ချယ်လ်ဆီးအသင်း၏ နည်းပြသစ် ဂရေဟမ်ပေါ်တာက အသင်း၏ အစိတ်အပိုင်းတစ်ရပ်အဖြစ် ကိုင်တွယ်ခွင့်ရလာခြင်းမှာ ကြီးမားသည့်ဆုလာဘ်တစ်ခုဖြစ်သည်ဟု ပထမဆုံးပြု လုပ်သည့် အင်တာဗျူးအစီအစဉ်တွင် ပြောကြားခဲ့သည်။
ချယ်လ်ဆီးအသင်းသည် ဂရေဟမ်ပေါ် တာကို စက်တင်ဘာ(၈)ရက်ကတည်းက နည်းပြအဖြစ် ခန့်အပ်ခဲ့သော်လည်း ဗြိတိန်ဘုရင်မကြီး နတ်ရွာစံခဲ့သည့်အတွက် တနင်္လာနေ့တွင်မှ မိတ်ဆက်ပွဲပြုလုပ်ခဲ့ရသည်။
ထို့နောက် အသင်းဝက်ဘ်ဆိုက်နှင့် ပထမဆုံးအင်တာဗျူး အစီအစဉ်လည်း ပြုလုပ်ခဲ့ရာ ဂရေဟမ်ပေါ်တာက ချယ်လ်ဆီးအသင်းတွင် သမိုင်းအသစ်ကို ဖန်တီးသွားလိုကြောင်းလည်း ပြောကြားခဲ့သည်။
''ကောင်းမွန်တဲ့ ဆက်ဆံရေး၊ အပြန်အလှန်လေးစားမှု၊ ယုံကြည်မှုတွေနဲ့အတူ သမိုင်းအသစ်ကို ဖန်တီးသွားချင်ပါတယ်။ အသင်းက သူ့ သမိုင်းသူ ပြောပြနေပြီးသားပါ။ ဒါပေမဲ့ ကျွန် တော်တို့က ကိုယ်ပိုင်နည်းလမ်းနဲ့ ကိုယ်ပိုင်သမိုင်းကို ဖန်တီးနိုင်အောင် ကြိုးစားသွားမှာပါ''ဟု ဂရေဟမ်ပေါ်တာက ဆိုခဲ့သည်။
ထို့ပြင် ''ဒီအသင်းရဲ့ အစိတ်အပိုင်းတစ်ရပ်ဖြစ်လာတာဟာ ကျွန်တော့်အတွက် မယုံနိုင်ဖွယ်ဖြစ်သလို၊ ကြီးမားတဲ့ ဆုလာဘ်တစ်ခုလည်းဖြစ်ပါတယ်။ အသင်းကို ဘောလုံးပိုင်ဆိုင်မှုအပေါ် အခြေပြုပြီး နည်းစနစ်ပိုင်းမှာ ပြောင်းလွယ်ပြင်လွယ်ရှိတဲ့ တိုက်စစ်အသင်းဖြစ်အောင် တည်ဆောက်ချင်ပါတယ်။ ကစားသမားတွေရဲ့ ယုံကြည်မှုကတော့ အဓိကပါပဲ''ဟု ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
