယ်လ်ဆီးအသင်းက မူဒရစ် ဆေးကျမှုနှင့်ပတ်သက်ပြီး စုံစမ်းစစ်ဆေးသွားမည်ဟု ထုတ်ပြန်ခဲ့ပြီး မူဒရစ်ကမူ မိမိအနေဖြင့် တားမြစ်ဆေးသုံးစွဲကြောင်း သိရှိခြင်းမရှိသလို၊ FA မှ ချမှတ်ထားသည့် စည်းမျဉ်း စည်းကမ်းများကို ဖောက်ဖျက်ခြင်းမရှိကြောင်း ထုတ်ပြန်ခဲ့သည်။
မူဒရစ်က "FA က ကျွန်တော့်ကို တားမြစ်ထားတဲ့ဆေး သုံးစွဲတယ်ဆိုပြီး အကြောင်းကြားခဲ့တာကို ကျွန်တော် အတည်ပြုနိုင်ပါတယ်။ အဲဒီအရာက ကျွန်တော့်ကို လုံးဝအံ့သြတုန်လှုပ်စေခဲ့တာပါ။ ကျွန်တော့်အနေနဲ့ ဘယ်တုန်းကမှ တားမြစ်ဆေးသုံးစွဲကြောင်း သိရှိခဲ့ခြင်းမရှိသလို၊ စည်းမျဉ်းတွေကိုလည်း ဖောက်ဖျက်ခဲ့ခြင်းရှိပါဘူး။ ဘာကြောင့် ဒီလိုဖြစ်တယ်ဆိုတာကို အသင်းနဲ့အတူ ကျွန်တော့်အနေနဲ့ ရှာဖွေသွားမှာပါ။ ကျွန်တော့်အနေနဲ့ ဘာအမှားမှ မလုပ်ထားဘူးဆိုတာကို ကျွန်တော် သိပါတယ်။ မကြာခင် ဘောလုံးပြန်ကစားနိုင်ဖို့ မျှော်လင့်ပါတယ်"ဟု ၎င်း၏ Inatagram တွင် ရေးသားခဲ့သည်။
မူဒရစ် ဆေးကျခြင်းနှင့်ပတ်သက်ပြီး ၎င်းသုံးစွဲသည့် တားမြစ်ဆေးကို FA က ထုတ်ပြန်ခဲ့ခြင်းမရှိပေ။ မူဒရစ်(၂၃ နှစ်)သည် ၂၀၂၃ က ရှက်တာဒိုးနက်မှာ ချယ်လ်ဆီးသို့ ပေါင် (၈၉)သန်းဖြင့် ပြောင်းရွှေ့လာခဲ့သည်။ ၎င်းသည် ချယ်လ်ဆီးအတွက် နိုဝင်ဘာ (၂၈) ရက်က နောက်ဆုံးကစားခဲ့ပြီး နောက်ဆုံး(၅)ပွဲဆက် လွဲချော်ထားသည်။ တားမြစ်ဆေးသုံးစွဲသည့် ကစားသမားအနေဖြင့် FIFA စည်းမျဉ်းအရ (၄)နှစ်ထိ ပွဲပယ်ခံရနိုင်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
