ဘိုင်ယန်မြူးနစ်အသင်း၏ အားကစားဒါရိုက်တာဖြစ်သူ အီဘယ်လ်က မိမိတို့အနေဖြင့် လာမည့်ဇန်နဝါရီအပြောင်းအရွှေ့စျေးကွက်တွင် အသင်းတိုက်စစ်မှူး ဟာရီကိန်းအတွက် အရန်တိုက်စစ်မှူး ခေါ်ယူသွားမည် မဟုတ်ကြောင်း ပြောကြားခဲ့သည်။
အသက် (၃၁) နှစ်အရွယ် အင်္ဂလန်လက်ရွေးစင်တိုက်စစ်မှူး ဟာရီကိန်းသည် နိုဝင်ဘာလက ကစားခဲ့သည့် ဒေါ့မွန်နှင့်ပွဲတွင် ဒဏ်ရာရရှိပြီးကတည်းက အနားယူနေရသည်။
ဟာရီကိန်းသည် ယခုရာသီတွင် ဘိုင်ယန်မြူးနစ်အတွက် ပြိုင်ပွဲစုံ (၁၉) ပွဲတွင် ဂိုး (၂၀) သွင်းယူထားသည်။
ဘိုင်ယန်မြူးနစ်အသင်းသည် ၎င်း မကစားနိုင်သည့် ပြိုင်ပွဲစုံ နောက်ဆုံး (၄) ပွဲတွင် ရုန်းကန်ခဲ့ရပြီး (၂) ပွဲအထိ ရှုံးနိမ့်ခဲ့ကာ တိုက်စစ်ပိုင်းက ဂိုးရရန် ရုန်းကန်ခဲ့ရကြောင်း သိရှိရသည်။
သို့သော် ဘိုင်ယန်မြူးနစ်အားကစားဒါရိုက်တာ အီဘယ်လ်က လာမည့်ဇန်နဝါရီတွင် ဟာရီကိန်းအတွက် အရန်တိုက်စစ်မှူး ခေါ်ယူသွားမည်မဟုတ်ကြောင်း ပြောကြားခဲ့ခြင်း ဖြစ်သည်။
အီဘယ်လ်က ''ကျွန်တော်တို့ အနေနဲ့ လာမယ့်ဇန်နဝါရီမှာ တိုက်စစ်မှူးတစ်ဦးခေါ်ယူသွားမှာမဟုတ်ပါဘူး။ ဘာလို့လဲဆိုတော့ ကျွန်တော်တို့အနေနဲ့ ကျွန်တော်တို့ရဲ့ရည်မှန်းချက်တွေကို ဖြည့်ဆည်းပေးနိုင်တဲ့ လူစာရင်းကို ပိုင်ဆိုင်ထားတယ်လို့ ယုံကြည်ထားတာကြောင့်ပါ။ ဘိုင်ယန်မြူးနစ်အသင်းအနေနဲ့ မလိုအပ်ဘဲ ပိုက်ဆံဖြုန်းမှာ မဟုတ်ပါဘူး။ ကျွန်တော်တို့အနေနဲ့ စီးပွားရေးအတွက် အမြဲတွေးလေ့ရှိပြီး ဒါကြောင့်လည်း ကျွန်တော်တို့ရဲ့ ဘဏ္ဍာရေးက အရမ်းကောင်းမွန်နေတာပါ''ဟု ဆိုခဲ့သည်။
ဟာရီကိန်းသည် ဒဏ်ရာမှပြန်သက်သာလာပြီး လာမည့်အပတ်တွင် ပြန်ကစားနိုင်ဖွယ်ရှိကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
