ရန်ကုန်တိုင်းဒေသကြီး လှည်းကူးမြို့နယ်တွင် လင်မယားနှစ်ဦး စကားများရန်ဖြစ်ရာမှ ဇနီးက ခင်ပွန်းကို သံတူးရွင်းဖြင့် ခုတ်သတ်မှု ဖြစ်ပွားခဲ့ကြောင်း ဇူလိုင် ၂၉ ရက်တွင် ရန်ကုန်တိုင်းရဲတပ်ဖွဲ့မှ ရဲအရာရှိတစ်ဦးထံမှ စုံစမ်းသိရှိရသည်။
ဖြစ်စဉ်မှာ ဇူလိုင် ၂၈ ရက် မွန်းလွဲပိုင်းတွင် ရန်ကုန်တိုင်းဒေသကြီး၊ လှည်းကူးမြို့နယ်၊ အင်းတိုင်ကျေးရွာအုပ်စု၊ စက်စုကျေးရွာတွင် လူသတ်မှုဖြစ်ပွားကြောင်း သိရသဖြင့် သက်ဆိုင်ရာမြို့နယ် ရဲတပ်ဖွဲ့ဝင်များ သွားရောက် စစ်ဆေးရာ သေဆုံးသူမှာ ယင်းကျေးရွာနေ ဦးခင်ဇော်မိုး (၅၀ နှစ်) ဆိုသူဖြစ်ကြောင်း သိရပြီး ချိုစောင်းပြတ်ရှ ဒဏ်ရာတစ်ချက်၊ လက်မောင်းပြတ်ရှ ဒဏ်ရာတစ်ချက်၊ ခြေဖမိုးပြတ်ရှ ဒဏ်ရာတစ်ချက်၊ လက်ဖျံပြတ်ရှ ဒဏ်ရာတစ်ချက် ရရှိပြီး နေအိမ်တွင် သေဆုံးနေကြောင်း သိရသည်။
ဆက်လက်စစ်ဆေးရာ ၎င်းသည် ယင်းနေ့နံနက်က ရွာထဲသို့ သွားရောက်ပြီး အရက်မူး၍ ပြန်လာစဉ် ဇနီးဖြစ်သူ ဒေါ်ဖြူဖြူဝင်း (၄၉ နှစ်) နှင့် စကားများရန်ဖြစ်ကာ ဒေါ်ဖြူဖြူဝင်းက နေအိမ်ရှိ သံတူးရွင်းဖြင့် ခုတ်လိုက်သဖြင့် ဒဏ်ရာများ ရရှိကာ သေဆုံးသွားခြင်း ဖြစ်ကြောင်း သိရသည်။
“ရန်ဖြစ်ရတဲ့ အကြောင်းကတော့ ယောကျ်ားက မနက်ပိုင်းမှာ ရွာထဲသွားတယ်။ ပြန်လာတော့ အရက်မူးလာတာပေါ့။ နေအိမ်ရောက်တော့ သူ့မိန်းမနဲ့ စကားများရန်ဖြစ် သတ်ပုတ်ရာကနေ မိန်းမဖြစ်သူက အိမ်မှာရှိတဲ့ သူတို့အရပ်ခေါ်တာ တူးရွင်းပေါ့။ အရိုးအသွားကတော့ ငါးပေလောက်ရှိတယ်။ အသွားကတော့ နှစ်လက်မကျော်လောက်ပဲ ရှိပါတယ်။ လက်ကိုင်တော့ သစ်သားရိုး တပ်ထားတာပေါ့။ လက်ရှိမှာကတော့ မြို့မရဲစခန်းက ဆက်လက် စစ်ဆေးနေပါတယ်” ဟု ရန်ကုန်တိုင်းရဲတပ်ဖွဲ့မှ ရဲအရာရှိတစ်ဦးက ပြောကြားသည်။
အဆိုပါဖြစ်စဉ်မှ ကျူးလွန်သူ အမျိုးသမီးမှာ အခင်းဖြစ်သည့်နေ့ ည ၁၀ နာရီခွဲခန့်တွင် လှည်းကူးမြို့မရဲစခန်းသို့ လာရောက် အဖမ်းခံခဲ့ပြီး လက်ရှိတွင် ၎င်းကို လှည်းကူးမြို့မရဲစခန်းက (ပ) ၁၃၃၀/၂၀၂၀ ရာဇသတ်ကြီးပုဒ်မ ၃၀၂ ဖြင့် အမှုဖွင့်၍ တရားစွဲဆိုတင်ပို့ စီစဉ်ဆောင်ရွက်နေကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
