ကရင်ပြည်နယ် မြဝတီမြို့မှ သောင်ရင်းမြစ်ကို ဖြတ်ကျော်ပြီး ထိုင်းနိုင်ငံဘက်သို့ တရားမဝင်သော နည်းလမ်းဖြင့် ခိုးဝင်လာသူ မြန်မာနိုင်ငံသား အလုပ်သမား ၁၃ ဦး ထိုင်းနိုင်ငံဘက်တွင် ဇူလိုင် ၂၇ ရက်က ဖမ်းဆီးခံခဲ့ရကြောင်း သိရသည်။
COVID-19 အရေးပေါ်ကာလအတွင်း မြန်မာနိုင်ငံသို့ ပြန်လာကြသူများသည် ပြည်တွင်တွင် အလုပ်အကိုင် နည်းပါးခြင်းကြောင့် ထိုင်းနိုင်ငံဘက်သို့ နည်းမျိုးစုံဖြင့် ဝင်ရောက်ရန် ကြိုးပမ်းလျက်ရှိသော်လည်း ထိုင်းနိုင်ငံဘက်သို့ မြန်မာလုပ်သားများ ပြန်လည်ဝင်ရောက်ရန် ထိုင်းနိုင်ငံ၏ သက်ဆိုင်ရာ အာဏာပိုင်များက ခွင့်ပြုခြင်း မရှိသေးကြောင်း သိရသည်။
ထိုင်းနိုင်ငံဘက်သို့ တရားဝင် ဝင်ရောက်ခွင့် မပြုသေးသည့်အတွက် တရားမဝင် ခိုးဝင်သူများမှာလည်း ထိုင်းစစ်တပ်၏ ဖမ်းဆီးခြင်းကိုခံရကာ ထောင်ဒဏ် အပြစ်ပေးခံရကြောင်း သိရသည်။
ဇူလိုင် ၂၇ ရက်က ဖမ်းဆီးခံရသူများမှာ မြဝတီမြို့ သဘာဝဂိတ်မှ တရားမဝင် ခိုးကူးသူများဖြစ်ပြီး မဲဆောက်မြို့နယ် မယ်တော်ကျေးရွာ ရပ်ကွက် (၆) တွင် ထိုင်းခြေလျင်တပ ်အမှတ်(၄)က လုံခြုံရေးကင်းလှည့်နေစဉ် ခိုးဝင်သူများ တွေ့ရှိသဖြင့် ပြည်ဝင်ခွင့်လက်မှတ် စစ်ဆေးရာ အထောက်အထား ပြသနိုင်ခြင်း မရှိ၍ အမျိုးသား ခုနစ်ဦး၊ အမျိုးသမီး ခြောက်ဦးကို ဇူလိုင်၂၇ ရက်တွင် ဖမ်းဆီးခဲ့ခြင်း ဖြစ်ကြောင်း သိရသည်။
၂၀၂၀ ပြည့်နှစ် မတ်၂၁ ရက်မှစပြီး ဇူလိုင် ၂၈ ရက်အထိ လေးလကျော်အတွင်း ထိုင်းပြန် မြန်မာရွှေ့ပြောင်းလုပ်သား ခြောက်သောင်းနီးပါးရှိပြီး ထိုင်းနိုင်ငံသို့ ပြန်လည် ဝင်ရောက်ခွင့် မပြုသေးသည့်အတွက် တရားမဝင် ခိုးဝင်သူများကို တာ့ခ်ရိုင် လဝကအဖွဲ့သို့ အပ်နှံပြီး ဥပဒေအတိုင်း ဆောင်ရွက်သွားမည် ဖြစ်ကြောင်း ထိုင်းနိုင်ငံ မဲဆောက်ဘက်မှလာသော သတင်းများအရ သိရသည်။
မြန်မာ-ထိုင်းနယ်စပ် ဆင်းခွန်နယ်စပ်တွင် ထိုင်းနိုင်ငံအတွင်းသို့ တရားမဝင် သွားရောက်ရန် ကြိုးစားသည့် မြန်မာအလုပ်သမား ၂၂ ဦးကို ဇူလိုင် ၁၁ ရက်က ထိုင်းနိုင်ငံတပ်ဖွဲ့ဝင်များက ဖမ်းဆီးခဲ့ကြောင်းလည်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
