စစ်ကိုင်းတိုင်းဒေသကြီး မုံရွာခရိုင် မုံရွာမြို့နယ် ရွှေဇလုပ်ရပ်ကွက်ရှိ ဘောလုံးကွင်း မြေယာပြဿနာ အငြင်းပွားမှုနှင့် ပတ်သက်၍ ဇန်နဝါရီ ၁၂ ရက် မွန်းလွဲပိုင်းက မြေပိုင်ရှင်ဆိုသူ၏ အပေါင်းအပါနှင့် ရွာသားများအကြား ပဋိပက္ခဖြစ်ပွားခဲ့သောကြောင့် လူ ငါးဦး ထိခိုက်ဒဏ်ရာ ရရှိခဲ့ကြောင်း သိရသည်။
အဆိုပါ ဖြစ်စဉ်ကြောင့် ထိခိုက်ဒဏ်ရာ ရရှိသူများကိုလည်း နာရေးကူညီမှုအသင်းအချို့က ဆေးရုံသို့ ပို့ဆောင်ပေးခဲ့ရကြောင်း၊ သက်ဆိုင်ရာ ရဲတပ်ဖွဲ့က ပဋိပက္ခဖြစ်ပွားခဲ့မှုကို ဝင်ရောက် ထိန်းသိမ်းခဲ့ရကြောင်း ဆက်လက် သိရသည်။
“နိုင်ငံတော်ကို တင်ထားတာ ရှိတယ်။ အဲဒါနဲ့ပတ်သက်လို့ သက်ဆိုင်ရာက အရေးမလုပ်တော့ အခုလို ပြဿနာတက်တာ။ ကွက်စိတ်ရိုက် ရောင်းတာဆိုတော့ ကျွန်တော်တို့လည်း မသိဘူး။ ရွာက လူငယ်တွေက ဒီဘောလုံးကွင်းကို လွန်ခဲ့တဲ့ သုံးနှစ်ကတည်းက ခြံစည်းရိုး ခတ်ထားကြတာ။ ဇလုပ်ရွာအတွက် အားကစားကွင်း မရသေးလို့ အခုလို ပြဿနာတက်တာ”ဟု မုံရွာမြို့နယ် ရွှေဇလုပ်ရပ်ကွက် အုပ်ချုပ်ရေးမှူး ဦးမောင်မောင်က ဆိုသည်။
ရွှေဇလုပ်ရပ်ကွက်ရှိ ဘောလုံးကွင်း မြေယာပြဿနာ အငြင်းပွားမှုနှင့် ပတ်သက်၍ မြေပိုင်ရှင်ဆိုသူ၏ အပေါင်းအပါနှင့် ရွာသားများအကြား ပဋိပက္ခဖြစ်စဉ်တွင် တစ်ဖက်နှင့် တစ်ဖက်က တုတ်၊ ဓား စသည့်များ အသီးသီး ကိုင်ဆောင်ထားကြကြောင်း သိရသည်။
ပဋိပက္ခဖြစ်ပွားခဲ့သည့် နေရာကို ရဲတပ်ဖွဲ့ဝင်များ၊ မုံရွာခရိုင် အုပ်ချုပ်ရေးမှူး၊ မုံရွာမြို့နယ် အုပ်ချုပ်ရေးမှူး၊ ရပ်ကျေးအုပ်ချုပ်မှူး စသည့် အာဏာပိုင်းများက လာရောက်ကာ စစ်ဆေးမှုများ ပြုလုပ်ခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
