ဧရာဝတီတံတား (ရတနာပုံ) ပေါ်မှ လူတစ်ဦး ခုန်ချမှု သြဂုတ် ၁၁ ရက် မွန်းလွဲပိုင်း ၂ နာရီခွဲ ဝန်းကျင်ခန့်က ဖြစ်ပွားခဲ့ပြီး ရေပြင်ရှာဖွေကယ်ဆယ်မှုများ ပြုလုပ်လျက်ရှိကြောင်း သိရသည်။
အဆိုပါ ဧရာဝတီတံတား (ရတနာပုံ) စစ်ကိုင်းဘက်ခြမ်း တိုင်အမှတ် RP 6 မှ ဧရာဝတီမြစ်အတွင်းသို့ လူတစ်ဦး ခုန်မှုဖြစ်စဉ်ကို စစ်ကိုင်းခရိုင်နှင့် မြို့နယ်မီးသတ်တပ်ဖွဲ့၊ ရေကြောင်းရဲတပ်ဖွဲ့၊ စစ်ကိုင်းအရေးပေါ်ကယ်ဆယ်ရေးအဖွဲ့ (SERT) တို့က ရေပြင်ရှာဖွေ ကယ်ဆယ်မှုများ လိုက်လံ ဆောင်ရွက်လျက်ရှိကြောင်း သိရသည် ။
“၂ နာရီ ၂၅ မိနစ်မှာ လူတစ်ဦး ခုန်ချသွားတဲ့ ဖုန်းသတင်းဝင်လာနဲ့ ကျွန်တော်တို့ မီးသတ်ဌာနက ဖြစ်ပွားတဲ့နေရာမှာ သွားရောက်ရှာဖွေမှုတွေ ဆောင်ရွက်နေပါတယ်။ တံတားအလယ် နှစ်ကုန်းမြောက်ကနေ ခုန်ချသွားတာဖြစ်လို့ ရေစီးနဲ့ မျောပါသွားနိုင်ပြီး ရှာလို့ခက်သွားပြီ” ဟု စစ်ကိုင်းခရိုင် မီးသတ်ဌာန လက်ထောက်ညွှန်ကြားရေးမှူး ဦးကျော်ကျော်နိုင်က ပြောကြားသည်။
အဆိုပါ ခုန်ချသွားသူမှာ စစ်ကိုင်းမြို့ တကောင်းရပ်ကွက် နယ်မြေ ၄ နေ ဦးသိန်းထိုက် (၃၉ နှစ်) ဆိုသူ ဖြစ်ကြောင်းသိရပြီး ၎င်းကို ယင်းသို့ ခုန်မချမီ နံနက်ပိုင်းက တံတားပေါ်တွင် ကခုန်နေသည်ကို တွေ့ရ၍ လှည့်ကင်းရဲတပ်ဖွဲ့က ပြန်လည်စေလွှတ်ခဲ့ရသည်ဟု သိရသည်။
၎င်းမှာ အရက်ကြောင်ကြောင်ပြီး ယင်းကဲ့သို့ တံတားပေါ်မှ ခုန်ချသွားခြင်း ဖြစ်သည် ဟု မီးသတ်ဌာန၏ ကနဦးသတင်းပေးပို့ချက် မှတ်တမ်းအရ သိရသည် ။
လက်ရှိအချိန်တွင် စစ်ကိုင်း (အင်းဝ)တံတားနှင့် ဧရာဝတီတံတား (ရတနာပုံ) တို့ ပေါ်မှ ခုန်ချသည့်ဖြစ်စဉ် မကြာခဏဖြစ်ပေါ် နေမှုအရ စစ်ကိုင်းမြို့နယ်ရဲတပ်ဖွဲ့မှ အဆိုပါ တံတားနှစ်စင်းတွင် လှည့်ကင်း၊ ပတ်ကင်းများ ဖြင့် ချထားဆောင်ရွက်လျက်ရှိပြီး ဇွန်လကုန် ပိုင်းက ခုန်ချရန် ကြံစည်နေသည့် စတုတ္ထနှစ် တက္ကသိုလ်ကျောင်းသားတစ်ဦးကို အချိန်မီ တားဆီးနိုင်ခဲ့ကြောင်း သိရသည် ။
ယခုနှစ်အတွင်း အဆိုပါ စစ်ကိုင်း (အင်းဝ) တံတားပေါ်မှ အမြွှာညီအစ်မနှစ်ဦး ခုန်ချခဲ့သည့် ဖြစ်စဉ်တစ်ခုနှင့် ရတနာပုံ တံတားပေါ်မှ ကျောင်းသားတစ်ဦး ခုန်ချသည့်ဖြစ်စဉ်တစ်ခု ရှိခဲ့ပြီး ပြီးခဲ့သည့် နှစ်အတွင်းကလည်း အဆိုပါ တံတားနှစ်စင်းပေါ်မှ ခုန်ချသည့်ဖြစ်စဉ် ခုနစ်ကြိမ် ရှိခဲ့ကြောင်း သိရသည်။
ယင်းသို့ ခုန်ချသည့် ဖြစ်စဉ်များတွင် အသက်ရှင်လျက် ကယ်ဆယ်နိုင်ခဲ့သည့် ဖြစ်စဉ် တစ်ကြိမ်သာ ရှိခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
