ကွမ်းခြံကုန်းမြို့နယ် ဆယ်အိမ်တန်းကျေးရွာတွင် ကျပ်ငွေ သိန်းပေါင်း ရှစ်သိန်း (ကျပ် ဘီလျံ ၈၀ ခန့်)တန်ဖိုးရှိ မူးယစ်ဆေးဝါး( ICE ) ဟု ယူဆရသော ပစ္စည်းများနှင့်အတူ အမျိုးသားတစ်ဦးကို ဇူလိုင် ၃၁ ရက် ည ၁၁ နာရီခွဲခန့်က ဖမ်းမိပြီး နှစ်ဦးထွက်ပြေးနေကြောင်း အဆိုပါကျေးရွာအုပ်ချုပ်ရေးမှူးက ပြောကြားသည်။
ကညင်ကုန်းကျေးရွာအုပ်စု၊ ဆယ်အိမ်တန်းကျေးရွာတွင် ယာဉ်အမျိုးအစား NISSAN CARAVAN အမျိုးအစား ယာဉ်နံပါတ် MDY - - - - ယာဉ်ပေါ်မှ မူးယစ်ဆေးဝါးများကို ဖမ်းဆီးရမိခြင်းဖြစ်ပြီး Speed Boat နှင့် ချိတ်ဆက်သယ်ဆောင်ရန်ဖြစ်ပြီး ဖမ်းဆီးရမိသူမှာ Speed Boat ပေါ်မှ ဖြစ်ကြောင်း သိရသည်။
ကညင်ကုန်းကျေးရွာအုပ်စု အုပ်ချုပ်ရေးမှူးဦးကျော်သူရက “ မနေ့ညက ၁၁ နာရီခွဲလောက်မှာ မူးယစ်ဆေးဝါးတွေမိပါတယ်။ ICE အမျိုးအစားလို့ယူဆရပါတယ်လို့ သိရပါတယ်။ ကီလိုတစ်ထောင်လောက်တွေ့တယ်။ မူးယစ်က သတ်မှတ်တာတော့ တစ်ကီလိုကို သိန်း ၈၀၀ လောက်သတ်မှတ်ပါတယ်။ သိန်းပေါင်း ၈ သိန်းလောက်လို့တော့ သိရတယ်။ Speed Boat က ရွာကဟာ မဟုတ်ဘူး။ အဲ့ဒီ Speed Boat ပေါ်က တရားခံတစ်ယောက်ကိုတော့ မိထားတယ်။ နှစ်ယောက်ကတော့ ထွက်ပြေးသွားတယ်။ ကုန်းကြောင်း ထွက်ပြေးသွားတယ်။ လက်ခုပ်ကုန်းနယ်မြေစခန်းနဲ့ ကျွန်တော်တို့ ကင်းလှည့်နေတဲ့အချိန် ကားတစ်စီး နွွံနစ်နေတာတွေ့လို့ မသင်္ကာတာနဲ့သွားကြည့်ရင်း တွေ့မိပြီး နယ်မြေရဲစခန်းက ဖမ်းမိတာပါ ” ဟု ပြောကြားသည်။
နစ်ဆန်းအမျိုးအစား မော်တော်ယာဉ်နှင့် Speed Boat မှာ ကျေးရွာမှ ယာဉ်များမဟုတ်ဘဲ မော်တော်ယာဉ်မှာ ဒလ လမ်းအတိုင်း ရောက်ရှိမောင်းနှင်လာသည်ဟု သိရကြောင်း ကညင်ကုန်းကျေးရွာအုပ်ချုပ်ရေးမှူးက ဆက်လက်ပြောကြားသည်။
ကွမ်းခြံကုန်းမြို့မရဲစခန်းသို့ ဆက်သွယ်မေးမြန်းမှုအရ ယမန်နေ့ညက လက်ခုပ်ကုန်းနယ်မြေရဲစခန်းအပိုင်းတွင် မူးယစ်ဆေးဝါးများ ဖမ်းဆီးရမိသည်ဟု သတင်းရ၍ မြို့နယ်ရဲတပ်ဖွဲ့မှူးနှင့် စခန်းမှူးတို့ သွားရောက် စစ်ဆေးနေသည်ဟု သိရသည်။
ဖမ်းဆီးရမိသည့်သူမှာ အသက် ၂၈ မှ ၃၀ ခန့်အရွယ် အမျိုးသားတစ်ဦးဖြစ်ပြီး လတ်တလောမေးမြန်းချက်အရ ဧရာဝတီတိုင်းဒေသကြီး ပန်းတနော်မြို့နယ် နေသူဖြစ်ကြောင်း သိရသည်။
စစ်ဆေးမှုများအရ တစ်ထုတ်လျှင် တစ်ကီလိုဂရမ် အလေးချိန်ရှိသည့် အထုပ်သေး (၂၀) ပါ ဆန်ထည့်သည့် ပီနံအိတ်ပေါင်း(၅၀) ဖမ်းဆီးရမိခဲ့ပြီး (၁၀၀၀) ကီလိုဂရမ်ခန့်ရှိကြောင်း၊ အဆိုပါ မူးယစ်ဆေးဝါးများနှင့် မော်တော်ယာဉ်နှင့် Speed Boat ကို ဖမ်းဆီးသိမ်းဆည်းရမိခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
