ပြင်သစ်တိုက်စစ်ကစားသမား ဂရီးဇ်မန်းအား အပြီးသတ်ခေါ်ယူမှုအတွက် ဘာစီလိုနာအသင်းနှင့် အက်သလက်တီကိုအသင်းအကြား ပြောင်းရွှေ့ကြေး ယူရို ၂၅ သန်းဖြင့် သဘောတူညီမှုရရှိရန် နီးစပ်နေပြီဟု ပြင်သစ်သတင်းစာ L'Equipe က ဖော်ပြခဲ့သည်။
အက်သလက်တီကိုအသင်းတွင် နှစ်နှစ် အငှားစာချုပ်ဖြင့် ကစားနေသည့် ဂရီးဇ်မန်း၏စာချုပ်တွင် ယူရိုသန်း ၄၀ ဖြင့် အပြီးသတ် ပြောင်းရွှေ့မှု အတည်ဖြစ်ရန်အတွက် ပွဲချိန် ၄၅ မိနစ်နှင့်အထက် ပွဲအနည်းဆုံး ၅၀ ရာ ခိုင်နှုန်း ကစားရမည်ဟူသောအချက်ကို ထည့်သွင်းထားသည်။
ဂရီးဇ်မန်းသည် ပြီးခဲ့သည့် ရာသီက အက်သလက်တီကိုအသင်းအတွက် ၃၇ ပွဲကစားရာတွင် ၃၁ ပွဲမှာ ပွဲချိန် ၄၅မိနစ် ကျော်ခဲ့ပြီး ၈၁ ရာခိုင်နှုန်းကျော်ရှိခဲ့သည်။ထို့ကြောင့် အက်သလက်တီကိုအသင်းက စာချုပ်အရ ဝယ်ယူရတော့မည့်အခြေအနေ ရောက်လာသောကြောင့် နှစ်ရာသီအတွင်း ပွဲချိန်၄၅ မိနစ်ကို ၅၀ ရာခိုင်နှုန်း မကျော်ရန်အတွက် ယခုရာသီတွင် ဂရီးဇ်မန်းကို အရန် သာထားရှိပြီး လူစားဝင်ကစားသမားဖြစ်သာ အသုံးပြုလျက်ရှိသည်။
ဂရီးဇ်မန်းသည် ပွဲချိန်ပြည့်မကစားရသော်လည်း ဂီတာဖေး၊ ဗလင် စီယာ၊ ပေါ်တိုအသင်းများနှင့်ပွဲများတွင် တစ်ဂိုးစီ သွင်းယူထားပြီး ယခုရာသီ အက်သလက် တီကိုအသင်း၏ပွဲစဉ်ခြောက်ပွဲတွင် မိနစ် ၆၀ ကျော်မှ လူစားဝင်ကစားရခြင်းဖြစ်သည်။ ဘာစီလိုနာအနေဖြင့် အက်သလက်တီကိုအသင်း၏ယင်းအပြုအမူကြောင့် တရားစွဲဆိုရန် စီစဉ်ခဲ့ပြီး ယခုအခါ နှစ်ဦးနှစ်ဖက် ညှိနှိုင်းခဲ့ခြင်းဖြစ်ဖွယ်ရှိသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
