၂၀၂၅ ခုနှစ် ဇန်နဝါရီ ၁ ရက်မှ စတင်ကာ ထိုင်းဗီဇာ လျှောက်ထားရာတွင် e Visa စနစ်ဖြင့်သာ လက်ခံတော့မည်ဖြစ်ကြောင်း ရန်ကုန်မြို့ရှိ ထိုင်းသံရုံးက ကြေညာသည်။
ထိုင်းနိုင်ငံသို့ မည်သည့်ဗီဇာစနစ်ဖြင့်ဖြစ်စေ ဝင်ရောက်မည့် မြန်မာနိုင်ငံသားများနှင့် မြန်မာနိုင်ငံတွင် လက်ရှိနေထိုင်လျက်ရှိသော အခြား နိုင်ငံသားများအနေဖြင့် e Visa စနစ်အသစ်ဖြင့်သာ လက်ခံတော့မည်ဖြစ်သည်။
ဗီဇာလျှောက်ထားသူများအနေဖြင့် ပတ်စ်ပို့နှင့် ဗီဇာလျှောက်ထားရန် လိုအပ်သော စာရွက်စာတမ်းများအားလူကိုယ်တိုင် လာရောက်လျှောက်ထားရန် မလိုအပ်တော့ကြောင်း၊ ဗီဇာအမျိုးအစားအားလုံးအတွက် e-Visa စနစ်အသစ်ကို https://www.thaievisa.go.th/ တွင်လျှောက်ထားရမည် ဖြစ်ကြောင်း၊ e Visa ဖြင့် ဗီဇာများ လျှောက်ထားပြီးပါက ဒေါ်လာဖြင့် ပေးသွင်းရမည့် ဗီဇာကြေးအား ထိုင်းသံရုံး ဗီဇာကောင်တာတွင် ချိန်းဆိုထားသောရက်၌ နံနက် ၉ နာရီမှ ၁၁ နာရီခွဲအတွင်း လာရောက်ပေးသွင်းရမည်ဖြစ်ကြောင်း၊ ဗီဇာကြေးပေးချေရန်အတွက် အွန်လိုင်းဘိုကင်စနစ်နှင့် ပတ်သက်သော အသေးစိတ်အချက်အလက်များကို ထပ်မံကြေညာပေးသွားမည်ဖြစ်ကြောင်း ထိုင်းသံရုံးက ထုတ်ပြန်သည်။
ဗီဇာကြေးပေးသွင်းပြီးပါက e Visa စနစ်တွင် ဗီဇာလျှောက်လွှာများအား အကဲဖြတ်ရန်ကြာချိန်သည် ၁၀ ရက်မှ ၁၅ ရက်ခန့်ကြာမြင့်နိုင်ကြောင်း၊ ဗီဇာလျှောက်ထားသူများအနေဖြင့် စာရွက်စာတမ်းအပြည့်အစုံ မတင်သွင်းခြင်း၊ အတုများတင်သွင်းခြင်းပြုလုပ်ပါက အဆိုပါဗီဇာလျှောက်လွှာကို ပယ်ချမည်ဖြစ်ကြောင်း၊ ဗီဇာလျှောက်လွှာကို အတည်ပြုပြီးပါက လျှောက်ထားသူသည်အတည်ပြုအီးမေးလ် ရရှိမည်ဖြစ်ပြီး အဆိုပါအီးမေးလ်ကို လေဆိပ်နှင့် ထိုင်းလဝကကို ပြသရန် ပရင့်ထုတ်ယူထားရမည်ဖြစ်ကြောင်း ထိုင်းသံရုံးက ဆိုသည်။
လက်ရှိတွင် ဗီဇာလျှောက်ထားရန် အွန်လိုင်းမှတစ်ဆင့် ရက်ချိန်းရယူထားသူအတွက် ဒီဇင်ဘာ ၂၄ ရက်အထိသာ လျှောက်လွှာများအား လက်ခံတော့မည်ဖြစ်ကြောင်း၊ e Visa စနစ်အပြောင်းအလဲပြုလုပ်ခြင်းအား ပြင်ဆင်ရန်အတွက် ဒီဇင်ဘာ ၂၅ ရက်မှ ဒီဇင်ဘာ ၃၁ ရက်အထိ ဗီဇာလျှောက်လွှာများကို လက်ခံမည်မဟုတ်ကြောင်း ထိုင်းသံရုံး၏ ထုတ်ပြန်ချက်တွင် ဖော်ပြထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
