မန်ယူအသင်းတိုက်စစ်မှူး ရပ်ရှ်ဖို့ဒ် သည် မနေ့က လက်စတာအသင်းနှင့် နှစ်ဂိုးစီသရေကျသည့်ပွဲတွင် တစ်ဂိုးသွင်းယူခဲ့ပြီး အသင်းသမိုင်းတစ်လျှောက် ပရီးမီးယားလိဂ်ဂိုး ၅၀ သွင်းယူနိုင်သူများအနက် တတိယအသက်အငယ်ဆုံးအဖြစ် မှတ်တမ်းဝင်ခဲ့ကြောင်း သိရသည်။
ရပ်ရှ်ဖို့ဒ်သည် ပွဲအစမှာပင်ရရှိသည့် အပိုင်ခေါင်းတိုက်ခွင့်ကို အသုံးမချနိုင်သော်လည်း ၂၃ မိနစ်တွင် ဘရူနိုဖာနန်ဒက်စ်၏ ပေးပို့မှုမှတစ်ဆင့် ဦးဆောင်ဂိုးသွင်းယူပေးခဲ့သည်။ အသက် ၂၃ နှစ် ၅၆ ရက်ရှိပြီဖြစ်သည့် ရပ်ရှ်ဖို့ဒ်သည် မန်ယူအသင်းအတွက် ပရီးမီးယားလိဂ်ပွဲစဉ် ၁၅၆ ပွဲကစားပြီးနောက် ဂိုး ၅၀ ပြည့်မြောက်ခဲ့ပြီဖြစ်ပြီး ၀ိန်းရွန်နီ (၂၂ ၁၅၇ ရက်) နှင့် စီရော်နယ်လ်ဒို (၂၂ နှစ် ၃၄၁ ရက်) တို့ပြီးလျှင် ဂိုး ၅၀ ပြည့်သူများအနက် တတိယမြောက် အသက်အငယ်ဆုံးအဖြစ် မှတ်တမ်းဝင်ခဲ့ခြင်းဖြစ်သည်။ ယင်းဂိုးမှာ ရပ်ရှ်ဖို့ဒ်အတွက် ယခုရာသီ ပရီးမီးယားလိဂ်ပြိုင်ပွဲတွင် ခြောက်ဂိုးမြောက်နှင့် ပြိုင်ပွဲစုံတွင် ၁၃ ဂိုးမြောက် သွင်းဂိုးဖြစ်သည်။
မန်ယူအသင်းသည် ၂၃ မိနစ်တွင် ရပ်ရှ်ဖို့ဒ်၊ ၇၉ မိနစ်တွင် ဘရူနိုဖာနန်ဒက်စ်တို့သွင်းယူသည့်ဂိုးများဖြင့် နှစ်ကြိမ်တိုင် ဦးဆောင်ခွင့်ရသော်လည်း ၃၁ မိနစ်တွင် ဟာဗေးဘန်းစ်၊ ၈၅ မိနစ်တွင် တွမ်ဇီဘီ၏ Own Goal ပြန်လည်ခွင့်ပြုရသဖြင့် နှစ်ဂိုးစီသရေကျခဲ့ခြင်း ဖြစ်သည်။
သို့ဖြစ်ရာ မန်ယူအသင်းအနေဖြင့် ပရီးမီးယားလိဂ်ပြိုင်ပွဲ၌ အဝေးကွင်း ၁၁ ပွဲ ဆက်တိုက် နိုင်ပွဲရသည့်စံချိန်ကို အမီလိုက်နိုင်မည့်အခွင့်အရေး လက်လွှတ်ခဲ့ရသည်။ ယင်းပွဲတွင် ကိုယ်တိုင်တစ်ဂိုးသွင်းယူပြီး တစ်ဂိုးဖန်တီးပေးခဲ့သည့် ဘရူနိုဖာနန်ဒက်စ်သည် မန်ယူအသင်း၏ သွင်းဂိုးများတွင် ပါဝင်ပတ်သက်မှု ဂိုး ၃၀ အထိရှိလာပြီး ၁၇ ဂိုးသွင်းယူကာ ဂိုးဖန်တီးမှု ၁၃ ကြိမ်ပြုလုပ်ပေးထားကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
