အင်းစိန်မြို့နယ်တွင် YBS ယာဉ်တစ်စီးက ယာဉ်ထိန်းရဲတပ်ဖွဲ့ယာဉ် တစ်စီးကို နောက်ကဝင်တိုက်ရာမှ ယာဉ်ခြောက်စီးဆင့်တိုက်မှု ဖြစ်ပွားခဲ့ပြီး ရဲတပ်ဖွဲ့ဝင်ခြောက်ဦး ဒဏ်ရာရရှိခဲ့ကြောင်း မေ ၁၄ ရက်တွင် ရဲတပ်ဖွဲ့မှ စုံစမ်းသိရှိရသည်။
ဖြစ်စဉ်မှာ မေ ၁၃ ရက် မွန်းလွဲ ၂ နာရီခန့်တွင် အင်းစိန်မြို့နယ် အင်းစိန်လမ်းမကြီးအတိုင်း ဘီအိုစီဘက်မှ သမိုင်လမ်းဆုံဘက်သို့ မောင်းနှင်လာသည့် YBS ၂၁ ယာဉ်တစ်စီးသည် ဘီအိုစီမှတ်တိုင် အရောက်တွင် ဘရိတ်ပေါက်၍ အရှိန်မထိန်းနိုင်ဘဲ စည်းကမ်းမဲ့ယာဉ်များ ဖမ်းဆီးရေးအဖွဲ့ (ရန်ကုန်) ရဲတပ်ကြပ်ကြီး ယဉ်ထွေး (၄၃နှစ်) မောင်းနှင်သည့် ရဲတပ်ဖွဲ့ပိုင် Town Ace ယာဉ်ကို နောက်မှ ဝင်တိုက်မိခဲ့ကြောင်း သိရသည်။
ယင်းသို့ အနောက်မှ ဝင်တိုက်ခံရသည့် အရှိန်ကြောင့် ရဲတပ်ဖွဲ့ပိုင်ယာဉ်မှာ ၎င်းရှေ့မှ မောင်းနှင်နေကြသည့် လှိုင်မြို့နယ်နေ ယာဉ်မောင်းကို.... ၏ Caldina ယာဉ်တစ်စီး၊ ပြင်ဦးလွင်မြို့နေ ကို.... မောင်းနှင်သည့် Caldina ယာဉ်တစ်စီး၊ အခြား Caldina ယာဉ်တစ်စီးနှင့် Rosa ယာဉ်တစ်စီးတို့ကို ထပ်မံတိုက်မိခဲ့ကြောင်း သိရသည်။
ယာဉ်တိုက်ခံရမှုကြောင့် ယာဉ်ထိန်းရဲယာဉ်ပေါ်ပါ ရဲအုပ်တစ်ဦး၏ ညာလက်၊ ပေါင်တို့တွင် ဖူးရောင်ဒဏ်ရာများ၊ ရဲတပ်ကြပ်ကြီးယဉ်ထွေး အပါအဝင် ရဲတပ်ဖွဲ့ဝင်ငါးဦးမှာ နောက်စေ့၊ ညာဘက်နံဘေးတို့တွင် နာကျင်ဒဏ်ရာများ ရရှိကာ အင်းစိန်ဆေးရုံတွင် ဆေးကုသမှု ခံယူခဲ့ရကြောင်း ရဲတပ်ဖွဲ့မှ စုံစမ်းသိရှိရသည်။
အဆိုပါ ဖြစ်စဉ်မှ YBS ယာဉ်မောင်းဖြစ်သည့် နေမင်းခိုင်ဆိုသူကို အင်းစိန်မြို့မရဲစခန်းက ရာဇသတ်ကြီးပုဒ်မ ၃၃၈/၃၃၇/၂၇၉/၂၀၂ ဖြင့် အမှုဖွင့်ကာ အရေးယူထားကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
